ڕۆژانە

15:44

شاندی ئیمراڵی کە لەگەڵ ڕێبەری گەلی کورد عەبدوڵا ئۆجالان لە دوورگەی ئیمرالی دیداریان کرد، ئاماژەیان بەوە کرد کە رێبەر ئۆجەلان باسی لەوە کرد کە پرۆسەی ئاشتی لە قۆناغێکی مێژووییدایە و پێویستە هەنگاوی کردەیی بۆ چارەسەری دیموکراسی بنرێت.

15:26

لە بەیاننامەیەکدا کۆنگرە ستار جەختی لەوە کردووەتەوە کە بڕیارەکانی وەزارەتی پەروەردە دژی زمانی کوردی و هێرشکردنە سەر بەهاکانی خەڵک بە هیچ شێوەیەک قبوڵکراو نین. ڕێکخراوەکە ئاماژەی بەوەدا کە زمانی دایکی شوناس و مێژووی نەوەکانی داهاتووە.

15:00

چالاکوانی مەدەنی گوڵزول نەجەفی زیاتر لە سێ هەفتەیە لەلایەن دەسەڵاتدارانی ئێرانەوە دەستگیر کراوە و تا ئێستاش شوێنی دەستبەسەرکردن، دۆخی دۆسیە و باری تەندروستیی نادیارە.

14:29

کۆمیسیۆنی زمان، کولتوور و هونەری دەم پارتی ڕایگەیاند کە خوێندن بە زمانی دایک هەوێنی ئاشتیی کۆمەڵایەتییە و بانگەوازی لە هەموو دامەزراوە ئیداری و مەدەنییەکان بەتایبەتی پەرلەمان کرد کە بۆ داننان بە مافی خوێندندا بە زمانی دایک بە 'بەرپرسیارێتی' خۆیان هەستن.

14:06

ئەو خوێندکارانەی بەشدارییان لە خۆپیشاندانی یەکێتی قوتابیان لە شاری قامیشلۆ کرد، ڕایانگەیاند، بڕیاری ٢٧ی ئابیان قبوڵ نەکردووە کە زمانی کوردی لە هەفتەیەکدا تەنها بۆ سێ کاتژمێر سنووردار کردبوو.

14:03

کژار لە چوارەمین ساڵیادی ڕاپەڕینی ژن ژیان ئازادیدا پەرتوکی"هێماکانی شەقام"ی بڵاوکردەوە. کتێبەکە شیکاری بۆ ڕۆڵی تێکۆشەران لە خەباتی دژ بە دامەزراوەی ستەمکار و پیاوسالاری لەسەر ڕێگای ئازادی دەکات.

13:21

پێش چوارەمین ساڵیادی کوشتنی ژینا ئەمینی، یەکێتی مامۆستایانی کوردستان شۆڕشی "ژن، ژیان، ئازادی"یان بە دیدگایەکی درێژخایەن بۆ کۆمەڵگەیەک کە لەسەر بنەمای کەرامەت و یەکسانی و مافەکانی ژنان و فرەچەشنی پێناسەکرد.

12:05

لە ئەنجامی کێشەیەکی کۆمەڵایەتی لە سنووری ئیدارەی سەربەخۆی زاخۆ، ژنێکی تەمەن ٢٠ ساڵ لەناو ماڵەکەی خۆیدا بە دەستڕێژی گولە کوژرا؛ پۆلیسی ناوچەکەش سێ تۆمەتباری لەسەر ڕووداوەکە دەستگیرکرد.

11:33

لە چوارەمین ساڵیادی شۆڕشی "ژن، ژیان، ئازادی"دا، کۆنگرەی ستار سیاسەتە ستەمکارەکانی ئێرانی شەرمەزارکرد و ئەم دروشمەی وەک فەلسەفەی ژیانی ئازاد پێناسە کردو بەڵێنیدا خەباتی ژنان گەورە بکات.

11:00

هەپەژە لە چوارەمین ساڵیادی شۆڕشی "ژن ژیان، ئازادی"دا ڕایگەیاند کە ئەم شۆڕشە شوێنی سەدەی ژنانە، فەلسەفەی ڕێبەری گەلی کورد عەبدوڵا ئۆجالان سیستەمی پیاوسالاری هەژاندووە و داوای پاراستنی دەستکەوتەکانی شۆڕش دەکات.

10:08

09:52

ڕێوڕەسمی پرسە و سەرەخۆشی لە شاری وان کە هەزاران کەس ئامادەی بوون، بوو بە سەکۆیەک بۆ بانگەوازی ئاشتی، ئەو دایکانەی کە لە کاتی مەراسیمەکاندا قسەیان کردو وتیان: ئێمە خوازیاری سەرکەوتنی پڕۆسەی ”ئاشتی و کۆمەڵگەی دیموکراتیکین.

08:41

لە کامپی پەنابەرانی شەهید ڕۆستەم کودی، بە پێشەنگایەتی ئەنجومەنی عشتار، شۆڕشگێڕ ژیان (زەینەب ئەردەم) کە لە ١٣ی ئەیلوولی ١٩٩٥ لە کامپی ئەرتوش لە ئەنجامی گولـلەبارانی پەدەکە شەهید بوو، یادی کرایەوە.

20:29

کۆنگرەیەکی ڕۆژنامەوانی لە لایەن بەرەی پشتیوانی لە ڕۆژئاوای کوردستان، کە سەبارەت بەدواین ڕووداو و پێشهاتەکانی ڕۆژئاوای کوردساتان و سووریا، ئەنجامدرا.

15:52

سیمین کازمی پزیشک و توێژەری تەندروستی کۆمەڵایەتی ئەنجامی توێژینەوەیەکی ئاشکرا کرد کە لە ناوەندێکی چاودێری لە ئێران ئەنجام دراوە. بەپێی ئەو ئامارە، لەسەدا ٦٦ی ژنانی کەمئەندامی دەروونی تووشی دەستدرێژی سێکسی بوون.

15:46

لالە مەرزبان لە بەشی "ئاسۆیان" لە ٨٣ ەمین خولی فێستیڤاڵی فیلمی ڤێنیزدا بە شایستەی خەڵاتی باشترین ئەکتەر دادەنرا. لالح مەرزبان خەڵاتەکەی پێشکەش بە ژنانی ئێران کرد.

15:39

جیاکاری و نادادپەروەری لە سیستەمی پەروەردەی ئێراندا تەنها لە نێوان قوتابخانە تایبەتەکان و دەوڵەتییەکاندا نییە، بەڵکو لە ناوچە جیاوازەکانیشدا قووڵە. هۆکارەکانی وەک بارودۆخی ئابووری، ڕەگەز و شوێنی نیشتەجێبوون ئەم جیاوازییە هێشتا گەورەتر دەکەن.

15:25

بەهۆی درێژخایەنی وشکەساڵی و گۆڕانی کەشوهەوا و لاوازی ژێرخانی ئابووری، قەیرانی ئاو لە ئەفغانستان دەگاتە ئاستێکی مەترسیدار. ملیۆنان کەس دەستیان بە ئاوی پاک و خاوێن نییە بۆ پێداویستییەکانی ڕۆژانەیان.

15:01

قەیرانی مرۆیی لە یەمەن لەگەڵ توندتربوونی شەڕ و پێکدادانەکان خراپتر بووە و دەیان هەزار کەسی ناچار کردووە ماڵ و حاڵی خۆیان بەجێبهێڵن، هۆشدارییەکان زیاد دەبن کە شەپۆلی ئاوارەبوون بەردەوام دەبێت و هەوڵەکانی فریاگوزاری لە ژێر فشاری زیاتردا دەبن.

14:24

تەڤگەری ژنانی ئازاد (تەژەئا) سەبارەت بە ڕووداوەکانی کۆبانێ ڕاگەیاندراوێکی بڵاوکردەوە، تەژەئا سەرنجی بۆ بەئامانجکردنی پێکەوە ژیانی گەلی کورد و عەرەب ڕاکێشا و داوای لێکۆڵینەوەی سەربەخۆ و ڕوون دەکات.