ڕۆژانە

11:16

دادگای ئینقلاب لە شاری کرمان لە سزایەکی نوێدا، سزای توندی زیندانی بۆ هەر یەکەیان هەشت ساڵ لە دژی سێ ئەندامی کەمینەی بەهایی دەرکرد.

09:42

ئیلکای ئەکایا، هونەرمەند، و زولیخە بورجو ئاکار، ئەکادیمیست، جەختیان لەوە کردەوە کە بەدەستهێنانی ئاشتی لە تورکیا پێویستی بە بەشداریی فراوانی کۆمەڵگە و خەباتێکی بەردەوام هەیە، هەروەها ڕۆڵی ژنانیان لە بونیادنانی ئاشتییەکی دیموکراتی و گشتگیر بە گرنگ دانا.

15:00

سەرۆکی ئەنجومەنی ژنانی دەم پارتی، لە گفتوگۆکانی بودجەی وەزارەتی کار و دڵنیایی کۆمەڵایەتی، داوای لابردنی ئەو بەربەستانەی کرد کە لەبەردەم مافەکانی ژنان بۆ دڵنیایی لە کار و ڕێکخراوبوون هەن.

14:57

لە هیندستان بۆ یەکەمجار هێڵێکی میترۆ دەکرێتەوە کە ژنان بەڕێوەی دەبەن و زیاتر لە ١٠٠ کارمەندی ژنی تێدا کار دەکەن و ٣٠٪ـی کارەبای ئەو میترۆیە لە ڕێگەی وزەی خۆرەوە دابین دەکرێت.

14:13

کۆمەڵەی ڕۆژنامەنووسانی دیجلە و فورات ڕایگەیاند، کە لە مانگی ڕابردوودا ٢٠ ڕۆژنامەنووس ڕاگیراون و شەش ڕۆژنامەنووسی دیکەش دەستگیرکراون، بە لانیکەم ١٦٢ ڕۆژنامەنووس کارەکانیان لەدەستداوە.

13:40

نزیکەی ٣٠٠ ژن لە "دایکانی ئاشتی" کە نوێنەرایەتی ٢٤ شار دەکەن، دوای دەستپێکردنی "گۆڕانی ئاشتی"یان کرد لە پارکی کورتولوش گەیشتنە بینای پەرلەمان و داوای هەنگاوی کۆنکرێتییان کرد بەرەو ئاشتی و کۆمەڵگەیەکی دیموکراتی.

12:36

لەماوەی دوو ساڵی ڕابردوودا ١٨٩ ڕۆژنامەنووس و میدیاکار کوژراون و وڵاتانی عەرەبی زۆرترین پشکیان پێکهێناوە کە ٩٧ حاڵەتە.

12:00

جێگری وەزیری تەندروستیی ئێران بۆ کاروباری چارەسەرکردن ئاشکرای کرد، کە بە نزیکەی نیوەی نەخۆشخانەکانی وڵات بەدەست نەبوونی پێوەرەکانی پارێزراوییەوە دەنالێنن بەهۆی کۆنی و کەمی پێکهاتەیییەکانەوە.

11:00

لەگەڵ فراوانبوونی ئاستی پشتیوانیی نێودەوڵەتی بۆ کەمپەینی "سێشەممانی نا بۆ لەسێدارەدان"، ڕاپۆرتەکان ئاماژە بە لەسێدارەدانی بەلایەنی کەم ٢٥ زیندانی لە ماوەی شەش ڕۆژدا دەکەن.

10:46

بەپێی وتەی دکتۆرەکان، گومان دەکەن، زیندانی نەخۆش، ئەڤین زاپسو کە ١٠ ساڵە لە زینداندایە تووشی نەخۆشی شێرپەنجە بووبێت، کەسوکارەکەی ڕایانگەیاند، دۆخی تەندروستی ئەڤین بە هەبوونی چەندین نەخۆشی دیکەوە ڕوو لە خراپبوونە و چارەسەری پزیشکی بۆ ناکرێت.

10:30

پەرلەمانی ئەورووپا هەفتەی یەکسانی ڕەگەزیی بە دروشمی "ژن لە ڕێبەرایەتیدا" لە ئەمڕۆوە بۆ ماوەی سێ ڕۆژ بەڕێوە دەبات، بە ئامانجی تاوتوێکردنی ڕۆڵی ژنان، ئاڵۆزییە کۆمەڵایەتییەکان و ئیلهامبەخشین بە نەوەکانی داهاتوو.

10:16

سەنتەری ڕۆژنامەنوسانی سودان جەختی کردەوە، کە سودان شایەتحاڵی یەکێک لە خوێناویترین و مەترسیدارترین قۆناغەکانە بۆ سەر ڕۆژنامەگەری و ڕۆژنامەنوسان، پێشێلکارییەکان لە دەستپێکی هەڵگیرسانی ململانێکانەوە لە ١٥ی نیسانی ٢٠٢٣ەوە نەەوەستان.

09:51

لە هەولێر ئەفسەرێکی ژن وەک بەرپرسی بنکە نموونەییەکانی پۆلیس دەستنیشان کرا، کە بۆ یەکەمجارە ئەفسەرێکی ژن ئەم پێگەیە وەردەگرێت.

08:06

تەژەئا بە دروشمی "بە هێز و ئیرادەی ئازادی خۆمان، ئێستا کاتی ژنانە" ڕاگەیاندراوی ٢٥ی تشرینی دووەمی بڵاوکردەوە، ڕایگەیاند کە تێکۆشانی ڕێکخراویان دەبێتە گەورەترین خۆپاراستن و تا ئەوکاتەی کۆمەڵگەیەکی دیموکراتیکی ئازاد بنیات دەنێن، تێکۆشان بەردەوام دەکەن.

07:16

گۆڕانکارییە دواکەوتووەکانی ناو پەرتوکەکانی (مێژوو، جوگرافیا و ئایینی) لە سووریا، ئاماژە بەوە دەکەن کە سەردەمێکی ڕۆشنبیری دادەخرێت و سەردەمێکی دیکەی ڕادیکاڵ و توندڕەوتر دەکرێتەوە.

15:05

بەپێی لێکۆڵینەوەیەکی ئێران وایەر، زیندانییەکانی زیندانی ژنانی دەوڵەت ئابادی لە شاری ئەسفەهان، ڕووبەڕووی ئەشکەنجەی توند دەبنەوە.

14:38

لە قامیشلۆ، خوێندکاران و مامۆستایانی زانکۆی ڕۆژئاوا لە ڕێگەی ڕاگەیەندراوێکەوە ناڕەزایەتیی خۆیان بەرامبەر بە بڕیاری وەزارەتی خوێندنی باڵا و توێژینەوەی زانستیی سووریا لەبارەی زانکۆی ڕۆژئاوا نیشان دا.

13:44

ناوەندی ڕاگەیاندنی دەزگای دادوەریی ئێران ڕایگەیاند، کە لە تاران ژنێک بە تۆمەتی هەوڵدان بۆ ڕێکخستنی چالاکیی نوێ دەستبەسەر کراوە، ناسنامەی ژنەکە و شوێنی دەستبەسەرکرانی نەخراونەتە ڕوو.

12:17

بەهۆی تێکچوونی ڕەوشی ئەمنی، هەزار و ١٥٠ کەس لە چوار گوندی باکووری دارفورەوە بەرەو چاد و ناوچەکانی دیکەی ناو وڵات ئاوارە بوون.

11:25

زەینەپ ئەگباییر، یەکێک لە بانگخوازانی کۆنفرانسەکەی ژنان لە ئەنقەرە، ئاماژەی بەوە کرد کە کۆبوونەوەی ژنانی خاوەن بیر و بۆچوونی جیاواز، بەهایەکی زۆری هەیە.