ڕۆژانە

15:41

ئێوارەیەکی ڕۆشنبیری لە پایتەختی جەزائیر بۆ پەرەپێدانی زنجیرە ئەنیمەیشنی "جوهای موهتەشم" بەڕێوەچوو. ژنە هونەرمەندە گەنجەکان لە ڕێگەی شانۆوە جیهانی "جوها"یان بە ژیان هێنا و بە ڕوانگەیەکی مۆدێرن لە میراتی کولتووری نزیکبوونەوە.

15:31

لە یەمەن بەهۆی زیادبوونی چالاکیی سەربازییەوە هەزاران خێزان ئاوارە بوون و دەیان هاوڵاتی مەدەنیش کوژراون و هەوڵەکانی هاوکاریش بەهۆی نیگەرانییە ئەمنییەکانەوە ڕاگیراون.

15:17

کەمپەینی "سێشەممانی نا بۆ لەسێدارەدان" لە ١٣٨هەمین هەفتەیدا بە مانگرتنی زیندانییان لە ئێران بەڕێوەچوو، هاوکات لەگەڵ پەرەسەندنی لەسێدارەدانەکان و بەردەوامیی پاڵپشتییە ناوخۆیی و نێودەوڵەتییەکان بۆ ڕاگرتنی پێشێلکارییەکانی مافی مرۆڤ.

15:10

سەرکوتی ڕێژیمی ئێران بۆ سەر زیندانیانی سیاسی و هاووڵاتییان بەردەوامە. دایک و کوڕێک حوکمیان بەسەردا سەپێنراوە، زیندانییەکی سیاسیش ڕووبەڕووی بارودۆخی مەترسیدار دەبێتەوە بۆ سەر ژیانی، سێ هاووڵاتی بەهایییش دەستبەسەر کراون.

14:55

لە شاری تەعز، وۆرکشۆپی کۆتایی پڕۆژەی "سەرکردایەتی ژنان و کاریگەری لەسەر ڕێڕەوەکانی ئاشتی" بە بەشداریی ٣٠ ژنی سەرکردە و نوێنەری کۆمەڵگەی مەدەنی بەڕێوەچوو، بە ئامانجی بەهێزکردنی رۆڵی ژنان لە بڕیاردان و بونیادنانی ئاشتیدا.

14:35

یاریزانی کورد بێریتان جەمال حەمەحەسەن تەمەن ١٣ ساڵ لە پاڵەوانێتییەکی نێودەوڵەتیی یارییەکانی مۆی تای و کیک بۆکسینگ لە وڵاتی ئەڵمانیا بەشداری کرد و توانی پلەی یەکەم لە مۆی تای و پلەی دووەم لە کیک بۆکسینگدا بەدەست بهێنێت.

14:19

سەرۆکی داواکاری گشتی ئەرزروم ئۆپەراسیۆنێکی بۆ سەر ١١ تۆمەتبار بە تۆمەتی "شاردنەوەی بەڵگە" لە چوارچێوەی لێکۆڵینەوەی گوڵستان دۆکو دەستپێکرد و لە ئەنجامدا چوار کەس دەستگیرکرا، بەمەش کۆی گشتیی دەستگیرکراوان گەیشتە ٣٦ کەس.

13:47

داتاکانی پەروەردەی ئێران دەرهەق بە ساڵی نوێ نیشانی دەدەن کە بۆشایی پەروەردەیی بەرفراوانتر بووە؛ بە جۆرێک کە نزیکەی ٩٥٠ هەزار خوێندکار وازیان لە خوێندن هێناوە و زیاتر لە ١٤١ هەزار منداڵی تەمەن ٦ بۆ ١١ ساڵیش هەر ناویان تۆمار نەکراوە.

11:42

دوو خوێندکار بەهۆی بێڕێزیکردن بە ئاڵا لە ئەنجامی ناڕەزایەتییەکان لە قوتابخانە دەرکران. سێ خوێندکاری دیکەش بەشێوەیەکی کاتی لە خوێندن ڕاگیران. ١٠ خوێندکاری دیکەش بەشێوەیەکی کاتی لە خوێندن ڕاگیران، بەشێکی دیکەشیان دەرکران.

10:56

هاوکات لەگەڵ چوارەمین ساڵڕۆژی سەرهەڵدانی شۆڕشی گلان لە ئێران، مای ساتۆ، ڕاپۆرتدەری تایبەتی ڕێکخراوی نەتەوە یەکگرتووەکان دەڵێت: گیانلەدەستدانی ژینا ئەمینی شۆڕشێکی بەربڵاوی لە ئێراندا لێکەوتەوە کە نەتەوە و شارە جیاوازەکانی سەرتاسەری وڵات تێیدا بەشداربوون.

10:15

وریشە مورادی لە چوارەمین ساڵیادی شۆڕشی ژن، ژیان، ئازادیدا: ئەمە تەنیا درووشمێک نییە، بەڵکو پڕۆژەیەکی بەردەوامە بۆ وەرگرتنەوەی ژیان و شکاندنی سیستەمی دەسەڵاتدار.

09:44

کۆمیسیۆنی چارەسەری کێشەکانی پەنابەران لە ڕاپۆرتێکدا ڕایگەیاند، کە هەزاران پەنابەری ئەفغانی بە زۆر دیپۆرت کراون و گەڕاونەتەوە ئەو وڵاتەی کە ناچار بوون بەجێی بهێڵن.

08:44

لە شارۆچکەی خانەقین لە ڕووداوێکی تەقەکردندا، ژنێکی تەمەن ٢٩ ساڵ لە لایەن هاوژینی پێشوویەوە کوژرا، هێزە ئەمنییەکانیش پەڕاوی لێکۆڵینەوەیان بۆ ڕووداوەکە کردەوە.

15:44

شاندی ئیمراڵی کە لەگەڵ ڕێبەری گەلی کورد عەبدوڵا ئۆجالان لە دوورگەی ئیمرالی دیداریان کرد، ئاماژەیان بەوە کرد کە رێبەر ئۆجەلان باسی لەوە کرد کە پرۆسەی ئاشتی لە قۆناغێکی مێژووییدایە و پێویستە هەنگاوی کردەیی بۆ چارەسەری دیموکراسی بنرێت.

15:26

لە بەیاننامەیەکدا کۆنگرە ستار جەختی لەوە کردووەتەوە کە بڕیارەکانی وەزارەتی پەروەردە دژی زمانی کوردی و هێرشکردنە سەر بەهاکانی خەڵک بە هیچ شێوەیەک قبوڵکراو نین. ڕێکخراوەکە ئاماژەی بەوەدا کە زمانی دایکی شوناس و مێژووی نەوەکانی داهاتووە.

15:00

چالاکوانی مەدەنی گوڵزول نەجەفی زیاتر لە سێ هەفتەیە لەلایەن دەسەڵاتدارانی ئێرانەوە دەستگیر کراوە و تا ئێستاش شوێنی دەستبەسەرکردن، دۆخی دۆسیە و باری تەندروستیی نادیارە.

14:29

کۆمیسیۆنی زمان، کولتوور و هونەری دەم پارتی ڕایگەیاند کە خوێندن بە زمانی دایک هەوێنی ئاشتیی کۆمەڵایەتییە و بانگەوازی لە هەموو دامەزراوە ئیداری و مەدەنییەکان بەتایبەتی پەرلەمان کرد کە بۆ داننان بە مافی خوێندندا بە زمانی دایک بە 'بەرپرسیارێتی' خۆیان هەستن.

14:06

ئەو خوێندکارانەی بەشدارییان لە خۆپیشاندانی یەکێتی قوتابیان لە شاری قامیشلۆ کرد، ڕایانگەیاند، بڕیاری ٢٧ی ئابیان قبوڵ نەکردووە کە زمانی کوردی لە هەفتەیەکدا تەنها بۆ سێ کاتژمێر سنووردار کردبوو.

14:03

کژار لە چوارەمین ساڵیادی ڕاپەڕینی ژن ژیان ئازادیدا پەرتوکی"هێماکانی شەقام"ی بڵاوکردەوە. کتێبەکە شیکاری بۆ ڕۆڵی تێکۆشەران لە خەباتی دژ بە دامەزراوەی ستەمکار و پیاوسالاری لەسەر ڕێگای ئازادی دەکات.

13:21

پێش چوارەمین ساڵیادی کوشتنی ژینا ئەمینی، یەکێتی مامۆستایانی کوردستان شۆڕشی "ژن، ژیان، ئازادی"یان بە دیدگایەکی درێژخایەن بۆ کۆمەڵگەیەک کە لەسەر بنەمای کەرامەت و یەکسانی و مافەکانی ژنان و فرەچەشنی پێناسەکرد.