ڕۆژانە

10:47

یەکێتیی مامۆستایانی کورد بانگەوازی کرد لە ٢١ـی شوباتدا کە ڕۆژی جیهانیی زمانی دایکە، زمانی کوردی بکرێتە فەرمی و وەک زمانی دایک لە بواری پەروەردەدا بخوێنرێت.

09:51

پەروین بوڵدان، ئەندامی شاندی ئیمرالی دەربارەی کۆتا دیداریان لەگەڵ ڕیبەری گەلی کورد عەبدوڵا ئۆجالان زانیاری خستەڕوو، ئاماژەی بەوەشکرد، مامەڵە و نزیکایەتی پارتە سیاسییەکانی باشووری کوردستان زۆر گرنگە.

09:34

پچڕانی ئینتەرنێت لە ئەفغانستان و ئێران تەنها هەڵەیەکی تەکنیکی نییە، بەڵکو ژنان لە دەستڕاگەیشتن بە خوێندنی ئۆنلاین و توانای بەڕێوەبردنی ماڵەکانیان و پەیوەندیکردن لەگەڵ جیهانی دەرەوە بێبەش دەکات، ئەمەش بە شێوەیەکی کاریگەر دەنگیان لە کۆمەڵگەدا بێدەنگ دەکات.

09:21

ڕێکخراوی لێبوردنی نێودەوڵەتی بڵاویکردەوە، لانیکەم ٣٠ کەس بەهۆی بەشداریکردن لە خۆپێشاندانەکانی ئەم دواییەی ڕۆژئێراندا، لەژێر مەترسی لەسێدارەدانن، دەشڵێن: دەسەڵاتدارانی ئێران سیستەمی دادوەری بۆ سەرکوتکردنی خەڵک بەکاردەهێنن.

08:15

شاندێکی ژنانی ڕۆژئاوای کوردستان لە هەرێمی کاوکای وڵاتی کۆڵۆمبیا، لەگەڵ ژمارەیەک لە چالاکوانان و بزووتنەوەکانی ژنان کۆبوونەوەو ئەزموونی شۆڕشی ژنانیان لە ڕۆژئاوا و ڕۆڵی ژن لە خەبات و بەشداری سیاسی خستە ڕوو.

07:51

هاوپەیمانی نادا ماتەمینی بۆ کۆچی دوایی چالاکوانی فەڵەستینی لەیلا شەهید دەردەبڕێت و دەڵێت: ژنان هاوبەشن لە داڕشتنی مێژوو نەک لە پەراوێزی ئەو وڵاتە.

07:23

بێخاڵ ئەبوبەکر، خاوەن بڕوانامەی دکتۆرا لە بەشی زمانی ئینگلیزی زانکۆی سلێمانی دەڵێت: دەوڵەتانی دراوسێ بۆ سڕینەوەی زمانی کوردو نەتەوەی کورد بەردەوام لە جینۆسایدکردنی کوردان، خێزان و دایک و باوک چەند گرنگی بە زمانی کوردی دەدەن و تا چەند بە پیرۆز سەیری دەکەن.

15:13

پلاتفۆرمی یەکێتی ژنانی کورد دەڵێت: یەکێتی نەتەوەیی گەلی کورد، مسۆگەری هەبوونی گەلی کوردە، بۆیە بانگەوازی بۆ بەشداربوون لە "کۆبوونەوەی یەکێتیی نەتەوەیی" دەکەین، کە بڕیارە لە ئامەد بەڕێوە بچێت.

11:55

خۆبەڕێوەبەری شنگال ڕایگەیاند، لەسەر شنگال پیلانگێڕییەکی پیس و مەترسیدار هەیە، کۆمەڵگەی ئێزدی هێشتا خوێن لە برینەکانی جینۆسایدی دەچۆڕێت و بەرگەی کۆمەڵکوژییەکی تر ناگرێت، بۆیە بانگەوازی بەپەلە لە حکومەتی بەغداد دەکەین، هەڵوێست نیشان بدات.

10:06

لە شاری بازل لە فۆڵکسبوونە "Volksbühne" شانۆگەرییەک بە ناوی "ژنە ئازاکان" نمایش کرا کە ئیلهامی لەو ژنە بوێرانە وەرگرتووە کە شوێنپەنجەیان لە مێژوودا دیارە، ژمارەیەکی زۆر لە بینەران بە بایەخەوە تەماشای شانۆگەرییەکەیان کرد.

09:01

ڕێکخراوەکانی ژنان لە ڕۆژئاواو باکوور و ڕۆژهەڵاتی سووریا هەڵمەتێکی نێودەوڵەتی فراوانیان دەستپێکرد بە ئامانجی گواستنەوەی پرسی ژنان لە چوارچێوەی داواکاری مافەکانەوە بۆ ئاستی مسۆگەری دەستووری.

08:08

ئەکادیمیای ژنۆلۆژی شنگال ڕایگەیاند کە کۆمەڵگەی ئێزدی چیتر وەک پێش ساڵی ۲۰۱٤ نییە، ئێستا خاوەنی ئیرادە و هێزی پاراستنەو ڕێگە نادات هیچ هێرش و فەرمانێکی نوێ لەلایەن دەوڵەتی داگیرکەری تورک و چەتەکانەوە ئەنجام بدرێت.

07:39

دایکە حەمدیە کوتێ کە کچەکەی گیانی خۆی لە پێناو نیشتمانەکەیدا بەخت کرد، دەڵێت: پێویستە لایەنە سیاسییە کوردییەکانی کوردستان کۆببنەوە، بە زووترین کات کۆنگرەی نەتەوەیی ببەستن و لە سەدەیەکی دیکەی جینۆساید ڕزگاریان بێت و پێگەیەکیان هەبێت.

15:20

پاش تەواوبوونی کۆنفرانسی ژنانی ئەبیا یالا، بۆ لە نزیکەوە ئاگاداربوون لە کار و هاوبەشکردنی ئەزموونەکانیان، بێریڤان خالید، نوێنەری کۆنگرەی ستار سەردانی ئەنجوومەنی خۆجێی شارۆچکەی کاوکای کۆڵۆمبیای کرد.

14:36

ڕێکخراوەکانی ژنان لە باکوور و ڕۆژهەڵاتی سوریا، بۆ چەسپاندنی مافەکانی ژنان لە دەستووری نوێی وڵاتدا، لە شاری قامیشلۆ کۆبوونەوە و وتیان: دەستکەوتەکانمان جێی مامەڵە و سازش نین.

14:20

ئایشەگوڵ دۆغان، وتەبێژی دەم پارتی ڕایگەیاند، سەرەڕای کەموکورتییەکان، ئەو پێشنیارانە بۆ دیموکراتیک بوون کە لە ڕاپۆرتی هاوبەشدا هاتووە گرنگن و پێویستە دەستبەجێ ببنە یاسا، دەبێت ئێمە و کۆمەڵگەش چاودێری بکەین.

14:01

لەناو ئەو گەمارۆ خنکێنەرە بەردەوامەی کە بەسەر شاری کۆبانێدا سەپێندراوە، کۆنگرەی ستار هۆشداریدا لە کارەساتێکی مرۆیی نزیک کە هەڕەشە لە دەیان هەزار هاوڵاتی مەدەنی دەکات، دەڵێت: ئەو شارە کە سیمبولی جیهانی بوو لە شەڕی دژی داعش، ئێستا بە تەنها جێهێهێڵدراوە.

13:47

لە تەمەنی ٧٦ ساڵیدا تەرمی لەیلا شەهید نوێنەری پێشووی فەڵەستین لە پاریس و برۆکسل لە ماڵەکەی خۆی لە باشووری فەرەنسا دۆزرایەوە، هێشتا دەسەڵاتداران لێکۆڵینەوە لە بارودۆخی مردنەکەی دەکەن.

13:12

زانراوە دوو ژنی زیندانیکراوی سیاسی بەهۆی پێشێلکردنی مافەکانییەوە لە زیندانی ژنانی شاکران لە ئیزمیر مانگرتن لە خواردنیان دەستپێکردووە.

12:46

دەستبەسەرکردن و ئاستەنگییەکانی بەردەم ژنان لە لایەن ڕژێمی ئێرانەوە بە ئامانجی سەرکووتکردن و لەناوبردن بەردەوامە و لەو چوارچێوەیەدا چوار ژن دەستبەسەر کراون و چارەنووسیان نادیارە.