ڕۆژانە

08:17

هودا کایا، پەرلەمانتاری پێشووی پارتی دیموکراتی گەلان هەدەپە، پاش تانەدان و داواکاریی پارێزەرەکانی، لەلایەن دادگاوە ئازاد کرا.

07:15

لە هەرێمی کوردستان دوای ١٢ ساڵ خوێندن، خوێندکاران ناتوانن بە دڵی خۆیان بەشی دڵخواز لە زانکۆو پەیمانگەکان دیاری بکەن، هەربۆیە زۆربەی کات لە بەشێک دەخوێنن کە هیج خواستییان لەسەری نییەو ئەمەش متمانە بەخۆبوونیان کەم دەکاتەوە.

14:53

تەڤگەری ژنانی ئازاد "تەژەئا" دەستپێکردنی چالاکییەکانی بەبۆنەی ڕۆژی جیهانی بەرەنگاربوونەوەی توندوتیژی دژی ژنان ڕاگەیاندو پابەندبوونی خۆی بە درێژەدان بە خەباتی ئازادی و یەکسانی بە دروشمی "ژیانێکی ئازاد بێ توندوتیژی لە کۆمەڵگەیەکی دیموکراتیکدا" دووپاتکردەوە.

14:16

هودا کایا، پەرلەمانتاری پێشووی پارتی دیموکراتی گەلان "هەدەپە" دوای ئەوەی سزاکەی پشتڕاستکرایەوە خرایە زیندانەوە.

13:47

بوومەلەرزەیەکی بەهێز بە گوڕی ٦.٣ پلە شاری مەزار شەریف لە باکووری ئەفغانستانی هەژاند و بە دەیان کەس گیانیان لەدەستدا و بریندار بوون.

13:24

دەوڵەتانی باکووری دارفور و باکووری کۆردۆفان لە سودان لە چەند ڕۆژی ڕابردوودا شایەتی ئاوارەبوونی بەرفراوان بوون، ئەمەش دوای پەرەسەندنی توندوتیژییەکان و دەستبەسەرداگرتنی شارە ستراتیژیەکان لەلایەن هێزەکانی پشتیوانی خێراوە.

13:03

ناوەندی ڕۆژنامەنووسانی ئەفغانستان، ڕاپۆرتێکی بە بۆنەی ڕۆژی جیهانی کۆتاییهێنان بە بێ سزای تاوانەکانی دژی ڕۆژنامەنووسان بڵاوکردەوە، کە ساڵانە لە ٢ی تشرینی دووەمدا بەڕێوەدەچێت.

12:38

سەرکوتکردنی ژنانی ئێران و ڕۆژهەڵاتی کوردستان لە لایەن دەسەڵاتەوە بەردەوامی هەیە و لەو چوارچێوەەیەشدا، ژنێکی خوزستان سزا دار و ژنێکی دیکەش ڕەوانەی زیندانی ئەهواز کرا، هەروەها دۆخی تەندرووستی زیندانییەکی سیاسیی خراپە.

11:14

ناوەندی نەخیل بۆ ماف و ئازادی ڕۆژنامەگەری بڵاوىکردەوە، لە ماوەی ١٠ ساڵی ڕابردوودا ١٠٠ ڕۆژنامەنووس لە عێراق کوژراون.

11:08

وەڵات جانۆ، ئەندامی تاژێ، دووپاتی کردەوە، کە هاوسەرگیری منداڵان و چەوساندنەوەی سیستماتیکی دژ بە ژنانی ئێزدی دەبێتە هۆی هەڵکشانی گیانلەدەستدانی گوماناوی و هەڵمەتی "خۆت مەکوژە، هەموو خۆکوشتنێک جینۆسایدە" ئامانجی هۆشیارکردنەوەی کۆمەڵگەیە.

10:08

کانگای زێڕ لە شاری سەقز لە ڕۆژهەڵاتی کوردستان تەنها پرۆژەیەکی ئابووری نییە، بەڵکو نموونەیەکی ڕوونی داگیرکاری ناوخۆییە کە تێیدا سەرچاوە سروشتییەکانی ناوچەکە دەرهێندراون، دانیشتووانی ڕەسەنیش بەجێدەهێڵرێن بۆ ڕووبەڕووبوونەوەی هەژاری.

09:28

چیدەم کلچگون ئوچار، هاوسەرۆکی گشتیی دەبەپە تیشکی خستەسەر ڕۆڵی هێزە دیموکراسییەکان لە پرۆسەکەدا و وتی: ڕێککەوتن و پشتیوانی بەس نییە. دەبێت بەرپرسیارێتی هەڵبگرن و پاڵپشتی تەڤگەری ئازادیی کورد بکەن.

08:23

ئەمینە زاهیر، کە پێنج ساڵ لەمەوبەر لە گوندەکەی کۆچی کردووە، جارێکی دیکە گەڕایەوە گوندەکەی، وتی: خانووەکانمان وێران بوون بەڵام نەیانتوانی خۆشەویستیمان بۆ خاکەکە لەناو ببەن.

07:10

ڕێزان شێخ دلێر، پارێزەر، دەڵێت: هەمواری یاسای باری کەسێتی ژنانی ناچار بە ڕاکردن لە خێزانەکانیان کردەوە، کە بەبێ بوونی هیچ ڕێگەچارەیەک دەستی منداڵەکانیان دەگرن و ڕوو لە هەرێمی کوردستان دەکەن، تاوەکو لە لانەیەکی ئارام بەبێ یاسای باری کەسێتی بژین.

15:40

لیژنەی نیشتمانی هەڵبژاردنەکان لە تانزانیا، ڕایگەیاند: کە سامیە سولوحۆ حەسەن لە هەڵبژاردنی سەرۆکایەتیدا سەرکەوتنێکی گەورەی تۆمار کردوە و نزیکەی ٩٧.٦٪ی دەنگەکانی بەدەستهێناوە، دووبارە وەک سەرۆکی وڵات دەستبەکار دەبێتەوە.

14:45

لە ڕۆژهەڵاتی ناوەڕاستدا ژنان قورسایی دەرئەنجامەکانی ناکۆکی لە ئەستۆ دەگرن، دەوڵەتە نەتەوەییەکانیش هەموو ئامرازەکانی خۆیان بۆ چەوساندنەوەی ژنان بەکاردەهێنن، کە ژنان جگە لە یەکگرتوویی و یەکڕیزیی هیچ بژاردەیەکی کاریگەرتریان نییە.

14:25

ئەندامانی دەزگای نیشتەجێبوون بە هاوپێچی سوپای پاسدارانی ئێران، هەڵیانکوتایە سەر ناوچەی "کمب"ی تشابهار و ماڵی بنەماڵەیەکی بەلووچییان ڕووخاند.

13:57

دایكانی شەممە داوای دادپەروەرییان بۆ بێسەروشوێنبووانی کەربۆران كرد، كە دوای دەستگیركردنیان هیچ زانیارییەک لەبارەیانەوە نییە.

12:59

پرۆژەی "دەنگەکان ٢" هونەر دەگۆڕێت بۆ ئامرازێکی داکۆکیکردن، بە جۆرێک ئازارەکانی ژنانی ڕفێنراوی سوەیدا دەگەیەنێت و داوای دادپەروەری و لێپرسینەوە و ئاشکراکردنی چارەنووسیان دەکات لە نێوان بێدەنگییەکی کۆمەڵایەتی بە ئازاردا.

12:22

لە شارۆچکەی جوانڕۆ خوێندکاران و مامۆستایانی خوێندنگەیەک پشتیوانی خۆیان بۆ دوو مامۆستا دەردەبڕن کە لە خوێندنگەی فێردەوسی کچان بەهۆی وتنەوەی سروودی نیشتمانی لە پیشەکانیان دوورخراونەتەوە.