ڕۆژانە

14:09

هەڵمەتی "سێشەممە نا بۆ لەسێدارەدان"، لە ٥٥ زیندانی سەرتاسەری ئێران بۆ ماوەی ٩٨هەمین هەفتەی لەسەریەک بەردەوامە، بەشداربووان جەختیان لەوە کردەوە، کە ئیتر لەسێدارەدان سزا نییە، بەڵکو تاوانێکی ڕێکخراو و پێشێلکردنی سیستماتیکی مافی ژیانە.

13:25

پەیامنێرانی بێ سنوور لە ڕاپۆرتی ساڵی ٢٠٢٥دا ڕایگەیاند، کە ٦٧ ڕۆژنامەنووس لە سەرانسەری جیهان لە کاتی جێبەجێکردنی ئەرکەکانیاندا کوژراون، نزیکەی نیوەی زیانلێکەوتووەکانی غەززە لە کاتی شەڕی کەرتی غەززە کوژراون.

13:12

ئەمڕۆ لە شاری ڕانیە، بە ئامادەبوونی ژمارەیەک لە مامۆستایان، هونەرمەندان و ڕۆشنبیرانی دەڤەری ڕاپەڕین، پێشانگایەکی هونەریی تایبەت بۆ مامۆستایانی شێوەکاری سنووری بەڕێوەبەرایەتیی پەروەردەی ڕانیە کرایەوە.

12:54

بەڕێوبەرایەتی کتێبخانەی ناوەندی چاپخانەی زانکۆی سلێمانی، گفتووگۆیەکی زانستییانەی بۆ ڕووناک کاکە حەمە، ئەندازیار، بە ئامادەبوونی ژمارەیەک مامۆستا و خوێندکار ڕێکخست.

12:44

ڕۆژنامەنووس سەلما عەبدولعەزیز خەڵاتی زیوینی باشترین ڕاپۆرتی لێکۆڵینەوەی عەرەبی لە شانزەهەمین خەڵاتی ڕۆژنامەگەریی لێکۆڵینەوەی عەرەبی ئاریج بەدەستهێنا.

12:08

-سەنا عەلی، ڕۆژنامەنووس

11:31

توێژینەوەکان ئاشکرایدەکەن، لە زۆربەی ناوچەکانی جیهان، بەفربارین کەمی کردووە و زیاتر باران دەبارێت.

10:07

یەڵدز داملا بەهۆی بەشداربوونی لە مەراسیمی بەخاکسپاردن و شۆردنی تەرمی گەریلاکان، بە تۆمەتی "ئەندامێتی ڕێکخستن" دادگایی کرا، سەرەڕای هەبوونی بڕیاری بێتاوانی، کەچی داواکاریی گشتی دەست لە دۆسیەکەی هەڵناگرێت.

09:51

هەژموونی پەیکەر و سیمبولەکانی پیاو لە کرماشان ئامانجی دوورخستنەوەی ژنانە لە یادەوەریی بەکۆمەڵ و شوێنی گشتی و بەمەش نایەکسانی ڕەگەزی بەردەوام دەبێت، ئەم نەبوونی سیمبولی ڕوانگەیەکی تاکەکەسی بۆ مێژوو بەهێز دەکات و نموونەی ژنان دەسڕێتەوە.

08:33

ڕۆژی ٦ی کانوونی یەکەم، پاریزەر سەعیدە حوسێن زادە هۆشداریدا لەوەی کە دەستبەسەرکراو عایدە نەجەفلوو مەترسی تووشبوون بە ئفلیجی بڕبڕەی پشتی هەیە.

08:09

کەیسی توندوتیژی دیجیتاڵی یان ئەو تاوان و پێشێلکاریانەی کە ژنان ڕۆژانە ڕووبەڕووی دەبنەوە، پێویستی بە یاسای تاوانی میدیای دیجیتاڵی زیاتر دەکات.

07:21

ئامینە محەمەد، پارێزەر، لەبارەی یاسای ڕۆژنامەوانییەوە دەڵێت: بەشێک لە ژنانی ڕۆژنامەنووس زانیاریان دەربارەی ئەو یاسایانە نیە کە بۆ پاراستنی ئەوان دانراون، ڕاستە یاسامان هەیە، بەڵام وەکو پێویست کاری پێناکرێت.

14:03

تەڤگەری ئازادی ژنانی ئێزدی "تاژێ" لە ڕاگەیەندراوەکەیدا دووپاتیکردەوە کە سەرکەوتنی کۆنفرانسی نێودەوڵەتی "کۆمەڵگەی ئاشتی و دیموکراتیک"، بە لەبەرچاوگرتنی لێکەوتە گرنگەکانی بۆ پشتیوانی لە پرس و مافەکانیان، بڕگەیەکی بەنرخی بۆ ژنان و پێکهاتەی ئێزدی پێکهێنا.

13:49

هاوپه‌یمانانى ژنانى كوردستان لە هەڵەبجە گردبوونەوەی ناڕەزایەتی ئەنجامداو ئاماژە بەوەکرا، به‌ره‌نگاربوونه‌وه‌ى توندوتیژى ته‌نها كارى یه‌ك لایه‌ن نییه، به‌رده‌وامى كوشتنى ژنان كاریگه‌ریی گه‌وره‌ى كردووەته‌ سه‌ر ئاسایشى كۆمه‌ڵایه‌تى.

13:31

ڕووخانی ڕژێمی سووریا دەستپێکی قۆناغێکی نوێ بوو، بەڵام بەردەوامبوونی ڕێبازی تاکلایەنە و تێوەگلانی پێکهاتەکان هەڕەشە لە داهاتووی وڵات دەکات و ڕێککەوتنی ١٠ی ئادار دەرفەتێکی ڕاستەقینەیە بۆ چارەسەری سیاسی و مسۆگەرکردنی مافەکانی ژنان و پێکهاتەکان.

11:47

بەپێی ڕاپۆرتی ژن نیوز دەربارەی کوشتن و گیان لەدەستدانی گوماناوی ژنان کە بۆ مانگی تشرینی دووەم بڵاوکراوەتەوە، لانیکەم ٢٣ ژن و سێ منداڵ کوژراون، ئەمەش ڕاستی توندوتیژی لە دژی ژنان و منداڵان لە تورکیا جارێکی دیکە دەخاتەڕوو.

11:35

لە درێژەی چالاکییەکانی هەڵمەتی ۱٦ ڕۆژەی بەرەنگاربوونەوەی توندوتیژی دژ بە ژنان، کۆمیتەى زاگرۆس بەهاوبەشى ڕێکخراوى ڕۆشنبیرى کۆیە سمینارێکیان ئەنجامداو ئاماژە بەوەکرا، لە هەموو شوێنێک  و کۆمەڵگەیەک  توندوتیژى هەیەو زۆر جار دەسەڵاتەکان هۆکارن.

11:03

تۆڕی پزیشکانی سودان دەستدرێژیکردنە سەر ١٩ ژنیان بەڵگەدا کردووە، کە پێدەچێت لەلایەن ئەندامانی هێزەکانی پشتیوانی خێراوە ئەنجامدرابێت، لەکاتێکدا لە فاشرەوە کۆچیانکردووە بۆ شاری دەبە لە پارێزگای باکوور.

08:05

کۆنفڕانسی نێودەوڵەتی ئاشتی و کۆمەڵگەی دیموکراتیک کە ماوەی دوو ڕۆژ بوو بە سەرپەرشتی دەم پارتی لە ئیستەنبوڵ بەردەوامبوو کۆتایی هات.

07:14

بۆ هۆشیارکردنەوەی ژنان لە بەرامبەر زیرەکی دەستکردو بۆ ئەوەی ڕووبەڕووی ترس نەبنەوە، لە هەڵەبجە چەند ژنێک ڕێنمایی دەدەنە ژنان کە چۆن زیرەکی دەستکرد بەکاربهێنن و جیای بکەنەوە.