ڕۆژانە

12:52

ئاژانسی هەواڵی ژنانی ئەفغان و ڕێکخراوی دەنگی ژنانی ئێران لە ڕاپۆرتێکی تایبەتیاندا سەبارەت بە بەردەوامی سەرکوتەکانی تایبەت بە باڵاپۆشی زۆەملێ لە ئەفغانستان و ئێران دەڵێن: فشارەکان بۆسەر ژنان بەردەوامن.

12:23

ئایشە گۆککان وتەبێژی پێشووی تەژەئا کە سزای ١٩ ساڵ و شەش مانگ زیندانی بەسەردا سەپێندراوە لە پەیامێکدا دەڵێت: هەمیشە پشتیوانی ئەو کەسانە دەکەین کە تێکۆشان بۆ ماف و ئازادی دەکەن، پشتیوانی گەورەترین هێزی ئێمەیە.

11:19

ئەو تێکۆشەرانەی لەشەڕدا بوونەتە خاوەن پێداویستی تایبەت جەختیان لە گرنگی بەرخۆدان کردەوە، دەڵێن: بەرخۆدان تەنها لە بەرەکانی جەنگدا ناپێورێت، ئیرادەیەک هەیە، سەرەڕای هەموو بارودۆخە سەختەکان، هێشتا بەردەوامە.

09:32

شەپۆلی شەرمەزارکردن لە دوای هێرشکردنە سەر ژنان لە کاتی هەڵکوتانە سەر ژنان لە تل حاسل و تل ئاران زیاد دەکات، کۆمەڵەکانی مافی مرۆڤ و مافی ژنان داوای کۆتایی هێنان بە پێشێلکارییە دووبارەبووەکانی دژی خەڵکی مەدەنی و ڕێزگرتن لە یاسا و پاراستنی ژنان دەکەن.

08:35

دیدار شەهلا، ڕۆژنامەنووس دەڵێت: ئیسلامی سیاسیی و فکر و ئایدیاکەیان بۆتە هۆکاری زیادبوونی توندوتیژییەکان بۆسەر ژنان ، ڕۆژنییە هەواڵی کوشتن و زیندانی کردن و توندوتیژی بەرامبەر ژنان نەبیسترێت، ئیسلامی سیاسیی کاریگەرییەکانی لەسەر هەناوی کۆمەڵگە دادەنێت.

15:36

لە بارەگای نەتەوە یەکگرتووەکان لە نیویۆرک، راپۆرتێکی نێودەوڵەتیی هۆشداریی توند لەبارەی مەترسییەکانی زیرەکی دەستکرد داو ئاماژە بەوەکرا، هیچ گەرەنتییەکی زانستی نییە ئەم تەکنەلۆژیایە لەژێر کۆنترۆڵی مرۆڤدا بمێنێتەوە.

14:55

لە باشووری ڕۆژهەڵاتی ئێران، چالاکییەکانی کانگای زێڕی تافتان زیانێکی گەورە بە ژیانی خەڵکی خۆجێیی ناوچەکە دەگەیەنێت. لەژێر تۆز و غوباری کانگاکەدا، ڕەزە ترێیەکانی بنەماڵە بەلووچەکان وشک دەبن و دامەزراوەکانی دەوڵەتیش لە ئاست ئەم تاڵانییەدا بێدەنگن.

14:11

٢٧ دامەزراوەی نێودەوڵەتی دژی شەپۆلی لەسێدارەدانی سیاسی لە ئێران بانگەوازێکی بەپەلەیان ڕاگەیاند و وتیان: بێدەنگی تاوانە.

13:19

ڕاشان ئۆشی، ڕۆژنامەنووس و پێشکەشکاری سودانی، کە بەهۆی بڵاوکردنەوەی بانگەشەکانی گەندەڵییەوە زیاتر لە ٤٠ ڕۆژ دەستبەسەر ببوو، دوای کاردانەوەی ڕێکخراوەکانی مافی مرۆڤ و میدیاکان ئازاد کرا.

12:42

ژێنێڤیێڤ فرێس، فەیلەسوفی فێمینیستی فەڕەنسی و ئەندامی پێشووی پەرلەمانی ئەوروپا پشتیوانی خۆی بۆ بانگەوازی ئاشتی ڕێبەر عەبدوڵا ئۆجالان دەربڕی و دەڵێت: بانگەوازەکەی ئۆجالان بە درووست دەبینم، کوردایەتی لە گۆشەگییریەوە وەرچەرخاندە سەر پەیوەندییەکی ئایدۆلۆژیی.

11:30

بەشداربووانی ناڕەزایەتییەک کە لەلایەن گروپ و چالاکوانانی کۆمەڵگەی مەدەنی لە بەغدا ڕێکخرابوو، داوای ڕێوشوێنی یەکلاکەرەوە و هەمەلایەنەیان کرد بۆ لێپرسینەوە لە گەندەڵکاران بەبێ جیاوازی و کردنەوەی دۆسیەی گەورەی گەندەڵی و وەرگرتنەوەی پارەی دزراو.

10:47

دایکانی ئاشتیی شاری وان داوایان لە دەوڵەت و جیهان کرد کە بۆ ڕاگرتنی شەڕ و کردنەوەی دەرگای زیندانەکان، دەستبەجێ ئازادیی جەستەیی ڕێبەری گەلی کورد عەبدوڵا ئۆجالان دەستەبەر بکرێت.

10:06

ڕێبەری گەلی کورد عەبدوڵا ئۆجالان لە پەیامێکیدا بۆ ژمارەی تەمووزی ڕۆژنامەی کۆمیناڵ داوای کردو وتی: بڵاوکراوەکان نابێت تەنها لەسەر ئاستی تیۆری بمێننەوە، بەڵکو دەبێت ببنە دەنگی بونیادنانی کۆمەڵایەتی و ڕێبازی سەردەمی نوێ دیاری بکەن.

09:21

ژنانی شاری کۆبانێ توڕەیی خۆیان لە توندوتیژی و ئەشکەنجەدانی ژنان لە تل ئاران دەربڕی و دەڵێن:هێرشکردنە سەر ژنان پێشێلکردنی بەها کۆمەڵایەتییەکانە.

08:58

بەمەبەستی شەرمەزارکردنی هێرش و هەڵکوتانە سەر گوندەکانی تل ئاران و تل حاسل لە شاری قامیشلۆ خۆپیشاندانێک بەڕێوەچوو. لە خۆپیشاندانەکەدا داوا لە دامودەزگا نێودەوڵەتییەکان کرا هاوڵاتیانی مەدەنی و کەرامەتی ژنان بپارێزن.

08:49

تێکچوونی ئەمنی لە سووریا، بەرپرسیارێتی سیاسی و تاوانکاری ڕاستەوخۆی زلهێزە باڵادەستەکان ئاشکرا دەکات، کە لە دوای ڕووخانی ڕژێمی بەعسەوە بۆی ماوەتەوە، ئایدۆلۆژیا لەگەڵ هاوبەشی بە ئەنقەست تێکەڵ دەبێت و جەستەی ژنانی سووریا دەکاتە مەیدانی شەڕ.

08:24

بەهۆی تەکنەلۆژیاو کاریگەری تۆڕە کۆمەڵایەتییەکان خوێندنەوەی پەرتوک بەراورد بە ڕابردوو لای هەندێک کەس کەمیکردووە، چالاکوان و خوێنەر مەحسومە شەهید ئیبراهیم دەڵێت: خوێندنەوە یەکێکە لە شتە پێویست و گرنگەکانی ژیان بەتایبەتی بۆ ژنان.

15:35

ناڕەزایەتی خوێندکاران لە ئێران لەگەڵ پەرەسەندنی ڕێوشوێنە دیسپلینییەکان و زیادبوونی ئامادەیی ئەمنی لە ناو بەشێک لە زانکۆکان، بەرفراوانتر دەبێت.

14:55

له‌ پارێزگای خووزستانی ئێران، گوشارەکان بۆ سەر چالاکوانانی سەندیکایی و کرێکاران بەردەوامن. مامۆستا کەوکەب بەداغی ڕووبەڕووی تۆمەتی نوێ بووەتەوە و ئەنجومەنی هەماهەنگی داوای لە دەزگا ئەمنییەکان کردووە کە کۆتایی بە هەڕەشەکان بهێنن.

14:13

جودی ویلیامس، خاوەن خەڵاتی نۆبڵ نامەیەکی بۆ ڕێبەری گەلی کورد عەبدوڵا ئۆجالان نارد، پشتیوانی لە ڕۆڵی لە پرۆسەی ئاشتیدا و داوای داننان بە هەموو مافە سەرەتاییەکانی ئەوی کرد، لە سەرووی هەموویانەوە 'مافی هیوا'.