ڕۆژانە

12:31

میلیا مانۆ، کە سێ ساڵ پێش ئێستا لە گوندی دادا ئەبداڵەوە کۆچی کردووە و لە زرگان نیشتەجێ بووە، سەرقاڵی کردنەوەی فرۆشگەیەکی بچووکەو داوای لە ژنانی سووریا کرد هاودەنگی خۆیان لە دژی داگیرکاری بەهێزتر بکەن.

12:01

دەوڵەتی تورك لە ڕێگەی فڕۆكەی جەنگییەوە بۆردوومانی شارەدێی دینارتەی سنووری ئاکرێی سەر بە پارێزگای دهۆكی كرد و بەهۆیەوە دوو هاوڵاتی مەدەنی كە هاوژینی یەکترن گیانیان لەدەستدا.

11:35

لەنیا جەمال ژنێکی کوردە و پۆستی جێگری سەرۆکی رێکخراوی نێودەوڵەتی پەرلەمانی گەنجانی جیهانی پێیبەخشرا، دەڵێت: لەو ڕێگەیەوە دەرفەتمان پێ دەدرێت کار بۆ بونیادنان و بەرەوپێشبردنی توانای گەنجان بکەین.

11:31

ڕێکخراوی سی بێنکسی ئەڵمانی بڵاویکردەوە، بەلەمێکی کۆچبەران لە دەریای ئیجە ژێرئاو کەوت و بەهۆیەوە دوو منداڵ گیانیان لەدەستدا و ١٧ کەسیش ڕزگارکران.

10:58

نزیکەی دوو ساڵ بەسەر دەستپێکردنی شەڕی ناوخۆ لە سودان تێدەپەڕێت، بەڵام ژنانی پەنابەر هێشتا لەناو کامپەکاندا لەناو نائارامی و تێکچوونی بارودۆخی تەندروستیدا خەبات دەکەن.

08:56

رێکخراوی کۆمەڵەی مافی مرۆڤی کوردستان ڕایگەیاند پەروین ئەدوایی، چالاکوانی کورد لە شاری مەریوان لە لایەن هێزە ئەمنییەکانی ئێرانەوە دەستگیر کرا و دواتر بۆ شوێنیکی نادیار گواسترایەوە.

08:53

هێلین هاجەم، هاوسەرۆکی دەستەی کاروباری کۆمەڵایەتی و کاری شاری کۆبانێ، بەبۆنەی ساڵیادی دامەزراندنی سیستمی خۆبەڕێوەبەری لە شارەکەدا ڕایگەیاند، ئەم سیستمە گەلی لە جینۆساید ڕزگارکرد.

07:56

ژنانی دانیشتووی گوندی پیران داوای ڕاگرتنی چالاکییەکانی کانزاکان لە پیرانی ئامەد دەکەن، ڕایانگەیاندووە کە بەهۆی گەڕان بەدوای کانزاکاندا چیتر نەمامەکان گەشە ناکەن، هەروەها هەوڵدەدەن بە لق و پۆپی ئەو نەمامانەی لە شارۆچکەکە چێندراون، سروشت بپارێزن.

14:42

ئێشکگرانی بەرخۆدانی بەنداوی تشرین بە بۆنەی دەیەمین ساڵیادی ڕزگارکردنی کۆبانێ لە بەنداوی یشرین ڕاگەیەندراوێکیان بڵاوکردەوە و ڕایانگەیاند، بە ڕۆحی کۆبانێ، بەرخۆدانی بەنداوی تشرینیش سەرکەوتوو دەبێت.

14:02

ئەنجومەنی ژنانی دەم پارتی بە بۆنەی ١٠ ساڵەی ڕزگاری کۆبانێ، ڕاگەیەندراوێکی بڵاوکردەوە و ڕایگەیاند، ئەو ژیانە نوێیەی کە لە کۆبانێدا بونیاد نراوە، هەمیشە ئومێد دەبێت بۆ ژنان.

13:14

ژنە ئەندازیارەکان لە ئێران ڕووبەڕووی ئاڵەنگاری ڕەگەزی و نایەکسانی پێکهاتەیی دەبنەوە؛ ئەم ڕاپۆرتە لە ڕێگەی چاوپێکەوتنێکی ڕاشکاوانە لەگەڵ ئەندازیارێکی ژن لە گۆشەی ئەم بەربەستانە و چارەسەرەکان بۆ تێپەڕاندنیان دەکۆڵێتەوە.

13:01

دەرکەوت کە ئەکادیمیستی عەلەوی ڕاشا ناسر عەلی، لە بەشی زمانی عەرەبی زانکۆی حومس کە لەلایەن چەتەکانی هەتەشەوە ئەشکەنجەدرا تا گیانی لەدەست دا.

12:43

مامۆستایانی وانەبێژی لەکارلادراو ڕایانگەیاند، حکومەتی هەرێم بەبیانووی جۆراوجۆر لە کار لایبردووین، داوادەکەن بخرێینە جێگەی ئەو مامۆستایانەی ئەمساڵ خانەنشین دەکرێن.

11:49

نووسەر ڕەشا فەرحات ئاماژەی بەوەدا کە نووسین، لەو شوێنەی کە داگیرکاری هەیە، بەشێکە لە خەباتی ژنان و لە هەمانکاتدا یەکێکە لە ڕێگاکانی بەرخۆدانی گەلانی ستەملێکراو، هەموو ڕستەیەک گوزارشت لە ئازاری ئەم ئەزموونە دەکات.

11:48

بێریڤان محەمەد، ئەندامی پەیەدە لە بارەی دیداری باشوور دەڵێت: دەبێت وەک کورد و پێکهاتەکان شوێنمان لە دەستووری داهاتوودا هەبێت و خاوەن ستاتۆیەک بین، ئامانجی دیدارەکەش کۆکردنەوەی بۆچوون و ڕاسپاردەی باشوورە بۆ داهاتووی ڕۆژئاوای کوردستان.

11:37

کۆمیتەی لێکۆڵینەوەی نەتەوە یەکگرتووەکان ڕایگەیاند کە چاودێری هێرشەکانی سەر بەنداوی تشرین دەکەن و مانگی داهاتوو ڕاپۆرتێک لەسەر هێرشەکان ئامادە دەکەن.

11:26

نورە عەلی، تەمەن ٦٠ ساڵ، کە لە گوندی بیسیس لە زرگان کۆچی کردووە و لە دەوروبەری گوندی زێدیێ دەژی، باس لەوە دەکات، بەهۆی ئەوەی لە ماوەی ٦ ساڵی ڕابردوودا بەهۆی هێرشەکانی دەولەتی تورکیاوە کارەبایان نەبووە خۆیان کولیچە و نان لە تەنوردا ئامادە دەکەن.

11:00

بە بۆنەی ١٠ەمین ساڵیادی ئازادکردنی کۆبانێ، ئەنجومەنی ژنانی زەنوبیا ڕاگەیەندراوێکی بڵاوکردەوە و بەڵێنی بەرخۆدانی نوێکردەوە و ڕایگەیاند: "دوای ١٠ ساڵ هێشتا دەنگی قارەمانێتی دەنگدانەوەی هەیە".

10:40

وڵەتی داگیرکەری تورک بە فڕۆکەی بێفڕۆکەوان هێرشی کردە سەر بەرخۆدانی گەل لە بەنداوی تشرین و ٢١ کەس بریندار بوون، ناوی بریندارەکان بڵاوکرانەوە.

09:07

گۆڕستانی شەهید دیجلە لە شاری کۆبانێ گۆڕی ئەو شەڕڤانانەی تێدایە کە لە دژی چەتەکانی داعش شەڕیان کردووە، هەر بۆیە ئەم گۆڕستانە بە یەکێک لەو پیرۆزانە ناسراوە کە شایەتحاڵی بەرخۆدانی کۆبانێیە.