ڕۆژانە

07:33

ژمارەی ئەو هاوڵاتییە مەدەنیانەی لە هێرشی دەوڵەتی تورک بۆ سەر بازاڕی گشتی لە شاری سیرین گیانیان لەدەستدا، گەیشتە ١٢ کەس.

07:27

فاتمە حسێن، ژنێکی تەمەن ٦٠ ساڵە و دانیشتووی شاری زرگان دەڵێت: دەوڵەتی تورکیا لەڕێگەی هێرشەکانەوە مافی مرۆڤ پێشێل دەکات و بە کردەوەکانی خۆی گەورەترین تیرۆریستە.

15:20

کۆماری ئیسلامی ئێران دوای ٤٠ ساڵ نەیتوانیووە سیستمی پەروەردەیی دابمەزرێنێت، لەو نێوەندەدا ورمێ بووەتە ئەو ناوچەیەی زۆرترین زیانی پێدەگات، نەبوونی خوێندنگە و مامۆستا و ئیمکاناتی پەروەردەیی دەبێتە هۆی ئەوەی ژنان لە مافە پەروەردەییەکان بێبەش بکرێن.

13:53

ژمارەی بریندارانی بۆردومانی گوندی ئوم هەرمێل لە زرگان لەلایەن داگیرکاری تورکیاوە گەیشتە ٨ کەس.

13:14

٦٥٠ ژن لە ٥٠ وڵاتەوە کە لە ئەکادیمیستەکان، سیاسەتمەداران، داکۆکیکارانی مافی مرۆڤ، ڕۆژنامەنووسان و نووسەران پێکهاتبوون، نامەیەکی کراوەیان بۆ ڕێکخراوە نێودەوڵەتییەکان نارد و داوای دانپێدانان بە ئیدارەی خۆبەڕێوەبەری باکوور و ڕۆژهەڵاتی سووریایان کرد.

12:40

پاتریشیا ئەنداگۆ، لێکۆڵەری سەرەکی پڕۆژەی بێدەنگکردنی ژنان، دووپاتیکردەوە کە ساڵی ٢٠٢٤ کوشندەترین ساڵ بووە بۆ ژنانی کینیا، ١٧٠ تاوانی کوشتن دژی ژنان لەو وڵاتە ئەنجامدراوە.

11:58

ماڵپەری ژنانی ئەفغانستان بڵاوی کردەوە، چوار مامۆستای ئەفغانستان لەلایەن هێزەکانی تاڵیبانەوە دەستبەسەر کران، دەشڵێن، یەکێک لە مامۆستا دەستبەسەرکراوەکان ژنە.

11:46

سۆفیە ئالاگاش، هاوسەرۆکی شارەوانی سێرت لەو دۆسیەیەی کە دادگایی کرابوو، سزای ٦ ساڵ و ٣ مانگ زیندانی بەسەردا سەپێندرا.

10:56

کۆنگرەی ستار ڕایگەیاند، بڕیاری ئەنجومەنی نوێنەرانی عێراق بۆ هەمووارکردنەوەی یاسای باری کەسێتی عێراق هەنگاوێکی دواکەوتووانە پێکدەهێنێت، کە هەڕەشە لە دەستکەوتە یاسایی و کۆمەڵایەتییەکانی ژنانی عێراق دەکات.

10:20

شەوی ڕابردوو دەوڵەتی تورک هێرشی کردە سەر گەڕەکی ئوم هەرمێلا لە زرگان، لە ئەنجامی هێرشەکەدا سێ هاوڵاتی مەدەنی گیانیان لەدەستدا کە یەکێکیان منداڵێک بوو، چوار ژنیش برینداربوون.

09:11

لە شەپۆلێکی نوێی پێشێلکارییەکانی هێزەکانی پشتیوانی خێرا لە دژی خەڵکی مەدەنی، زیاتر لە ١٠٠ کەس لە گوندەکانی ڕۆژهەڵات و ڕۆژئاوای شاری فاشری پایتەختی ویلایەتی دارفۆری باکوور کوژران، کە ژن و منداڵیشیان تێدایە.

08:58

تۆڕی هاوپشتی ژنان، پێشێلکارییە بەردەوامەکانی دژی ژنان لە یەمەن، کە پێشێلکردنی مافەکانی مرۆڤە ئیدانە کرد، جەختی لەسەر پێویستی پەرەپێدانی سیاسەتی نەتەوەیی گشتگیر بۆ پاراستنی ژنان و دابینکردنی پاراستنی بەپەلە بۆیان کرد.

08:36

ماڵپەری ژنانی ئەفغانستان بڵاویکردەوە، ٧ ژنی ئەفغانستان لە پاڵەوانێتی کاراتیی ئاسیا لە ئێران پلەی دووەمیان بەدەستهێناو مەدالیایی زێر و زیوییان پێ بەخشراوە.

07:52

ژنانی ئێزدی و کۆمەڵگەی عەرەبی هەنگاوی دووەمیان بۆ ئازادی جەستەیی ڕێبەری گەلی کورد عەبدوڵا ئۆجالان دەستپێکردووە.

15:55

دەوڵەتی تورکیا تاوانی جەنگی ئەنجان دەدات و لە دوو بۆردوومانی جیادا لە هەرێمی کوردستان، هەر ئەمڕۆ ٦ هاوڵاتی مەدەنی گیانیان بەختکرد.

15:11

کۆنگرەی ستاری عەین عیسا لە ڕاگەیەندراوێکدا بۆردومانی سوپای تورکیای بۆ سەر گوندی ئەل-جەماس لە عەین عیسا شەرمەزار کرد و داوای لە ڕێکخراوە مرۆییەکان کرد کۆتایی بەو تاوانانە بهێنن کە ئەنجام دەدرێن.

14:57

ڕێکخراوی یونسێف بڵاویکردووە، ساڵی ڕابردوو خراپترین ساڵبووە بۆ منداڵان، لە هەر شەش منداڵێک لە جیهاندا یەک منداڵیان دەکەونە ناوچەی شەڕەوە.

13:35

لە بۆردوومانێکی داگیرکەری تورکیا بۆ سەر گوندی ئەلجەمماس لە ڕۆژهەڵاتی شاری عەین عیسا لە فوراتی باکوورو ڕۆژهەڵاتی سووریا منداڵێکی ساوا گیانی لەدەستدا و ژنێک و منداڵیکی کچ برینداربوون

13:07

بوومەلەرزەیەک بە گوڕی ٥.١ پلە لە شارۆچکەی قەسری شیرین سەر بە پارێزگای کرماشانی ڕۆژهەڵاتی کوردستان هەژاند.

12:38

مریەم تاوسی، ڕاکەری ئێرانی بەشداریی لە پێشبڕکێکانی ڕاکردنی ناو هۆڵی لە ویلایەتی نیڤادای ئەمریکادا کرد و توانی ژمارەی پێوانەیی لە پێشبڕکێی ٢٠٠ مەتریدا بشکێنێت.