ڕۆژانە

13:07

بەپێی ڕاپۆرتی ڕێکخراوی مافی مرۆڤی ئێران، لە ساڵی ٢٠٢٤دا ٩٧٥ کەس لە ئێران لەسێدارە دراون، هاوکات باس لەوە کراوە کە ژمارەی ڕاستەقینە لەم ژمارەیە زیاترە.

12:45

٥٦ کەس و ۲٦ دامەزراوە لە ئیتاڵیا نامەیەکیان ئاراستەی زاڤیر بەتەل، سەرۆکی لیژنەی وەزیرانی ئەنجومەنی ئەوروپا کرد و داوایان لێکرد هەڵوێستی بەرپرسیارانە لە بەرامبەر ئازادی ڕێبەری گەلی کورد عەبدوڵا ئۆجالان بگرێتەبەر.

12:19

گوڵدەرەن ڤارلی، پەرلەمانتاری وانی دەم پارتی کاردانەوەی بەرامبەر بە دانانی قەیومەکان دەربڕی و ڕایگەیاند کە قەیوم ڕێگری لە ئاشتی دەکەن و وتی: خەڵک چاوەڕێی هەنگاوی جددی بوون، بەڵام دانانی قەیوم ئەوە نیشان دەدات کە ئەو هەنگاوانە تەنها بە قسە ماونەتەوە.

11:33

پەیامنێری ئاژانسەکەمان لە حەلەب لەلایەن کەسانی نەناسراوەوە هەڕەشەی لێکرا، دوای ئەوەی چاوپێکەوتنی لەگەڵ چەند ژنێک کرد کە هەوڵیاندا ئەو ئازارانەی کە تووشی بوون ئاشکرا بکەن.

11:07

ئەمیر ڕەئیسیان لە چاوپێکەوتنێکدا لەگەڵ ڕۆژنامەی شەرق، باسی لە کەموکوڕییە بنەڕەتییەکانی پڕۆسەی دادگاییکردن و دەرکردنی سزای لەسێدارەدان بەسەر شەریفە محەمەدی کردو جەختی لەوە کردەوە کە دووبارە تانە دەدەنەوە.

10:07

تەمارا حەداد، شرۆڤەکاری سیاسی سەرنجی بۆ دۆخی ژنان لە غەززە و سووریا ڕاکێشا و وتی: ژنان لە هەردوو هەرێم زۆرترین زیانیان بەردەکەوێت، بۆ کۆتاییهێنان بەو کێشانە و بەدیهێنانی دادپەروەری، هاودەنگی پێویستە.

09:45

هێزەکانی هەواڵگری تاڵیبان کە هەموو ڕۆژێک بە کارە نامرۆڤەکانیان ناسراون، جارێکی دیکە هەڵیانکوتایە سەر بینای ڕادیۆی بەگوم و ستافەکەی دەستبەسەر کرد، ئەو سێ ژنەی لە ڕادیۆکە ڕاگیراون بێسەروشوێنن.

09:24

لە میانی هەڵمەتی گەڕانی هێزە ئەمنییەکانی لیبیا دژی تۆڕەکانی بازرگانیی بە مرۆڤ،٩٣ ڕوفات لە دوو گۆڕی بە کۆمەڵدا دۆزراونەتەوە.

08:52

دانیشتووانی کۆبانێ کە بۆ پاراستنی زەوی و ئاو و کارەبای خۆیان ئێشکگری بەنداوی تشرین دەکەن، ڕایانگەیاندووە، وەک چۆن داعش لە کۆبانێ شکستی هێنا، دەوڵەتی تورکیا و چەتەکانیشی لە بەنداوی تشرینیش تێکدەشکێنن.

14:39

سوپای تورک سنووری گوندەکانی گوهەرزێ و بەلاڤای سەر بە ئامێدی لە سنووری پارێزگای دهۆک بۆردوومان کرد، بە وتەی دانیشتووانی ناوچەکە پێدەچێت جارێکی دیکە چەکی قەدەغەکراوی بەکارهێنابێت.

14:13

ناوەندی پەیوەندییەکانی دەرەوەی ژنانی کور" REPAK" داوای لە هەموو ژنان و خەڵک کرد، بۆ هەڵوەشاندنەوەی ئەو یاسایە تێبکۆشن کە ڕێگە بە هاوسەرگیری منداڵانی کچ لەخوار ١٨ ساڵی و لێبوردن بە زیندانیانی داعش دەدات.

13:47

لە زانکۆی سلێمانی ڕۆژی جیهانی زمانی دایک بە چەند چالاکییەک بەرز ڕاگیراو جەخت لە پاراستنی زمانی کوردی و گرنگی کارکردن بۆ دەوڵەمەندکردن کرایەوە.

13:21

بەهۆی ئاگرکەوتنەوە لە خوێندنگەی زەنجانی کچان لە ئێران ١٥ خوێندکار برینداربوون.

12:56

کۆبوونەوەی شاندی ئیمراڵی و سەرۆکوەزیرانی حکومەتی هەرێمی کورستان کۆتایی هات و شاندەکە دەگەڕێتەوە باکووری کوردستان.

12:14

کۆمەڵەی مافی مرۆڤی کوردستان بڵاویکردەوە، لە لایەن هێزە ئەمنیەكانی ئێرانەوە ٧ چالاکوان و مامۆستای کورد کە دووانیان ژنن بانگهێشتی دادگا کراون.

11:40

کامپەینی ئازادی بۆ پەخشان عەزیزی بڵاوی كردەوە، پەخشان عەزیزی ڕەگەزنامەی فەخری شاری فلۆرانسی ئیتالیای پێبەخشرا.

11:37

فەرمانبەرانی گرێبەستی وەزارەتى تەندروستى حكومەتی كاربەڕێكەری هەرێم لەبەردەم بینای وەزارەتى دارایى گردبوونەوەو ڕێگەیەکیان لە شۆفێران داخست.

10:25

تەڤگەری ئازادی ژنانی ئێزدی ڕاگەیەندراوێکی بڵاوکردەوەو کاردانەوەی بەرامبەر بە پەسەندکردنی ئەو یاسایانە دەربڕی کە بەتەواوەتی دژی ژنان و کۆمەڵگەن و تیایدا ئاماژەیان بەوەدا کە یاسا پەسەندکراوەکان یاسای ئایدۆلۆژیای داعشن و بە مانای کوشتنی ژن و ژیانە.

09:21

لە تونس چالاکانی مافی ژنان ڕایانگەیاندووە کە ژنان بەهۆی بۆچوونی سیاسی و خەباتی کۆمەڵایەتییەوە دەستگیر دەکرێن، و ئەو سزایانەی بەسەر ئەو ژنانەدا سەپێنراوە ناڕەوا و ئارەزوومەندانە بوون، و جەختیان لەوە کردەوە کە ئەم بڕیارانە پێویستیان بە پێچەوانەکردنەوە هەیە

09:03

دوێنێ ١٨ی شوبات، هێزە ئەمنییەکانی عێراق باندێکی بازرگانی کردن بە مرۆڤییان دەستگیرکردووە.