ڕۆژانە

14:29

کۆمەڵەی ڕۆژنامەنووسانی دیجلە-فورات بە بەیاننامەیەکی نووسراو کاردانەوەی بەرامبەر دانانی قەیوم لە شارەوانی جولەمێرگ نیشان دا و وتی: وەک خەباتمان بۆ ئازادی ڕۆژنامەگەری، بۆ دیموکراتیک کردنی تورکیا تێدەکۆشین.

14:04

ژنە ڕۆژنامەنووسانی شاری مێرسین، بۆ درێژەدان بە خەباتی ڕێکخراو لە دژی نایەکسانی ڕەگەزی، نادادپەروەری، پێشێلکردنی مافەکان لە ژیانی پیشەیی خۆیاندا، کۆمەڵەی ڕۆژنامەنووسانی ژنیان دامەزراند.

13:04

ئیمان ئەبو عەساف، پارێزەری مافی مرۆڤ لە سوەیداوە ڕایگەیاند، ژنان پێشەنگایەتی بۆ دیموکراتیکبوونی سووریا دەکەن و وتی: ڕەنگە لە ئایندەیەکی نزیکدا زەمینەیەکی هاوبەش دابمەزرێت کە ژنانی سووریا بتوانن پێکەوە تێکۆشان بکەن.

11:59

شەوی ڕابردوو پەرلەمانتاران تا سەرلەبەیانی لە دژی بڕیاری دانانی قەیومێک بۆ شارەوانی جولەمێرگ چالاکی ئێشکگرییان بەڕێوەبرد.

11:48

١٣ کەس لە گروپی هەزار گەنج بۆ فەلەستین، کە بەهۆی ئیدانەکردنی بازرگانی سۆکار لەگەڵ ئیسرائیل دەستگیرکرابوون، ئازاد کران.

11:25

ژنێکی دیکەی ئێزدی دوای ئەوەی لەلایەن داعشەوە ڕفێندرابوو و لە کامپی هۆڵ ڕزگار کرابوو، گەیشتەوە شەنگال.

11:20

لە فێستیڤاڵی "کۆماری دیموکراتی ڤییەنا" کە هاوکاتی ساڵڕۆژی ڕاگەیاندنی کۆماری ئازادی ڤییەنا بوو وتارێکی ئیلهام ئەحمەد، وەک یەکەم وتاری ساڵیادەکە پێشکەش کرا و وەک " خوشکێکی کۆماری ئازادی ڕۆژاڤا" بە ناو کرا.

11:07

بەهۆی وشكەساڵی و گرتنەوەی ئاو لەلایەن دەوڵەتی تورکەوە کە بووەتە هۆی بەبیابان بوونی بەشێکى خاکى زیقار، موسەنا و دیوانیە، کە دەکەونە سەر ڕووباری فورات ٧٤٣ خێزان ئاوارەى نەجەف بوون.

10:38

ناوەندی ژنۆلۆژی لە بروکسل بەشداری لە فێستیڤاڵی "کۆماری دیموکراتی ڤییەنا" کرد کە لە ساڵی ١٩٥١ەوە هەموو ساڵێک ئەنجام دەدرێت و لە ماوەی ٤٥ ڕۆژی فێستیڤاڵەکەدا، هەفتەیەکی بۆ چەندین چالاکی لەسەر شۆڕشی ژن، ژنۆلۆژی و شۆڕشی ڕۆژئاوا تەرخان کرد.

10:24

هیام یوسف، بەڕێوەبەری کۆنگرەی ستار لە تل تەمر ڕایگەیاند، بەهێزکردنی پێکەوەژیانی دیموکراتیک و ئاشتیانە لە باکوور و ڕۆژهەڵاتی سوریا یەکێکە لە ئامانجەکانی خەباتیان.

21:04

کۆمەڵەی زیندانیانی فەڵەستینی ڕایگەیاند لە سەرەتای هێرشەکانی ئیسرائیلەوە تا ئێستا ٨٠ ڕۆژنامەنووسی فەڵەستینی لە کەرتی ڕۆژئاوا و کەرتی غەززە دەستبەسەر کراون، هەروەها ١٢ ڕۆژنامەنووسیش بێسەروشوێن بوون.

20:35

سی و شەش ژنە زیندانیی سیاسی و چالاکوانانی مافی ژنان لە زیندانی ئەڤین نامەیەکیان ئاراستەی بەرپرسانی دادگای ئینقلابی ئێران کرد و خوازیاری ئەوەن کە دادگایی کردنی نێرگس محەممەدی چالاکوانی مافی مرۆڤ بە ئاشکرا و بە ئامادەبوونی میدیای سەربەخۆ بەڕێوەبچێت.

19:43

هەماهەنگی کەژەکە داوای لە هەموو خەڵکی جولەمێرگ و هەموو کوردستان و ژن و هێزە دیموکراسیەکان کرد کە پلانی جینۆسایدی ڕژێمی ئاکەپە-مەهەپە لەناوببەن.

19:27

ژمارەی حاڵەتەکانی دەستدرێژی و توندوتیژی سێکسی لە سودان، بەپێی کەمپەینی "پێکەوە دژی دەستدرێژی و توندوتیژی سێکسی" گەیشتووەتە ٤٢٣ حاڵەت.

18:22

بڕیارە سبەینێ لە کامپی هۆلەوە ١٧٠ خێزانی چەتەکانی داعش بگەڕێندرێنەوە بۆ خاکی عێراق.

17:42

TJA ئاشکرای کرد، حکومەتی ئاکەپە-مەهەپە وەک بەشێک لە 'پلانی ڕووخاندن' شارەوانی جولەمێرگی گرتووە و داوای خەبات لە دژی ڕژێمی دەسەڵاتدار دەکات.

16:04

وەزارەتی ناوخۆی تورکیا ڕایگەیاند، بۆ شارەوانی جولەمێرگ کە سەر بە دەم پارتتەوە قەیوم دیاری کرا و هاوسەرۆکانی دەمپارتی دەڵێن: ئێمە هەرگیز ملکەچی ڕێبازی قەیومەکان نابین، دەڵێین ئیدی بەسە.

15:28

دەوڵەتی تورکیا لە کۆبانێ ئۆتۆمبێلێکی کردە ئامانج و تا ئێستا زیانەکانی نەزانراوە.

15:24

تەڤگەری ئازادی ژنانی ئێزدی و یەکینەکانی ژنانی شەنگال نامەیەکیان بۆ دادگای مافی مرۆڤی ئەوروپا نووسیوە و لە نامەکەدا ڕایانگەیاندووە، پێویستە دەستبەجێ گۆشەگیری لەسەر ڕێبەری گەلی کورد عەبدوڵڵا ئۆجالان هەڵبگیرێت.

14:33

لە ئەڵمانیا ٩٥ کەسی ناودار و نووسەر نامەیەکیان بۆ سی پی تی ناردووە و داوای کۆبوونەوەیان لەگەڵ ڕێبەری گەلی کورد عەبدوڵڵا ئۆجالان کردووە و دەستبەجێ شاندێک ڕەوانەی ئیمراڵی بکەن بۆ وەرگرتنی زانیاری لەسەر دۆخی تەندروستی.