ڕۆژانە

10:09

بزووتنەوەکانی ژنان لە مەغریب سەرنجیان بۆ گرنگی تێکۆشانی هاوبەش لەگەڵ سیاسەتمەداران لە پێناسەکردنی یاسا و سیاسەتەکاندا ڕاکێشا و ڕایانگەیاند، هاوکات لەگەڵ دەستکەوتەکان زیاتر بۆیەکسانی ڕەگەزی خەبات دەکەن.

09:51

ماریلۆ ماسترۆجیۆڤانی، نووسەر و لێکۆڵەر و ڕۆژنامەنووسی ئیتاڵی کە بە مەبەستی بینینی شۆڕشی ژنان لە نزیکەوە سەردانی ڕۆژئاوای کوردستانی کردووە، جەختی لە گرنگی بنیاتنانی تۆڕێکی هاوبەشی خەباتی ژنان کردەوە و وتی: ژنۆلۆژی دەتوانێت چەترێک بێت کە ژنان یەکبخات.

09:01

ژنانی کورد، ئەرمەنی، عەرەب و سریانی کە لەسەر بنەمای ژیانی هەرەوەزی لە حەسەکە دەژین، ئاماژەیان بەوەکرد، هێرشەکانی دەوڵەتی تورکیا لەسەر دەستکەوتەکانی ژنان و یەکگرتوویی گەلانە کە لەگەڵ شۆڕشی ژنان دامەزرا.

08:43

دەنگدانەوەی پەیامی ڕێبەری گەلی کورد عەبدوڵا ئۆجالان بۆڕای گشتی بەردەوامە، ئان سۆیریس، سیناتۆری فەڕەنسی پشتیوانی خۆی بۆ بانگەوازی عەبدوڵا ئۆجەلان بۆ ئاشتی دەربڕی.

15:05

بەڕێوەبەری گشتیی تەندروستیی سلێمانی رایدەگەیێنێت، پێویستە ژنان ٦ مانگ جارێک یاخود ساڵی جارێک پشکنینی پێشوەختەی شێرپەنجەی مەمک ئەنجام بدەن.

14:37

ژمارەی ئەو کەسانەی لە هێرشەکانی سوپای ئیسرائیل بۆ سەر لوبنان گیانیان لەدەستداوە بووە دوو هەزار و ٦٧٢ کەس.

14:03

لە بەرامبەر دەستگیرکردن و چەوساندنەوەی ئارەزوومەندانەی ژنان لەلایەن تاڵیبانەوە، ئەندامانی تەڤگەری بەهێزکردنی ژنانی ئەفغانستان ڕایانگەیاند، تاڵیبان هەوڵدەدات ژنان بێدەنگ بکات و ڕۆڵی کۆمەڵایەتییان سنووردار بکات.

13:35

یەپەژە بڵاویکردەوە، لە دوو ئۆپەراسیۆنیان بۆ سەر چەتەکانی داعش، سێ چەتە دەستگیرکراون و دەست بەسەر بڕێک چەکدا گیراوە.

13:18

بەڕێوەبەرایەتی بەرگریی شارستانی غەززە ڕایگەیاند، لە هێرشەکانی سوپای ئیسرائیل لە بەشی باکووری کەرتی غەززە کە بۆ ماوەی سێ هەفتە ئەنجام دراوە، لانیکەم هەزار فەلەستینی گیانیان لەدەستداوە.

11:56

عێراق لەبارەی بەزاندنی ئاسمان و سەروەریی خاکەکەی لەلایەن ئیسرائیلەوە، یاداشتنامەیەکی ناڕەزایی پێشکەش بە نەتەوە یەکگرتووەکان و ئەنجوومەنی ئاسایش کرد، بەڵام ڕۆژانە دەوڵەتی تورک بۆردومان دەکارت و هەمووان بێدەنگن.

11:42

ڕۆژنامەنووسانی تونس دووپاتیان کردەوە، بەهۆی ئەو شێوازە تەقلیدییە توندانەی کەڕێگە بە ژنان دەدات خۆیان لەڕاپۆرتکردن بەدوور بگرن و بترسن و باسی بارودۆخی خۆیان نەکەن، بە سەختی دەژین.

10:38

ئەندامانی ئەنجومەنی دایکانی ئاشتی ڕایانگەیاند، پێویستە هەنگاوی کۆنکرێتیتر بۆ ئاشتی بنرێت و بێدەنگ نەبن، تیشکیان خستەسەر هێرشەکانی باکوورو ڕۆژهەڵاتی سووریاو ڕایانگەیاند: ئەوانەی ئاشتییان دەوێت نابێت دووڕوو بن.

09:47

درۆنێكی بۆمبڕێژکراو لە سنووری دهۆك کەوتە خوارەوە و بە هۆیەوە ڕێگای نێوان دێرەلوک بۆ ئامێدی داخرا و ڕێگەی هاوڵاتییان گیراوە.

09:42

بێریڤان عومەر، جێگری هاوسەرۆکی دەستەی بەڕێوەبەری خۆجێیی خۆبەڕێوەبەری کانتۆنی جزیرە وتی: دەوڵەتی تورکیا لە دەستکەوتەکانی هەرێم دەترسێت و هەر بۆیەش هێرش دەکات، دەبێت یەکگرتوویی خۆمان لە بەرامبەر ئەو هێرشانە بەهێزتر بکەین.

09:10

گولـلە تۆپێکی سوپای داگیرکەری تورک لە ناو گوندی گوهەرزێی سەر بە شارۆچکەی ئامێدی کەوتە خوارەوە و لە ئەنجامدا، زیان بەر ماڵی دوو هاووڵاتی مەدەنی کەوت.

16:02

لەئەنجامنامەی کۆبوونەوەی ئەنجومەنی دەم پارتیدا ڕاگەیاندرا بۆ ئەوەی ئاشتی و چارەسەری ببێتە بژاردەیەکی ڕاستەقینە، پێویستە گۆشەگیری لاببرێت، هەروەها هەلومەرجەکانی سەلامەتی و خەباتێکی ئازاد بۆ عەبدوڵا ئۆجالان دابین بکرێت.

15:42

خۆبەڕێوەبەری دیموکراتیکی باکوور و ڕۆژهەڵاتی سووریا سەبارەت بە هێرشەکانی دەوڵەتی تورکیا ڕایگەیاند، هێرشەکان مەترسی لەسەر ژیانی ٥ ملیۆن کەس هەیە و داوایڕاگرتنی هێرشەکان دەکەن.

15:10

نێرگس محەمەدی، چالاکوانی مافی مرۆڤ و زیندانی سیاسی لە زیندانی ئەڤین بەمەبەستی چارەسەری پزیشکی گواسترایەوە بۆ نەخۆشخانە.

14:38

ئیسرائیل هێرشی کردە سەر بەیت لاحیە لە باکووری غەززە، لەو هێرشەدا لانیکەم ٤٥ فەڵەستینی کە زۆربەیان ژن و منداڵ بوون، گیانیان لەدەستدا.

14:10

دایە شەریفە زێڕینی، دایکی داواکاری دادپەروەری لە پەیامێکدا ڕایگەیاند، لەڕۆژی ٣١ی تشرینی یەکەم، لەگەڵ چالاکوانانی مەدەنی کوردستان مان لە خواردن دەگرن.