ڕۆژانە

12:20

بەپێی ڕاپۆرتی ڕێکخراوی هەرانا، تا ئێستا لە خۆپیشاندانەکانی ڕۆژهەڵاتی کوردستان و گەلانی ئیران ١٠٠ منداڵ کوژراون، هەروەها هێڵی ئینتەرنێت تەنها بۆ بازرگانەکان و لەژێر چاودێری حکومەت کارایە.

11:00

هێرشەکانی سەر ڕۆژئاوای کوردستان شۆڕشی ژنان و ئایدۆلۆژیای ڕێبەر ئۆجالان دەکەنە ئامانج کە بووەتە هەوێنی شکۆمەندی و گەشەسەندنی کۆمەڵایەتی، بەرخۆدانی شەڕڤانان لە ڕۆژئاوای کوردستان وەک نموونەیەکی جیهانی کاردەکات.

09:59

لە یاریگای یانەی نەورۆز، زیاتر لە ۱٠ هەزار کەس دروشمەکانی پشتیوانیان بۆ ڕۆژئاوای کوردستان دەربڕی، هەروەها داهاتی یاریگاکە بۆ کۆمەک و هاوکارییەکانی ڕۆژئاوای کوردستان تەرخانکرا.

08:35

لە کاردانەوە بەرامبەر هێرشەکانی ڕۆژائاوای کوردستان، هەزار و ٣٨١ هاوڵاتی باکووری کوردستان و تورکیا داوای کۆتایی هێنان بە ئامانجکردنی ناوچەکەیان کردو دەڵێن: زمانی شەڕ ناتوانێت جێگەی زمانی ئاشتی بگرێتەوە.

08:27

لە یەکەمین ساڵیادی بەئامانجگرتنی ساڵیحە ڤیان و پێشەنگانی تەڤگەری ئازادی و دەنگی حەقیقەت لەلایەن دەوڵەتی داگیرکەری تورکەوە، لە شارۆچکەی ڕانیە چالاکییەکی جەماوەری بەبیرهێنانەوە ڕێکخرا.

14:45

ڕۆژنامەی لۆمۆندی فەڕەنسی، بانگەوازێکی هاوبەشی زیاتر لە ٤٠٠ کەسایەتی ناسراوی بۆ پشتگیرکردن لە ڕۆژئاوای کوردستان بڵاوکردەوەو ڕایانگەیاند، قبووڵ ناکەین سەرکردەکانمان لایەنی دەسەڵاتێکی مەترسیدار بگرن، قبووڵیش ناکەین کە چالاکی پشتیووانی لە کورد سەرکوت بکەن.

14:05

کۆمەڵەی ژنانی عێراق، ئیدانەى ئەو پێشێلکارییانەی سەر ژنانی ڕۆژئاواى کوردستان دەکەن، کە لەلایەن چەتەکانەوە دەکرێن و دەڵێن: پێشێلکارییەکی ئاشکرای سەرجەم ڕێککەوتننامە نێودەوڵەتیی و مرۆییەکانە، هەروەها داوا دەکەن بەپەلە هەنگاو بنرێت بۆ پاراستنی ژنان.

13:51

شاری حەسەکە کە لە دژی هێرشەکانی جیهادیەکانی هەتەشە شۆڕشی کردووە، شەپۆلێکی نوێی هێرشەکان بەخۆیەوە دەبینێت، کە سێیەم هێرشە لە دوای دەستپێکردنی شۆڕشەوە، ژنێک کە شایەتحاڵی ئەم هێرشانە بوو، بەرخۆدانی دانیشتووان و بەردەوامی بەرخۆدانییانی دووپاتکردەوە.

13:25

چەند ڕۆژێکە لە سەرانسەری باشووری کوردستاندا، خەڵک و دامەزراوەکان بەردەوامن لە کۆکردنەوەی هاوکاری بۆ پشتگیری ڕۆژئاوای کوردستان، کە چەندین پێداویستی سەرەکی ڕۆژانەو شیرو خواردنی تایبەتی منداڵانیشی تێدایە.

12:56

لە بەرەکانی کەوکابەوە لە شاری حەسەکە کە بەفر لەگەڵ دەنگی تفەنگ تێکەڵ دەبێت، ڕووخساری شەڕڤانانی ژن و پیاو وەک ئاوێنەی ئیرادە و ئازایەتی و قوربانیدان دەدرەوشێتەوە، لەوێ لەسەر لوتکە بەرزەکان ڕایدەگەیەنن کە خاکەکە تەنها خۆڵ نییە، بەڵکو پەیمانێکی هاتا هەتاییە.

11:26

سۆسەن سیا، ژنێکی گەنجی ئێزدی ڕایگەیاند، کاتێک دیمەنی کەزی ژنە شەڕڤانێکی بینی کە لەلایەن چەتەکەیەوە بڕدراوە، زۆر پێی کاریگەر بووە ودەڵێت: ئێستاش هەزاران ژن بە هەزاران کەزی دەهۆننەوە.

10:43

تاوانە ترسناکەکان دژ بە ژنان لە یەمەن لە نێوان بێ یاسایی نائاسایشیی بەربڵاو بەردەوامە، کە ژنان بوونەتە ئامانجی ڕاستەوخۆی توندوتیژی لە نەبوونی پاراستنی یاسایی و چاودێریی ئاسایشی کاریگەر.

10:03

ڕێکخراوی هیومان ڕایتس وۆچ لە نوێترین ڕاپۆرتی خۆیدا، سوپای سووریا و بە ئەنجامدانی تاوانی جەنگ لە ڕۆژئاوای کوردستان تۆمەتبار دەکات، کە تێیدا بێڕێزی بە تەرمی ژنە شەڕڤانێک کراوە و گەمارۆی مەدەنییەکان دراوە.

10:02

هێزەکانی ئاسایش لە ڕۆژهەڵاتی کوردستان و ئێران یەڵدا عەباسی، هونەرمەندی کوردیان دەستگیرکرد، لە جێبەجێکردنی سزای یەک ساڵ زیندانیکردن کە بە نەبوونی بەهۆی چالاکییەکانی پەیوەست بە شۆڕشی "ژن، ژیان، ئازادی"، لە دژی دەرکرابوو.

09:25

جولیا خەلۆ، بەڕێوەبەری ڕێکخراوی ستیرک بۆ بەدواداچوون و پاراستنی مافەکانی منداڵان، ناڕەزایی خۆی لە بەردەوامی گەمارۆدانی کۆبانێ دەربڕی و دەڵێت: منداڵان زۆرترین زیانیان بەرکەوتووە بەهۆی ئەو بارودۆخە سەختانە.

09:14

هاوکاری خوێندنگەی کۆمەڵگەی پەروەردەیی کۆیەی ناحکومی داهاتی پێشانگایەکی هونەری دەبەخشێت بە کەمپینی کوردانی ڕۆژئاوا.

08:15

لە بناری قەندیل بە پێشەنگایەتی ژنان و بە بەرزکردنەوەی دروشمی "ژن، ژیان، ئازادی"، پەیامێکی ئاگرین ئاراستەی دەوڵەتی داگیرکەری تورک و چەتەکانی کرا. ژنانی قەندیل وتیان: شۆڕشی کەزی بووەتە ناسنامەی ڕۆژئاوا.

19:31

لە سەردەشتی چیای شنگال بۆ پشتیوانی لە بەرخۆدانی ڕۆژئاوا کراو ڕاگەیاندراوێک بڵاوکرایەوە و بەرخۆدانی گەلی ڕۆژئاوا لە دژی گەمارۆ و هێرشەکان سڵاوی لێکرا.

18:58

لە ئەنجامی هێرشی چەتە جیهادییەکانی هەتەشەو داعش کەلەلایەن دەوڵەتی تورکیا پاڵپشتی دەکرێن، منداڵێک گیانی لەدەستدا، هەروەها لە هێرشی فڕۆکە سیخوڕیەکانی دەوڵەتی تورک بۆ سەرگوندەکانی حەسەکە سێ هاوڵاتی مەدەنی بریندار بوون.

18:47

ئەمڕۆ لە شاری سلێمانی بە ناوی "دووشەممەی یەکڕیزی" خۆپیشاندانیەکی بەرفراوان بەڕێوەچوو، کە تێیدا خەڵک و چالاکانی مەدەنی بۆ نوێکردنەوەی پاڵپشتیان بۆ ڕۆژئاوا و ڕاگرتنی توندوتیژی کۆدەبنەوە.