ڕۆژانە

12:03

چالاکوانان نەسرین ستودە و سەدیقە وەسمەقی پشتڕاستیان کردەوە کە سزای لەسێدارەدان بەسەر پەخشان عەزیزی، وریشە مورادی و شەریفە محەمەدی، تۆڵەسەندنەوەی ڕاپەڕینی ژن، ژیان، ئازادییە.

11:26

دەسەڵاتدارانی تورکیا لانیکەم ٥٢ کەسیان لە ئەندامانی پارتە جیاوازەکان لە کاتی هەڵکوتانە سەر ماڵەکانیان لە ئەستەنبوڵ دەستبەسەر کردووە.

11:01

بەهۆی هێرشی هێزەکانی پشتیوانی خێرا بۆ سەر گوندەکانی ویلایەتی نیلی سپی و کامپی زمزمی ئاوارەکان دەیان هاوڵاتی مەدەنی کوژران و بریندار بوون.

10:46

کۆبوونەوەی شاندی ئیمرالی دەم پارتی لەگەڵ بافڵ تاڵەبانی، سەرۆکی یەنەکە و قوباد تاڵەبانی، جێگری سەرۆکی حکومەتی کاربەڕێکەری هەرێم شاناز ئیبراهیم ئەحمەد کۆتایی هات و پشتیوانی بۆ پرۆسەی ئاشتی دووپاتکرایەوە

08:40

ژنان لە شاری کرێیلی فەرەنسا کۆبوونەوە بە مەبەستی بەڕێکخستنکردنی مانگرتنی ژنان کە لە ٨ی ئادار، ڕۆژی جیهانی ژناندا ئەنجام دەدرێت.

08:32

٢٢٩ پارێزەری ئێران ڕایانگەیاند، داوای ڕاگرتنی دەستبەجێی سزای لەسێدارەدانی پەخشان و وریشە و شەریفە دەکەین، دەشڵێن، سزای ئەو ژنانە کاریگەری لەسەر نەتەوە و هەستی جیاکاریی لە نێو هاوڵاتییانی کورددا دەبێت.

07:28

عەتیە یوسف، ئەندامی یەکێتی پارێزەرانی باکوور و ڕۆژهەڵاتی سووریا، داوای دەستەبەرکردنی مافەکانی ژنان لە دەستووری نوێی سووریادا دەکات و دەڵێت: پێویستە بە یەکڕیزی و ڕێکخستن وەڵامی ئەو دیوارە ستەمکارییانە بدەینەوە کە ئەوان دەیانەوێت لەبەردەمماندا بونیادی بنێین

14:44

وەزارەتی کۆچ و کۆچبەرانی تاڵیبان ڕایگەیاند، پۆلیسی پاکستان ٣٠ ژن و ٦٥ منداڵی دیپۆرتی ئەفغانستان کردووەتەوە.

14:41

کۆمەڵەی مافی مرۆڤی کوردستان بڵاوی کردەوە، لە ماوەی هەفتەی ڕابردوودا ١١ کەس لە شارە جیاجیاکانی ڕۆژهەڵاتی کوردستان بەشێوەی گوماناویی گیانیان لەدەستدا، ٦ کەسیان ژنن.

14:10

دادگای باڵای تاوانەکانی ئامەد، بە عەقڵی پیاوێک، بەرگری لە پاسەوانی دەوڵەت ئۆزجان یڵدز کرد، کە بە دەمانچە ڕۆزەرین یڵدزی کوشت و لەکاتی دادگاییکردنەکەدا وتی: "من دڵسۆزی دەوڵەتم".

13:34

فەوزیە کۆفی، چالاکوانی مافەکانی ژنان ڕایگەیاند، سەرکوتکردنی ژنان لەلایەن تاڵیبانەوە ڕۆژ بە ڕۆژ چڕتر دەبێتەوە، پێویستە فشارەكانی وڵاتانی جیهان لەسەر تاڵیبان زیاد بکرێت.

13:19

وەزارەتی كۆچ و كۆچبەرانی عێراق ڕایگەیاند، دوای تەواوكردنی پشكنینی ئەمنی هەزار و ٢٠٠ خێزانی عێراقی لە كامپی هۆل گەڕێندراونەتەوە،ا حكومەت بەردەوامە لە هەوڵەكانی بۆ گەڕاندنەوەی هاوڵاتییەكانی لە كامپەكە.

12:53

بەشداربووانی دانیشتنی دیالۆگ کە لە لایەن ئەنجومەنی ژنانی سووریا لە ناوچەی ڕاس ئەلبەسیت لە لازقیە ڕێکخرابوو، بۆچوونی هەمەچەشنیان لە بارەی گرنگی پاڵپشتیکردنی ژنان لە ناوچە کەنارییەکان خستەڕوو.

12:39

پەریوش موسلیمی بۆ ناڕەزایەتی دەربڕین لە بارودۆخی و نەبوونی چاودێری پزیشکی لە زیندانی ئێڤین مانی لە خواردن گرت.

11:41

دوای هەردوو کۆبوونەوەکەی شاندی ئیمرالی دەم پارتی، ئاماژە بەوەکرد لە ماوەی دوو ڕۆژی ڕابردوودا دوو کۆبوونەوەی زۆر گرنگمان ئەنجام دا و دەرئەنجامی ئەرێنیی باشیان هەبوو.

11:25

پارێزەر ئالا هایک ئاماژەی بەوەکرد، ئەو گۆڕانکاریانەی کە ئیدارەی کاتی چەتەکانی هەتەشە لە پەروەردەدا کردوویەتی، مەترسییەکی گەورە لەسەر داهاتووی نەوەیەک دروست دەکات و ئاماژەی بەوەدا کە لەم قۆناغە گرینگەدا پێویستە بابەتی ئایینی لە پرسە سیاسییەکان جیابکرێتەوە

11:10

ئەمڕۆ لە بارەگای سەرۆکایەتی هەرێمی کوردستان، شاندی ئیمرالی دەم پارتی لەگەڵ نێچیرڤان بارزانی، سەرۆکی کاربەڕێکەری هەرێمی کوردستان کۆبوونەوەو پشتیوانی بۆ پرۆسەی ئاشتی دووپاتکرایەوە.

09:02

نەسلیهان شادال، هاوسەرۆکی شارەوانی وان، بە سەرنجدان بۆ ئەو پرۆسەیە نوێیەی کە لە یەکلاکردنەوەی پرسی کورددا پەرەی سەندووە، وتی: ئەو هەڵوێستە ئیدانە دەکەین کە ڕێگری لە ئاشتی دەکات و قەیوم هیچ شێوەیەک یاسایی نین و ئێمە دانیان پێدا نانێین.

08:51

لە نێو بێدەنگیی نێودەوڵەتیدا، گرووپی داکۆکیکاری دارفور ئیدانەی ئەو پێشێلکارییانەی کرد کە هێزەکانی پشتیوانی خێرا لە دژی خەڵکی مەدەنی و بەتایبەت ژنان ئەنجامیان دا و داوای پاراستنیان کرد لەو توندوتیژی و پێشێلکاریانەی کە لەو وڵاتەدا بەدی دەکرێت.

08:34

لە هەوڵێکی بەردەوامدا بۆ باشترکردنی ڕاستی ژنان لە ناوچەی باکوور و ڕۆژهەڵاتی سووریا، کۆمەڵەی ژنانی زەنوبیا درێژە بە گەشتەکەی دەدات لە داکۆکیکردن لە مافەکانی ژنان و هۆشیارکردنەوەی کۆمەڵگە لە پرسەکانیان، و خو گۆڕانکارییەکی ڕیشەیی لە ڕاستی ژنان.