ڕۆژانە

08:29

وەزارەتی تەندروستی غەززە، نوێترین ئاماری زیانبەرکەوتووانی بڵاو كردەوە، كە لە دەستپێكی شەڕەوە تا ئێستا ٤٨ هەزار و ٣١٩ غەزە كوژراون و ١١١ هەزار و ٧٤٩ كەسیش برینداربوون.

07:47

لە تورکیادا دیارترین دەرکەوتنی سیاسەتی بێدەنگی لە بواری زمانی دایکدایە، دیلان شەبەشئۆغڵو، بە وشەی "هەموو ماڵێک خوێندنگەی یەکەمی منداڵانە"، سەرنج بۆ گرنگی زمانی دایک ڕادەکێشێت و دەڵێت: زمان و ژیان دەبێت بە زمانی کوردی بێت.

14:47

ئەنجومەنی باڵای دادوەری عێراق فەرمانی جێبەجێکردنی یاسای لێبوردنی گشتی بۆ دادوەرانی سەرجەم پارێزگا و قەزاکانی عێراق دەرکرد.

14:10

وەزارەتی دەرەوەی فەڕەنسا سەبارەت بە بەرزبوونەوەی جێبەجێکردنی سزای لە سێدارەدان لە ئێران بەیاننامەیەکی بڵاوکردەوە و ڕایگەیاند، "لە هەر بارودۆخێکدا بێت دەستبەجێ کۆتایی بە سزای لە سێدارەدان بهینێت".

12:46

ڕێکخراوە نێودەوڵەتییەکان ڕایانگەیاند، داوا لە وڵاتان دەکەین کۆتایی بە دیپۆرتکردنەوەی هاوڵاتییانی ئەفغانستان و بەتایبەتی ژنان بهێنن ، دەشڵێن: ژنان ڕووبەڕووی ئازاردانی جەستەیی و دەروونی و هەڕەشە دەبنەوە.

11:59

جینان ئەحمەد، هاوسەرۆکی فەرمانگەی کشتوکاڵی ئەنجومەنی هەرێمی ڕۆژهەڵاتی دێرەزوور، سەبارەت بەو سەفەربەری گشتی لە ناوچەکەدا وتی: بە خەبات و ئیرادەی گەل، پلانەکانی لەشکرکێشی دەوڵەتی تورک تێکدەشکێت.

11:17

تاژێ سەبارەت بە یاسای باری کەسێتی و یاسای لێبوردنی گشتی، نامەیەکی ئاراستەی سەرۆک کۆماری عێراق و ئەنتۆنیۆ گۆتێرێس، سکرتێری گشتی نەتەوە یەکگرتووەکان و نوێنەری یونیسێف لە عێراق و نوێنەری نەتەوە یەکگرتووەکان لە عێراق و ئەو وڵاتانە کرد.

10:57

بەڕێوەبەری سەنتەری مافەکانی مرۆڤ لە ئێران، دژی پەسەندکردنی سزای لەسێدارەدانی پەخشان عەزیزی و وریشە مورادی و شەریفە محەمەدی ڕایگەیاند، کاتی زۆر نەماوە بۆ ڕزگارکردنی ژیانیان.

10:50

شەڕڤانانی یەکینەکانی پاراستنی ژنان (یەپەژە) ڕایانگەیاند کە ئەوان هێز و ئیرادەی خۆیان لە بەرخۆدانی گەل وەردەگرن و بە ڕۆحی ئەو بەرخۆدانەوە بەرگری لە خاکەکانیان دەکەن لە بەرامبەر هێرشەکانی دەوڵەتی داگیرکەری تورک.

08:06

ئەو قەیومەی کە دەوڵەتی تورک بەسەر شارەوانی سیرتدا سەپاندوویەتی، لە نیوەشەودا نووسراوی "ژن، ژیان، ازادی"، کە بە زمانی کوردی و تورکی و عەرەبی لەسەر دیوارەکانی پارکی کیزلار تەپێسی نووسرابوو و وێنەی ژینا ئەمینی و ژنانی دیکەی لابرد.

07:52

هونەرمەند پینار ئایدنلار، کە لە چوارچێوەی لێکۆڵینەوەکانی هەدەکە دەستبەسەر کرابوو، ڕاگەیەندرا کە دەستی بە مانگرتن لە خواردن کردووە.

07:30

لە بەردەڕەش منداڵانی خوار ١٨ ساڵ لەلایەن مامۆستایانی ئاینییەوە مارە دەبڕدرێن و داواکاری گشتی دهۆکیش ڕایدەگەیەنێت، "ئەم بابەتانە پەیوەستە بە مافى گشتى و هەر سەرپێچییەک رووبدات بەپێی یاسا رێکاری یاسایی دەگرینەبەر". 

14:14

شەبنەم کۆرور فینجانچی سەرۆکی پێشووی ئەنجومەنی ناوەندی TTB کە بە تۆمەتی "بێڕێزیکردنی دەوڵەت و دامەزراوەکانی" دادگایی کرابوو، بێتاوان دەرچوو.

13:16

نێرگس محەمەدی ڕایگەیاند، دەبێت ڕەگەزپەرستی و سزای لەسێدارەدانی بە کۆمەڵ لە ئێران بە تاوان بناسرێت و ڕابگیرێت، پەخشان، وریشە و شەریفە مەترسیی لەسێدارەدانیان لەسەرە.

13:07

بەپێی ڕاپۆرتی ڕێکخراوی مافی مرۆڤی ئێران، لە ساڵی ٢٠٢٤دا ٩٧٥ کەس لە ئێران لەسێدارە دراون، هاوکات باس لەوە کراوە کە ژمارەی ڕاستەقینە لەم ژمارەیە زیاترە.

12:45

٥٦ کەس و ۲٦ دامەزراوە لە ئیتاڵیا نامەیەکیان ئاراستەی زاڤیر بەتەل، سەرۆکی لیژنەی وەزیرانی ئەنجومەنی ئەوروپا کرد و داوایان لێکرد هەڵوێستی بەرپرسیارانە لە بەرامبەر ئازادی ڕێبەری گەلی کورد عەبدوڵا ئۆجالان بگرێتەبەر.

12:19

گوڵدەرەن ڤارلی، پەرلەمانتاری وانی دەم پارتی کاردانەوەی بەرامبەر بە دانانی قەیومەکان دەربڕی و ڕایگەیاند کە قەیوم ڕێگری لە ئاشتی دەکەن و وتی: خەڵک چاوەڕێی هەنگاوی جددی بوون، بەڵام دانانی قەیوم ئەوە نیشان دەدات کە ئەو هەنگاوانە تەنها بە قسە ماونەتەوە.

11:33

پەیامنێری ئاژانسەکەمان لە حەلەب لەلایەن کەسانی نەناسراوەوە هەڕەشەی لێکرا، دوای ئەوەی چاوپێکەوتنی لەگەڵ چەند ژنێک کرد کە هەوڵیاندا ئەو ئازارانەی کە تووشی بوون ئاشکرا بکەن.

11:07

ئەمیر ڕەئیسیان لە چاوپێکەوتنێکدا لەگەڵ ڕۆژنامەی شەرق، باسی لە کەموکوڕییە بنەڕەتییەکانی پڕۆسەی دادگاییکردن و دەرکردنی سزای لەسێدارەدان بەسەر شەریفە محەمەدی کردو جەختی لەوە کردەوە کە دووبارە تانە دەدەنەوە.

10:07

تەمارا حەداد، شرۆڤەکاری سیاسی سەرنجی بۆ دۆخی ژنان لە غەززە و سووریا ڕاکێشا و وتی: ژنان لە هەردوو هەرێم زۆرترین زیانیان بەردەکەوێت، بۆ کۆتاییهێنان بەو کێشانە و بەدیهێنانی دادپەروەری، هاودەنگی پێویستە.