ڕۆژانە

15:22

تەنها لە ماوەی یەک مانگدا لانیکەم ١٠ ژن و دوو منداڵ بە شێوازی نهێنی و توندوتیژانە لە ناوچە جۆربەجۆرەکانی ئەفغانستان کوژران، ئەم ئامارە شۆککەرە ڕەنگدانەوەی ئەو دۆخە ئاسایشیە مەترسیدارەیە کە ڕووبەڕووی ژنان و منداڵان دەبێتەوە لە وڵاتەکەدا.

14:54

لە درێژەی توندوتیژییەکانی دژی ژنان، لە هەولێر تەرمی ژنێک دۆزرایەوەو لە دهۆکیش پزیشکێک بە گوماناویی گیانی لەدەستدا.

14:21

لیژنەی باڵای ئاوارەکانی کامپی "زم زم" لە باکووری دارفور لە ڕۆژئاوای سودان، هێزەکانی پشتیوانی خێرا بە ڕفاندنی ٢٣ ژنلە کامپەکە تۆمەتبار کرد.

14:04

سروە محەمەد لە کۆنفرانسی ژنانی پەرلەمانتارانی کورد لە ئامەدەوە وتی: ژنانی پەرلەمانتاری باکوور و باشووری کوردستان لەسەر پرسە هاوبەشەکان گفتوگۆ دەکەن، بە مەبەستی بوونیادنانی کاری پێکەوەیی بۆ بەهێزکردنی پێگەی ژنانی کورد.

13:46

یەکەم کۆنگرەی ژنانی پەرلەمانتاری کورد" لە شاری ئامەدی باکووری کوردستان بە بەشداری ژمارەیەک ژنی پەرلەمانتاری کورد لە ڕۆژهەڵاتی ناوەڕاست و ئەوروپا دەستیپێکرد.

13:13

ڕێکخراوی سارا بۆ بەرەنگاربوونەوەی توندوتیژی دژی ژنان جەختی لەوەکردەوە کە سەرهەڵدانی ترسناکانەی کوشتنی ژنان چیتر تەنها ڕووداوێکی گۆشەگیر نییە، بەڵکو دەرئەنجامی ڕاستەوخۆی سیستمێکی توندوتیژی سیستماتیکییە کە بەهۆی کولتوورێکی بێ سزاوەیە.

12:36

هەڵمەتی ناڕەزاییەتییەكان دژ بە سزای لەسێدارەدان لەلایەن ڕژێمی ئێرانەوە، بەردەوامە و لەو چوارچێوەیەشدا، ژنانی زیندانی ئێڤین پشتیوانی خۆیان بۆ زیندانیانی سیاسی دووپات کردەوە.

11:45

گوڵستان سەعید, پەرلەمانتاری پێشووی هەرێمی کوردستان ڕایگەیاند، دوای لێکۆڵینەوە لە پاسپۆرتەکانمان ڕێگریمان لێکرا بچینە باكووری كوردستان و بەشداری کۆنفرانسی ئامەد بکەین، دەشڵێت، ھیچ توندوتیژی و چاو سوور کردنەوەیەک کار ناکاتە سەر ھێز و ئیرادەمان.

11:28

کۆنگرەی هاوسەرۆکایەتی کە لە پارێزگای رەققە لە باکوور و ڕۆژهەڵاتی سووریا بەڕێوەچوو، هەوڵیدا مۆدێلی هاوسەرۆکایەتی وەک مۆدێلێکی جیهانی دابمەزرێنێت، چونکە تاکە سیستەمێکە کە توانای دەستەبەرکردنی دادپەروەری بۆ ژنان و پاراستنی مافەکانیان و توانای ئەوەیان پێبدات.

10:48

سوهام شەنگالی، وتەبێژی تاژێ ستایشی کۆنگرەی نادا و ئەو کۆبوونەوانەی لەو ماوەیەدا بەڕێوە چوو کرد، ئاماژەی بەوەدا کە کۆنگرەکە هەلێکە بۆ فێربوون لە بیرۆکەی ژنانی پێکهاتەکانی دیکە، چارەنووسی ژنانی ئێزدی بێسەرشوێن بوو لە لوتکەی کارنامەدا بووە.

08:56

لە کۆیە ئاهەنگێکی پڕ چالاکی بۆ منداڵان بەڕیوەچوو، کە یەکەم جارە لەو شارە چالاکی لەو شێوەیە بۆ منداڵان بەڕێوەبچێت.

21:29

دەستەی تەندروستی خۆبەڕێوەبەری شەنگال ڕاگەیەندراوێکی لە دژی ڕێگریکردن لە شاندێکی تەندروستی ئیتاڵی بۆ شەنگال ڕاگەیاند، تێیدا ئیدانەی ڕێگرییەکانی عێراقی کردو داوای لە ڕێکخراوەکانی بواری مافی مرۆڤیش کرد هەڵوێست دەربڕن.

16:36

بە دروشمی "لە هەمەجۆرییەوە هێزمان سەرچاوە دەگرێت و لە هاوبەشییەوە ئیرادەمان بونیاد دەنرێت"، یەکەمین کۆنگرەی هاوسەرۆکایەتی رەققە لە باکوور و ڕۆژهەڵاتی سووریا بەڕێوەچوو.

15:56

ژنە شاعیر و چیرۆکنووسانی بەشداربوو لە یەکەمین فێستیڤاڵی ئەدەبی فورات ئاماژەیان بەوە کرد کە فێستیڤاڵەکە سەرکەوتوو بوو، لە تیشک خستنەسەر میراسی کولتووری و هونەری سووریا کە ساڵانێک بوو نەبوو.

15:44

هەڵمەتی "سێشەممان نا بۆ لەسێدارەدان" بە زیادکردنی زیندانی فەردیس لە شاری کەرەج فراوانتر بووەو لە هەفتەی ٧٠دا بەردەوامە.

14:31

لە شاری حەلەب تەرمی ژنێک دۆزرایەوە کە دەستدرێژی کراوەتە سەر، دەرکەوت کە تەرمی ژنە کوژراوەکەش ڕوتکراوەتەوە.

13:31

دوابەدوای کەمکردنەوەی موچە و شەپۆلێکی نوێی دەرکردن لە دەزگاکانی حکومەتی ئەفغانستان، بەتایبەتی لەناو ژنان، پرسیارێک دێتە ئاراوە: داهاتووی پێکهاتەی کۆمەڵایەتی و ئابووری وڵاتەکە بەپێی ئەم بڕیارانە چۆن دەبێت؟

11:31

مەهواش سەیدال، زیندانی سیاسی و خاوەنی دکتۆرا لە یاسای نێودەوڵەتی، مانی لە خواردن گرت بۆ ناڕەزایی دەربڕین بەرامبەر لێدانی لەلایەن ئەفسەرەکانەوە، پشتگوێخستنی سکاڵاکەی، بێبەشکردنی خزمەتگوزاری پزیشکی لە زیندانی ئێڤین.

11:07

شارەوانی بوجیبونسی لە ئیتاڵیا بە زۆرینەی دەنگ ڕەگەزنامەی فەخری بە وریشە مورادی، زیندانی سیاسی بەخشی کە سزای لە سێدارەدانی بەسەردا سەپێندراوە.

10:47

سێ هەزار فەرمانبەری گرێبەست ١٠ مانگە موچەیان وەرنەگرتووەو لەکۆیە بەشێک لەو فەرمانبەرانە گردبوونەوە.