ڕۆژانە

07:56

ژنانی ئێزدی ناڕەزایەتیان دەربڕی بەرامبەر هێرشەکانی سەر حەلەب و شەهبا و ناوچەی باکوور و ڕۆژهەڵاتی سووریا و ڕایانگەیاند، تا کۆتایی لەگەڵ گەلی ڕۆژئاوا دەبن و لە هەموو شوێنێک دەنگی ئەوان دەبن.

07:05

ژنانی بەشداربووی پێشەنگای کتێب لە شاری سلێمانی، باس لە دۆخی ڕۆژئاوای کوردستان دەکەن و دەڵێت: هاوخەمی ژنانی ڕۆژئاوای کوردستانین، کۆچبەری بۆ ژنان دووجار سەختە، چونکە ناتوانن دەستبەرداری ماڵ و خاکی خۆیان ببن".

15:27

بەشێک لە هاوڵاتیانی ڕۆژئاوای کوردستان، کە دانیشتووی باشووری کوردستانن، لە ڕێگای مانگی سوورەوە هاوکاری بۆ ڕۆژئاوای کوردستان دەنێرن.

14:59

ڕاگەیەندرا، ئەو ئۆتۆمبێلانەی کە نزیکەی ٤٠٠ خێزانی خەڵکی کانتۆنی عەفرین- شەهبایان تێدایە، گەیشتوونەتە کانتۆنی تەبقا.

14:26

لە چوارچێوەی چالاکییەکانی هەڵمەتی ١٦ ڕۆژەی بەرەنگاربوونەوەی توندوتیژی دژی ژنان، بەڕێوەبەرایەتی گشتی بەرەنگاربونەوەی توندوتیژی، بە ئامادەبوونی چالاکوان و سیاسەتمەداران، لە بارەی "ڕۆڵی ڕاگەیاندن و توندوتیژی ژنان" پانێڵێکی ڕێکخست.

14:10

خۆبەڕێوەبەری دیموکراتیکی باکوور و ڕۆژهەڵاتی سووریا لە بەردەم بینای ئیدارەی ڕەققە سەبارەت بە ڕووخاندنی ڕژێمی سووریا بەیاننامەیەکی بۆ ڕۆژنامەنووسان خستەڕوو ڕایگەیاند، ئامادەن بۆ دیالۆگ لەگەڵ هەموو لایەنەکان.

13:36

لە چوارچێوەی هەڵمەتی بەرەنگاربوونەوەی توندوتیژی دژی ژنان، لە زانكۆی كۆیە دیدارێكی زانستی بەناونیشانی "ژنان لە ڕێگەی ئازادی و هۆشیاریدا" بەڕێوەچوو.

13:25

لە سلێمانی پێشانگایەکی شێوەکاری بۆ کانی مەحمود کرایەوەو تێیدا ٤٦ تابلۆ نمایشکرا.

13:15

لە هێرشەکانی دەوڵەتی اگیرکەری تورکیا و چەتەکانی بۆ سەر گوندەکانی مەنبج، برینداربوون و گیانلەدەستدان هەن.

12:29

ئیلهام ئەحمەد، هاوسەرۆکی کۆمیتەی کاروباری دەرەوەی خۆبەڕێوەبەری ڕایگەیاند کە کۆتایی هاتنی دیسپۆتیزم سەرەتای سەردەمێکی دادپەروەری و دیموکراسییە.

12:12

لەتیفە بوشوا، چالاکوانی مافی مرۆڤ ڕایگەیاند کە ژنان لە کاتی پڕۆسەی هەڵبژاردندا لە ڕیزەکانی پێشەوە کاردەکەن، بەڵام دوای هەڵبژاردن لە کارەکانیان دوورخراونەتەوە و ئەمە توندوتیژی سیاسییە بەرامبەر بە ژنان.

11:07

بەهۆی دواکەوتن و پێنەدانی موچەکانیانەوە، بایکۆتی دەوام لە سلێمانی و گەرمیان بەردەوامە و بەڕێوەبەرایەتی هاتوچۆی سلێمانی بایکۆتی کارەکانیان كرد.

10:50

ئەمیرە عەتائەڵڵا، خۆبەخش کە لە ڕێکخراوی هاوکاری مرۆییە، ڕایگەیاند کە کاری خۆبەخشی زۆر قورسە و ویستوویەتی ڕێکخراوەکانی ژنان و مافی مرۆڤ کار لەسەر ئەو سەختییانە بکەن.

10:25

بڕیارە ئەمڕۆ پەرلەمانی عێراق كۆببێتەوە ٧ پرس گفتوگۆیان لەسەر دەکرێت، یەکێک لەوانە هەمواری یاسای باری كەسیی و هەمواركردنەوەی دووەمی یاسای لێبووردنی گشتیی دەدرێت.

10:01

ئیدارەی خۆبەڕێوەبەری باکوور و ڕۆژهەڵاتی سووریا لە بەیاننامەیەکدا باری نائاسایی ڕاگەیاند.

09:35

ماجیدە حەسون، ئەندامی کۆردیناسیۆنی کۆنگرەی ستار لە کانتۆنی فورات، دووپاتیکردەوە کە ژنان ڕۆڵێکی گەورەیان لە شۆڕشی ١٩ی تەمووزدا هەبووە و هەوڵیانداوە ئەقڵیەتی پیاوسالاری لە کۆمەڵگەدا تێکبشکێنن بۆ ئەوەی هەموو ماف و ئازادییەکانیان بەدەستبهێنن.

09:18

هەتەشە کە لە ٢٧ی تشرینی دووەمەوە هێرشی کردە سەر شاری حەلەب، بەرەبەیانی ئەمڕۆ شامی پایتەختی کۆنترۆڵکرد.

08:57

سوهام شنگالی، ئەندامی کۆمیتەی دبلۆماسی تاژێ، ڕایگەیاند که چەتەکانی دەوڵەتی تورکیا به هاوپەیمانێتی و ڕێککەوتنێکی نێودەوڵەتی حەلەبیان وەک موسڵ داگیرکردووه، کۆمەڵگه تەنها دەتوانێت سەرکەوتن لە بەرامبەر دارگیرکەران لەسەر بنەمای شەڕی گەلی شۆڕشگێڕێ بەدەستبهێنێت.

08:00

گوڵیخان سۆفی، بەرێوەبەری کۆمیتەی شانەی قەیرانەکان ڕایگەیاند، دەستیان کردووە بە پێشوازیکردن و جێگیرکردنی کۆچبەرانی شەهباو تل ڕەفعەت.

15:03

ژنانی شاری حەسەکە بە پێشەنگایەتی کۆنگرەی ستارو لەسەر بانگەوازی سەفەربەری خۆپاراستنی خۆبەڕێوەبەری و بە شەڕی گەلی شۆڕشگێڕ، بەشداری پەروەردە دەکەن و فێری بەکارهێنانی چەک دەبن.