ڕۆژانە

13:49

چەتەکانی دەوڵەتی تورک هێرشیان کردە سەر پردی قەرەقۆزاخ، لە ئەنجامی هێرشەکەدا ژنێکی تەمەن ٦٠ ساڵ کوژرا، منداڵێکی تەمەن ٨ ساڵیش بریندار بوو.

12:52

وەسیلە ئایش، چالاکوان و ئەندامی سەندیکای کرێکاران، داوای لە کۆمەڵگەی مەدەنی و میدیاکانی تونس کرد بەپەلە هەنگاو بنێن، بەرامبەر بەو کردەوانەی دژی ژنانی سووریا دەکرێت و ڕێگری لە هێرشی دڕندانە بکەن و گروپە توندڕەوەکان ئاشکرا بکەن.

12:40

هێرشەکانی ڕژێمی ئێران بۆ سەر ژنانی ئازادیخواز و زمانی کوردی بەردەوامە. لەم هەفتەیەدا لەیلا سەلیمی، مامۆستای زمانی کوردی لەلایەن ڕژێمی ئێرانەوە لە کارەکەی دوورخرایەوە و سکاڵای یاسایی لەسەر تۆمار کرا.

12:18

نەتەوە یەکگرتووەکان لە ڕاپۆرتێکدا ڕایگەیاندووە، بازرگانیکردن بە مرۆڤەوە بە شێوەیەکی بەرچاو لە ئاستی جیهانیدا لە "بەرزبوونەوە"دایە و زیاتر لە یەک لەسەر سێی قوربانییەکانی منداڵن.

12:03

ڕێکخراوی لێبوردنی نێودەوڵەتی بە بڵاوکردنەوەی ڕاگەیاندراوێک ئاماژەی بەوەکرد، "یاسای پاکیزەیی و حیجاب شەرمەزارکەرە"، هەراسانکردنی ئەو ژنانەی کە دوای ناڕەزایەتییەکانی "ژن، ژیان، ئازادی" هەوڵیان دا بەرگری لە مافەکانیان بکەن توندتر دەکات.

11:04

کاتێک تاڵیبان لە مانگی ئابی ٢٠٢١ هاتە سەر دەسەڵات، وردە وردە ژنانیان سەرکوت کرد، جگە لە داخستنی دەرگا و شوێنی خوێندن و کارکردن، شوێنی کات بەسەربردنیشیان داخست.

10:44

حکومەتی تورکیا بۆردوومانی ئۆتۆمبێلێکی فریاکەوتنی کرد کە بریندارەکانی هەڵگرتبوو لەسەر ڕێگای بەنداوی سیرین- تشرین.

10:04

سەرەڕای گەمارۆدان و مردن و وێرانکارییەکانی کەرتی غەززە، ژنانی فەلەستینی لە خەباتی ڕۆژانەیان بۆ پاراستنی بنەماڵەکانیان و دەستەبەرکردنی کەمترین پێداویستییەکانی ژیانیان بەردەوامن.

09:57

مەسیمێکی دیکەی زارۆسانە لە دڵی چیا بەرزەکانی هەورامانی تەخت کە سروشت بە شێوەیەکی جوانتر تێکەڵ بە ژیانی گەلەکەی بووە، بەڕێوەچوو.

08:43

سانەم دەنیز کوراڵ، ئەندامی کۆمیتەی ناوەندیی ئەهەپە سەرنجی بۆ کارەساتی ئەو ژنان و منداڵانە ڕاکێشا کە بەهۆی هێرشەکانی سەر سوریا ئاوارە دەبن و وتی: داعش و نوسرە و هەتەشە بە پشتیوانی تورکیا هێرش دەکەن، پێویستە حکومەتی ئاکەپە واز لە پشتیوانیکردنیان بهێنێت.

07:56

کۆمەڵەی ژنانی زەنوبیا ڕایگەیاند، کە لە هێرشی دەوڵەتی تورک و بەکرێگیراوەکانی بۆ سەر تورکەکان لە مەنبج ٣ ئەندامیان گیانیان لەدەستداوە.

07:45

ژنان ناڕەزایەتیان بەرامبەر بە هێرشەکانی دەوڵەتی تورکیا بۆ سەر شاری مەنبج و گوندەکانی دەربڕی و تیشکیان خستە سەر پاراستنی دەستکەوتەکانیان و ڕایانگەیاند، رێگە نادەین بەهەشتی سەرزەوییەکەمان داگیر بکرێت.

14:49

تەژەئا کاردانەوەی بەرامبەر هێرشی چەتەکانی "SMO" دژی باکوور و ڕۆژهەڵاتی سووریا و بەئامانجکردنی ژنان دەربڕی و داوای لە ژنان کرد بۆ سووریایەکی دیموکراسی و یەکسان و ئازاد تێبکۆشن و یەکبگرن.

14:18

کەمپەینی ژنانی باشوور بۆ پشتیوانی لە ڕۆژئاوای کوردستان کۆنگرەیەکی ڕۆژنامەنووسیان بەست و تیایدا داوایان کرد، هێزە سیاسییەکان بە ڕوونی هەڵوێستی خۆیان دەرببڕن و حکومەتی هەرێم دەروازەی سنوری سێمێلکا بکاتەوە و هاوکاری خۆبەڕێوەبەری بکات.

14:01

لە شاری هەراتی ئەفغانستان بە ئامانجی ڕەخساندنی هەلی کار بۆ ژنان، ژنێک خۆلێکی ڕاهێنانی بۆ زیاتر لە ٢٠٠ ژن ڕێکخست.

13:31

هاوکات لەگەڵ ڕۆژی جیهانی مافی مرۆڤ و کۆتایی هاتنی هەڵمەتی ١٦ ڕۆژە بۆ بەرەنگاربوونەوەی توندوتیژی دژی ژنان، هەڵمەتی "سێشەممەی نا بۆ سێدارە" کە بۆ ئیدانەکردنی سزای لەسێدارەدان دەستیپێکرد، لە ٤٦ەمین هەفتەدا بەردەوامە.

12:45

ڕاپۆرتی پشکنینی جەستەی ڕۆژین کابایش بڵاوکرایەوە کە لە شاری وان بێسەروشوێن بوو و دوای ١٨ ڕۆژ تەرمەکەی دۆزرایەوە، دیاری کرا کە بە پێی ڕاپۆرتەکە هۆکاری گیانلەدەستدانی ڕۆژبین کابایش خنکاندن بووە.

12:30

فیدراسیۆنی نێودەوڵەتی ڕۆژنامەنووسان لە ڕاپۆرتێکدا پشتڕاستی کردەوە، ساڵی ٢٠٢٤ ساڵێکی خوێناوی بوو، چونکە ١٠٤ ڕۆژنامەنووس لە سەرانسەری جیهاندا کوژراون کە زیاتر لە نیوەیان لە کەرتی غەززە کوژراون.

12:06

کارین دیکەر، کارگێڕی باڵیۆزخانەی ئەمریکا لە ئەفغانستان نیگەرانی دەردەبڕێت سەبارەت بە دەرئەنجامەکانی قەدەغەکردنی خوێندن بۆ کچان و و داخستنی بەشی مامانی و پەرستاری لە پەیمانگاکان ڕایگەیاند، ئەو بڕیارە داهاتووی ئەفغانستان دەخاتە مەترسییەوە.

11:24

کۆردیناسیۆنی کۆنگرەی ستار لە لوبنان هێرشەکانی دەوڵەتی داگیرکەری تورکیا و بەکرێگیراوەکانی بۆ سەر هەرێمی باکوور و ڕۆژهەڵاتی سووریا شەرمەزار کرد.