ڕۆژانە

07:53

ژنانی کۆبانێ ناڕەزایەتیان دەربڕی بەرامبەر بە هێرشی چەتەکانی سەر بە دەوڵەتی تورکیا کە بۆ سەر کانتۆنی مەنبج و گوندەکانی کۆبانێ و وتیان: تا کۆتایی دەستکەوتەکانمان و شۆڕشەکەمان دەپارێزین.

07:50

لە شارۆچکەی قەڵادزێ، ژنێک دوای سووتانی بە گوماناوی بەهۆی زۆری ڕيژەی سووتانەکەیەوە گیانی لەدەستدا.

14:44

ئەنجومەنی ژنانی کانتۆنی فورات کوشتنی سێ ئەندامی کۆمەڵەی ژنانی زەنوبیای لە کانتۆنی مەنبج شەرمەزار کرد.

14:15

پەیامنێرانی بێسنوور ڕایگەیاند، لە ماوەی ساڵی ٢٠٢٤دا ٥٤ ڕۆژنامەنووس کوژراون کە یەک لەسەر سێی ئەو ڕۆژنامەنووسانە خەڵکی غەززە و لوبنان بوون.

14:03

چالاکوانان و کەسایەتییەکانی شاری سلێمانی داوا دەکەن سنووری سێمێلکا بۆ گەیاندنی هاوکارییەکان بە ڕۆژئاوای کورستان بکرێتەوە و دەڵێن: پێویستە هەموان بەرامبەر بە هاوزمانانمان لە ڕۆژئاوای کوردستان بەرپرسیار بین.

13:34

٢٧ فەلەستینی لە هێرشی ئیسرائیل بۆ سەر کرێکارانی یارمەتییە مرۆییەکان و ماڵاندا گیانیان لەدەستدا، بەگوێرەی ئاماری نەتەوە یەکگرتووەکان، ژمارەی ئەو منداڵانەی کە لەژێر چارەسەردان بەهۆی بەدخۆراکییەوە بۆ زیاتر لە چوار هەزار منداڵ زیادی کردووە.

12:46

لە گەڕەکی واد نشو لە شاری غەردایەی باشووری جەزائیر، دەسەڵاتدارانی جەزائیر تەرمی چوار منداڵیان دۆزییەوە کە نیشانەی سووتان لەسەر جەستەیان بوو، فڕێدرابوونە ناو ئاوەڕۆوە.

12:31

کۆری ئینفرانجیبیلی شاری پیاچێنزای ئیتاڵیا و ڕەتە ژن لە ئیتاڵیا گۆرانییەکیان بۆ پشتیوانی لە ژنانی ڕۆژئاوای کوردستان و دژی هێرشەکانی سەر باکوور و ڕۆژهەڵاتی سووریا بڵاوکردەوە.

11:57

لە شارەکانی دراگوینان و مۆنتپیلێری فەرەنسا هێرشەکانی دەوڵەتی تورک و چەتەکانی بۆ سەر شۆڕشی ژنان لە باکوور و ڕۆژهەڵاتی سووریا ئیدانە کران.

09:02

لەسەر ڕێگای کەلار -باوەنوور بەهۆی ڕووداوێکی هاتووچۆوە چوار منداڵ گیانیان لەدەستدا و پێنج كه‌سی دیكه‌ش برینداربوون.

08:41

عەبیر حەساف، ئەندامی ئەنجومەنی جێبەجێکاری ئەنجومەنی ژنانی باکوور و ڕۆژهەڵاتی سووریا، باسی لە هێرشەکانی دەوڵەتی تورکیا و چەتەکانی کرد بۆ سەر ناوچەکە و پەیامی "پێویستە لە دەوری خۆبەڕێوەبەری خۆمان و دەستکەوتەکانمان کۆببینەوە"ی دا .

08:06

سۆنگول ئارگوناگا، ئەندامی دەستەی بەڕێوەبەری ناوەندی مافی مرۆڤی سەندیکای پارێزەرانی ئامەد، ئاماژەی بەوەدا، هۆکاری سەرەکی پێشێلکردنی مافەکان سیاسەتەکانی دەوڵەتە و دژی ئەو سیاسەتانە تێکۆشان دەکەن.

07:57

ڤیان مایی، سینەماکاری کورد کە لە سوید دەژی، کاردانەوەی بەرامبەر بێدەنگی نێودەوڵەتی نیشان دا و داوای خاوەندارێتی لە دەستکەوتەکانی ڕۆژئاوا کرد.

07:46

کەژەکە و پاژک لە دژی هێرشە لەشکرکێشییەکانی دەوڵەتی تورک بۆ سەر باکوور و ڕۆژهەڵاتی سووریا ڕاگەیەنەدراوێکی بڵاوکردەوە و جەختی لەسەر ئەوە کردەوە، "لەشکرکێشی بۆ سەر ڕۆژئاوا لەشکرکێشی بۆ سەر شەرەف و ئازادی و ئایندەمانە، با لە دەوری شۆڕشی ڕۆژئاوا یەکگرتوو بین.

07:35

ژنانی کامپی پەنابەرانی مەخموور ناڕەزایەتیان دژ بە داگیرکارییەکانی چەتەکانی دەوڵەتی تورک لە باکوور و ڕۆژهەڵاتی سووریا و حەلەب دەربڕی و ڕایانگەیاند: پێویستە کورد لە هەموو شوێنێک پشتیوانی و پاراستنی گەلەکەی بکات و دژی سیاسەتە جینۆسایدییەکانی تورکیا بێت.

15:10

دەستەی ژنانی کانتۆنی جزیرە کوژرانی سێ ئەندامی کۆمەڵەی ژنانی زەنوبیای لە کانتۆنی مەنبج شەرمەزار کردو ڕایگەیاند، ئەوان شوێن خەباتی خۆیان دەگرن.

14:48

حوسنا عەرەب کە لە ساڵی ٢٠١٥ پەیوەندی بە داعشەوە کردبوو لە سوریا، بە تۆمەتی کۆیلەکردنی ژنانی ئێزدی سزای دە ساڵ زیندانی بەسەردا سەپێندرا.

14:45

ڕۆژنامەنووس ئیمان حاتم شانتی لە بۆردوومانێکی ئیسرائیلدا بۆ سەر شوقەیەکی نیشتەجێبوون لە بینای ئەلمەلش لە گەڕەکی شێخ ڕەدوان لە باکووری ڕۆژئاوای شاری غەززە، گیانی لەدەستدا.

14:19

ئیلهام ساڵحی، چالاکوانی سیاسی بە ٥ ساڵ زیندانی و سزای ماددی سزا درا.

14:12

لە کۆتا ڕۆژی هەڵمەتی ١٦ ڕۆژەی بەرەنگاربوونەوەی توندوتیژی دژی ژناندا، ژنانی کۆیە ڕایانگەیاند، "کێشەكانی ژنان زۆرن، بە تایبەتی بەهۆی بەکارهێنانی ئامێرەکانی پەیوەندیكردن و نابێت بترسن لەوەی سکاڵا بکەن.