ڕۆژانە

10:53

وەزارەتی پەروەردەی عێراق بڵاویکردەوە، لە چوارچێوەی هەڵمەتی گەڕانەوە بۆ خوێندن ٢٦٠ هەزار خوێندکاری دابڕاو گەڕاونەتەوە بۆ خوێندن.

10:47

سەلما مەلیکە حەدادی، باڵیۆزی جەزائیر لە ئەدیس ئەبابا و نوێنەری هەمیشەیی لە یەکێتی ئەفریقا وەک جێگری سەرۆکی کۆمیسیۆنی یەکێتی ئەفریقا دەستنیشانکرا.

10:25

ڕۆژنامەنووسێکی بیانی کە لە شوێنی بەرخۆدانەکەوە بەدواداچوون بۆ بەرخۆدانی بەنداوی تشرین دەکات، ئاماژەی بەوەدا کە بەرخۆدانێکی مێژوویی بە پیشنەگایەتی ژنان و شەڕڤانان دەنووسرێت و وتی: لێرەش ژنان ئاڵای بەرخۆدان هەڵدەکەن.

10:00

ئەڤین سوێد،هاوسەرۆکی ئەنجومەنی جێبەجێکاری ئیدارەی خۆبەڕێوەبەریی دیموکراتیک، ئاماژەی بەوەدا کە هاوپەیمانی کۆمەڵایەتی لە دەستووری نوێی سووریادا باشترین مۆدێلە بۆ پاراستنی مافەکانی ژنان و داوای یەکگرتوویی کرد.

09:20

وریشە مورادی لە ساڵڕۆژی پیلانگێڕیی نێودەوڵەتی دژی ڕێبەری گەلی کورد عەبدوڵا ئۆجالان، نامەیەکی نارد و وتی: ئازادی ڕێبەر ئاپۆ دەبێتە هێمای ژیان و ئازادییەکی نوێ.

08:55

لەگەڵ ڕووخانی ڕژێم، ژنانی سووریا هیوایان خواست کە قۆناغێکی هیوا لە دوای شەڕ دەستپێبکات، بەڵام بەهۆی ناسەقامگیری و فشارە ئابوورییەکانەوە، دووبارە ئازار و دەستدرێژی ژنان بە شێوەی جۆراوجۆر دەستی پێکردەوە.

07:46

ئاینور زێد باشا ئەندامی دەستپێشخەری پارێزەرانی سووریا بۆ داکۆکی لە مافەکانی ڕێبەر ئۆجالان ڕایگەیاند کە کلیلی چارەسەری قەیرانی ڕۆژهەڵاتی ناوەڕاست لای ڕێبەری گەلی کورد عەبدوڵا ئۆجالانە.

07:35

یوکسەل موتلو، لە کۆمیسیۆنی گەلان و بیروباوەڕی دەم پارتی، سەرنجی بۆ ئەو هێرشانە ڕاکێشا کە لە سووریا دژی ناسنامە و بیروباوەڕی جیاواز ڕوودەدەن و ڕایگەیاند، پێویستە بیروڕای گشتی نێودەوڵەتی ناڕەزایی خۆی بەرامبەر بەو هێرشانە دەرببڕێت.

15:21

لە ٢٦ەمین ساڵڕۆژی پیلانگێڕی نێودەوڵەتی ١٥ی شوبات لە دژی ڕێبەری گەلی کورد، عەبدوڵا ئۆجالان، کۆمیتەی ئازادی بۆ ئۆجالان کۆنگرەیەکی ڕۆژنامەنووسیان لە شاری سلێمانی بەست و ڕایانگەیاند، "به ڕۆحی ئیرادەی ئیمڕاڵی و بەرخۆدانی گەلەکەمان سەرکەوتن بەدەستدەهێنین".

15:13

 دوێنێ هەزاران کەس لە شەنگال دژی پیلانگێڕی نێودەوڵەتی دژی ڕێبەری گەلی کورد عەبدوڵڵا ئۆجالان ڕێپێوانیان کرد و ڕایانگەیاند کە ئازادی کۆمەڵگە بەبێ ئازادی ڕێبەری گەلی کورد، عەبدوڵا ئۆجالان دەستەبەر نابێت.

15:03

کەژەکە ڕایگەیاند، "دەبێت ئەو قەیومەی کە بۆ شارەوانی وان دانراوە، وەک هێرشی هێزەکانی دژبەری چارەسەر ببینین و بەرخۆدان بۆ ئازادی لە سەرتاسەری کوردستان دەست پێبکەین، وان کوردستانە و بەرخۆدان بەرخۆدانی ئازادی کوردستانە".

14:29

ڕێکخراوی مافی مرۆڤی کوردپا سەبارەت بە بانگهێشتکردنی مینا سوڵتانیی دایکی شەهریار محەمەدی، یەكێك لە قوربانیانی شۆڕشی”ژن ژیان ئازادی” ڕایگەیاند، بە تۆمەتی ”پڕوپاگەندەکردن دژی دەوڵەت” و “ئامادەبوون لە شوێنە گشتییەکان بەبێ باڵاپۆشی” بانگهێشتی دادگا کراوە.

14:25

 سوپای ئیسرائیل لە کەرتی ڕۆژئاوای داگیرکراو تەقەی لە فەلەستینییەکان کرد و بەهۆیەوە چوار کەس گیانیان لەدەستدا، لە ئەنجامی هێرش بۆ سەر دانیشتووانی نایاسایی فەلەستینییش شەش کەس بریندار بوون و ٤ لە بریندارەکان گیانیان لەدەستداوە.

14:05

ڕێکخراوی لێبووردنی نێودەوڵەتی داوای لە کۆمەڵگەی نێودەوڵەتی و نەتەوە یەکگرتووەکان و یەکێتی ئەوروپا کرد، دژی سزای لە سێدارەدانی شەریفە هەڵوێست وەربگرن.

13:16

هاوڵاتیانی مەدەنی کە لە بەنداوی تشرین لە ئێشکگریدان، بە بەرزکردنەوەی دروشمی ئازادی و سەرکەوتن، پیلانگێڕی نێودەوڵەتی دژی ڕێبەر ئۆجالانیان شەرمەزار کرد و داوای کۆتاییهێنان بە هێرشەکان و ئازادکردنی جەستەیی ڕێبەر ئۆجالانیان کرد.

11:51

ڕوانگەی سووری بۆ مافەکانی مرۆڤ ڕایگەیاند، ژنێکی تەمەن ٤٠ ساڵ لە شاری عەفرینی داگیرکراو لەلایەن چەتەکانەوە ڕفێندرا.

11:36

بە بۆنەی ساڵڕۆژی پیلانگێڕی نێودەوڵەتی ١٥ی شوبات، ژنانی سیاسەتمەدار و پارێزەر لە کانتۆنی ڕەققە ڕایانگەیاند، ڕۆژی ڕەش دەکەنە ڕۆژی ئازادی و ئاشتی و خوازیارن ژیانێکی ئازاد لەگەڵ عەبدوڵا ئۆجالان، ڕێبەری گەلی کورد بژین.

10:17

مەگەکە لە بارەی دەستبەسەرکردنی ڕۆژنامەنووسان ڕایگەیاند: "دەستوەردانی نایاسایی بەرامبەر ڕۆژنامەنوسان قبوڵ ناکەین، دەبێت دەستبەجێ هاوڕێکانمان ئازاد بکرێن و هەموو فشارێک بۆ سەر ڕۆژنامەنووسان کۆتایی پێبێت".

10:07

عەبدوڵا زێدان، هاوسەرۆکی شارەوانی گەورەی وان، لەلایەن پۆلیسەوە دەستگیرکرا و قەیوم لە شوێنی دانرا، چەندین ڕۆژنامەنووسیش دەستگیر کران.

10:03

ژنانی گەنج کە بەشدارییان لە ئێشکگری بەردەم شارەوانی گەورەی وان کرد، وتیان: ئێمە بۆ داهاتوومان هاتووین بۆ ئێرە، دەبێت ئەم سیستەمە بگۆڕدرێت.