ڕۆژانە

12:15

سەرۆك كۆمار عێراق یاسای بە پارێزگابوونی هەڵەبجەی واژۆ كرد و بڕیارە لە هەفتەی داهاتووشدا لە ڕۆژنامەی وەقایعی بە فەرمیی بڵاو بكرێتەوە.

11:24

پاژک گیان لەدەستدانی پەلین زۆزانی ڕاگەیاند و ئاماژەی بەوەدا، شەهید پەلین هەمیشە ڕێکخستن و ڕەنجی لە کەسایەتی خۆیدا کردووە، بە کەسایەتییە بوێر، دڵخواز و بەهێزەکەی لە هەموو مەیدانێکدا ئەرکی شۆڕشگێڕانەی ئەنجامدا.

11:07

دۆلجە ماریا، ژنێکی ڕەسەنی کۆمەڵگەی ئەبیا یالا لە ئەمریکای لاتین، لە یەکەم سەردانیدا بۆ باکوور و ڕۆژهەڵاتی سووریا ڕایگەیاند، ژنان ڕێکخراوی تایبەت بە ژنانیان دامەزراندووە.

16:04

هێزەکانی پشتیوانی خێرا لە گەڕەکی سەلحە لە ئوم دورمان لە ڕۆژئاوای خەرتومی پایتەخت کۆمەڵکوژییەکی بەکۆمەڵیان ئەنجامدا، لە ئەنجامدا ٣١ کەس گیانیان لەدەستدا کە چەند منداڵێکیشیان تێدایە.

15:42

پێشانگای نێودەوڵەتی چاپ و بڵاوکردنەوە و پەرتوک لە رەبات بە بەشداری کۆمەڵەی ژنانی نووسەری مەغریبی کۆتایی پێهات.

15:01

لە ئاکامی هێرشێکی ئاسمانی ئەمریکا کە ناوەندێکی دەستبەسەرکردنی کۆچبەرانی ئەفریقی لە شاری سەعدە کردە ئامانج، ٦٨ کەس کوژران و دەیان کەسیش بریندار و بێسەروشوێن بوون.

13:47

سەبارەت بە کۆنفرانسی "یەکڕێزیی و یەکهەڵوێستی کوردیی لە ڕۆژئاوا" ئیلهام ئەحمەد و فەسلە یوسف وتیان: پێویستە مافەکانی ژنان لە دەستوور و ئایندەی ژنان لە سووریای نوێدا دابنرێت.

13:24

سوهام شەنگالی، وتەبێژی تەڤگەری ژنانی ئێزدی ڕایگەیاند، هێرش بۆ سەر شەڕڤانانی یەکینەکانی بەرخۆدانی شەنگال، ئەو هەڕەشەیەی هاکان فیدان، وەزیری دەرەوەی تورکیا لە دژی شەنگال کردوویەتی، جیا نییە، یەکینەکانی بەرخۆدانی شەنگال هێزێکی شەرعییە بۆ پاراستنی گەلی ئێزدی.

12:52

ڕێکخراوی مافی مرۆڤی هەرانا بڵاویکردەوە، خوێندکارێکی تاران بە مەبەستی لێپرسینەوە لەلایەن هێزە ئەمنییەكانی ئێران دەستگیر کرا، ئەو ژنە بەهۆی ناڕەزایەتی دەربڕین دژی سزای لەسێدارەدانی پەخشان عەزیزی دەستگیر کراوە.

11:48

لەگەڵ بەردەوامبوونی بۆردوومان کە بەشێوەیەکی سیستماتیک خەڵکی مەدەنی لە کەرتی غەززە دەکاتە ئامانج، ژمارەی زیانبەرکەوتووانی غەززە بۆ زیاتر لە ٥٢ هەزار و ٢٤٣ کوژراو زیادی کرد، کە ٦٥٪یان منداڵ و ژن و کەسانی بەتەمەنن.

11:15

یەکگرتوویی کورد و جێگای ئەوان لە پرۆژەی ڕۆژهەڵاتی ناوەڕاستی دیموکراتیکدا، لە بانگەوازی ڕێبەری گەلی کورد عەبدوڵا ئۆجالان بۆ ئاشتی، کۆمەڵگەی دیموکراتیک بەرجەستە بوو.

10:49

ژنێکی مەسیحی دانیشتووی تاران بە ناوی نێرگز ناسری لەلایەن لقی ٣٦ی دادگای تێهەڵچوونەوە سزای ١٦ ساڵ زیندانیی و ١٥ ساڵ بێبەشکردنی لە مافە کۆمەڵایەتییەکان و سزای دارایی بە بڕی ٣٣٠ ملیۆن تمەنی بەسەردا سەپێندرا.

08:24

هێزەکانی پشتیوانی خێرا چەندین جار وێستگەکانی کارەبای لە ویلایەتەکانی وەک دەریای سوور، ڕووباری نیل، باکوور، خەرتوم، و بەنداوی مەروی کردووەتە ئامانج و ئازارەکانی هاوڵاتیانیان زیاتر کردووە.

14:56

بەشداربووانی سیمیناری گفتوگۆ کە لەلایەن کۆمەڵەی نور بۆ ژنان و خێزان و منداڵان ڕێکخرابوو، کۆک بوون لەسەر ئەوەی ئەگەر هەل بە ژنان بدرێت، ئەوا دەتوانن گۆڕانکارییەکی بەردەوام بەدەستبهێنن و کاریگەری ئەرێنی لەسەر کۆمەڵگە دروست بکەن.

14:40

بەپێی بڕیاری خۆبەڕێوەبەری باکوورو ڕۆژهەڵاتئ سووریا، ٧٦ خێزانی ئاوارەی کماپی هۆڵ کە خەڵکی ناوچەکانی باکوور و ڕۆژهەڵاتی سووریان، گەڕانەوە سەر ماڵ و حاڵی خۆیان.

14:16

ئەنجومەنی ژنانی سووریا کۆتایی هاتنی هەڵمەتی کۆکردنەوەی پارەی خۆی بۆ پشتیوانی لەو کەسانەی کە لە کەناراوەکانی سووریا زیانیان بەرکەوتووە، ڕاگەیاند.

13:49

لە ماوەی چارەکی یەکەمی ساڵی ٢٠٢٥دا، لە ئەنجامی شەڕی نێوان هێزەکانی ئیسرائیل و حەماس لە کەرتی غەززە، ١٥ ڕۆژنامەنووسی فەڵەستینی کوژراون و ١١ ڕۆژنامەنووسیش بریندار بوون و ماڵی ١٢ ڕۆژنامەنووس بە تەواوی وێران بوون.

13:00

ژمارەی کوژراوانی تەقینەوەکەی شاری بەندەر عەباسی ئێران بۆ ١٨ کەس بەرزبووەوە.

12:32

سالیحە ئایدەنیز و گولجان کاچماز سایگیت، ئەندامانی دەم پارتی، بەشدارییان لە کۆنفرانسی"یەکڕیزیی و یەکهەڵوێستی کوردیی لە ڕۆژئاوا" کردووە، جەختیان لەوە کردەوە کە یەکگرتوویی دەستکەوتە بەدەستهاتووەکان دەپارێزێت.

12:05

لە شاری میونشن چالاکییەک بەمەبەستی داواکردن لە دەوڵەتی ئێرانبۆ کۆتایی بە سزای لەسێدارەدان و هەڵوەشاندنەوەی ئەو سزایە بەڕێوەچوو کە بەسەر سێ چالاکوانی ژندا سەپێندراون.