ڕۆژانە

09:37

ئیلهام ئەحمەد، هاوسەرۆکی پەیوەندییەکانی دەرەوەی خۆبەڕێوەبەری باکوور و ڕۆژهەڵاتی سووریا بانگهێشت کرا بۆ بەشداریکردن لە کۆنفرانسی "ئاشتی نێودەوڵەتی و کۆمەڵگەی دیموکراتیک" کە بڕیارە لە ئەستەنبوڵ بەڕێوەبچێت.

08:00

ئەندامانی یەکێتی جوتیاران لە حەسەکە دووپاتی دەکەنەوە کە بڕینی ئاوی ڕووباری خابور توندوتیژییە بەرامبەر بە ژنان و سروشت و زەوی و ڕایانگەیاند کە ژنان پەیوەستن بە زەوی و کشتوکاڵەوە چونکە بە بەشێکی گرنگی ژیانی خۆیان دەیبینن.

07:29

بەهار مونزیر، چالاکوانی ژنان دەڵێت: لە ١٦ رۆژەی بەرەنگاربوونەوی توندتیژی دژی ژنان، کوشتن و توندوتیژی لەسەر ژنان ئەنجام دەدرێت، پێویستە بە پیکەوەیی ژنان و گەیاندنی دەنگمان بە نەتەوە یەکگرتووەکان ڕووبەرووی توندوتیژییەکان بۆستینەوە.

19:38

وەزارەتی کاروباری ژنانی ڕێکخراوی نەتەوە یەکگرتووەکان ڕاپۆرتێکی بڵاوکردەوە و ئاشکرای دەکات کە پچڕانی پەیوەندی و ئینتەرنێت لە ئەفغانستان دەرئەنجامی ترسناکی لەسەر ژیانی ژنان هەبووە، ئەمەش بووەتە هۆی بێبەشکردنی دەستڕاگەیشتن بە پشتیوانی و داهات و خوێندن.

19:27

ماڵپەڕی دەنگی دەستبەسەرکراوانی کورد و ئێرانی ڕاپۆرتێکی بڵاو کردەوە کە بڕیارە نوێیەکانی دادگای دژ بە دەستبەسەرکراوانی کورد و ئێرانی ئاشکرا کرد کە لە نێویاندا سزای سێ ساڵ زیندانی بۆ شیدا عەزیزی هاوڵاتی شاری سنە.

14:47

بە بەشداری ١٠٠ گەنج و لە چوارچێوەی چوار پانێڵ، کۆنفرانسی بە دروشمی " “بە گەنجی ڕێکخراو، سۆسیالیزمی دیموکراتیک سەردەکەوێت" بەڕیوەچوو، لە کۆتاییدا ئەنجامنامە خرایەڕوو.

14:38

لە شاری سنەی ڕۆژهەڵاتی کوردستان ژنێک سزای زیندان بۆ بڕایەوە و دوو زیندانی دیکەی ژن لە زیندانی ئێڤین لە چارەسەری و دەرمان بێبەشکراون.

13:00

بەپێی ڕاپۆرتی ڕێکخراوی مافی مرۆڤی ئێران، لە سەرەتای ئەمساڵەوە تا ئێستا ٤٤ ژن لە ڕۆژهەڵاتی کوردستان و ئێران لەسێدارە دراون و هەروەها، ژنانی زیندانی سیاسیی لە هەلومەرجێکی دوور لە ستانداردە مرۆیی و یاساییەکاندا ڕاگیراون.

12:50

دوابەدوای شۆڕشی "ژن، ژیان، ئازادی"، شوێنی دیجیتاڵی بووەتە گۆڕەپانێکی نوێ بۆ توندوتیژی سیستماتیکی دژ بە ژنان، هەڕەشە و هاککردن چڕتر بووەتەوە و بەکارهێنانی ساختە بەربڵاو بووە، دەزگا ئاسایشییەکان و گروپە پیاوسالارەکان ئەم ئاماژانە دەقۆزنەوە بۆ بەئامانجگرتن.

11:48

ئازادکردنی شەش زیندانی کە چواریان ژنن، کە بڕیار بوو دوێنێ ٢٨ی تسرینی دووەم لە زیندانەکانی باکرکۆی، بۆلو و سیلیڤری ئازاد بکرێن، لەلایەن دەستەی کارگێڕی و چاودێرییەوە دواخرا.

11:46

هونەر ڕۆحی کۆمەڵگە و جوانیناسی ئازادییە، ناسنامە دەپارێزێت و شکۆمەندی مرۆڤ دەگەڕێنێتەوە و بەرخۆدان قووڵتر و بەردەوامتر دەکات، لە ڕێگەی ئەزمون و بەرهەمەکانی فێستیڤاڵی نێودەوڵەتی فیلمی ڕۆژئاوا، ڕوون دەبێتەوە کە چۆن کولتوور دەگۆڕێت بۆ پایەیەکی بنەڕەتی.

11:35

گەنجانی باشووری کوردستان، کۆنفڕانسێک لە گۆشە نیگای گەنجانەوە، سەبارەت بە هەڵسەنگاندن و خستنەڕووی چارەسەر بۆ ئەو کێشانەی ئێستا دووچاری گەنجان بۆتەوە، بە ئامادەبوونی گەنجانی باشووری کوردستان، بەڕێوەدەبات.

11:26

فەلەک یوسف، هاوسەرۆکی دەستەی کاروباری کۆمەڵایەتی لە خۆبەڕێوبەری، هۆشداریدا لە کەمکردنەوەی ڕێککەوتنی مانگی ئادار بۆ تەنها ڕەهەندی سەربازی خۆی، پشتگوێخستنی بڕگە بناغەیەکانی پەیوەست بە مافەکان و بونیادنانی سیستەمێکی دیموکراتیکی ناناوەندی.

08:07

پرۆفیسۆر لاورا کۆرادی، کۆمەڵناس و ئیکۆفێمینیست ڕایگەیاند کە تەڤگەری ژنانی کورد ڕێگە خۆشکەر دەبێت بۆ تێکۆشانی ژنانی فێمینیست و وتی: ژنان هێشتا مەترسیی هەموو جۆرە توندوتیژییەکیان لەسەرە؛ تاکە شتێک کە گۆڕاوە ئەوەیە کە هۆشیاری زیادی کردووە.

08:02

پێنج ڕێکخراوی ژنان لەگەڵ تەژەئا ڕایانگەیاند کە بۆ لێکۆڵینەوە سەبارەت بە گیان لەدەسددانی گوماناوی دیلان قارەمان، کۆمیسیۆنێکی لێکۆڵینەوەیان پێکهێنا.

07:53

نێرگس محەمەدی، چالاکوانی مافی مرۆڤ و براوەی خەڵاتی نۆبڵ بۆ ئاشتی ڕایگەیاند، کاتێک داوای پاسپۆرتی کردووە بۆ سەردانکردنی منداڵەکانی، ڕووبەڕووی "قەدەغەکردنی گەشتی هەمیشەیی" بووەتەوە لەلایەن دەسەڵاتدارانی ئێرانەوە .

07:43

ئەڤین ئیبراهیم،هاوسەرۆکی یەکێتی ڕاگەیاندنی ئازاد "یەرەئە"ڕایگەیاند، کە ڕۆژنامەگەری ژنان ڕۆڵێکی گەورەی هەبووە لە ڕاپۆرتکردنی ڕاپەڕین و شۆڕش و ئازارەکانی هاوڵاتیان و ژنان و ڕۆژنامەگەری کردووە بە ئامرازێک بۆ چارەسەرکردنی پرسە قووڵە کۆمەڵایەتییەکان.

07:36

لە بەغدا هاوکات لەگەڵ هەڵمەتی نێودەوڵەتی "١٦ ڕۆژ چالاکیی بەرەنگاربوونەوەی توندوتیژی دژی ژنان".خۆپیشاندانێکی ناڕەزایەتی دەستیپێکرد، کە لەلایەن هاوپەیمانی نادا بە بەشداری ژمارەیەک ڕێکخراو و تۆڕی ژنانی ناوخۆیی و ناوچەیی ڕێکخرابوو.

07:27

حەبیبە بابان، یەکەم ڕۆژنامەنووس و پیشکەشکاری ژن لە دەڤەری ڕاپەرین دەڵێت: کولتووری پیاوسالاری یەکنەرتوویی ئاستەنگی سەرەکین لەبەردەم میدیاکارانی ژن لە ڕاپەڕین، هەروەها ئێستا ژنان بە کاری هونەری و کامێرامانیشەوە لە میدیادا ڕۆڵ دەبینن.

11:45

کەسێک کە دوای کوشتنی هاوژینەکەی چووەتە دەرەوەی عێراق، دواتر گەڕاوەتەوە کەرکوک و ویستوویەتی لەوی خۆی حەشار بدات لەلایەن پۆلیسەوە دەستگیرکراو رادەستی پۆلیسی هەولێر کرایەوە.