ڕۆژانە

08:18

ئێمە داوای لێپرسینەوە لە کوشتنەکان دەکەین، خۆمان دەبینە داواکاری گشتی و بکوژەکان ئاشکرا دەکەین. بێگومان توندوتیژی لە ساتێک یان ڕۆژێکدا سنووردار نییە، بۆیە پێویستە بەردەوام بین لە خەبات و بەو ڕۆحەوە مامەڵە بکەین، تا هەست بە ژیان و ژینگەیەکی ئارام دەکەین.

07:42

خالیدە تورکۆغڵو، وتەبێژی ئەنجومەنی ژنانی دەم پارتی لە پانێڵی "گفتوگۆ لەسەر بونیادنانی ئاشتی کۆمەڵایەتی بە پێشەنگایەتی ژنان دەکەین" وتی: دیموکراتیزەکردنی ئەم وڵاتە لە چارەسەرکردنی پرسی کوردەوە دەستپێدەکات.

07:27

لە کۆیە بە ناونیشانی "کۆیە: شاری مەعریفەت و شارستانییەت لە نێوان دوێنێ و ئەمڕۆدا" دیدارێکی زانستی بەڕوەچوو تێیدا باس لە پەراویزخستنی ژنان و مۆسیقاو گۆرانی کوردی کرا.

14:32

پێشانگایەکی بازرگانی نێودەوڵەتی بۆ ژنان لە کابولی پایتەختی ئەفغانستان بەڕێوەچوو کە چالاکوانان و خاوەنکاران بەشدارییان تێدا کرد، شوێنی فراوان بۆ ژنان تەرخانکرا بۆ نمایشکردنی بەرهەمە جۆراوجۆجیاوازەکانیان و تیشک خستنە سەر ڕۆڵی ئابوورییان.

14:11

بۆ خولی شەشەمی پەرلەمانی عێراق ٨٤ ژن دەرچوون و ٢٥ ژن بە دەنگی خۆیان سەركەوتن، واتە بەبێ سیستمی کۆتا کە ٢٥٪ە دەنگی پیویستیان بەدەستهێناوە.

13:47

تۆڕی پزیشکانی سودان بڵاویکردەوە، لە ماوەی یەک مانگدا ٢٣ منداڵ لە شارۆچکەکانی دەلنج و کادوقلی لە پارێزگای کۆردۆفانی باشوور بەهۆی بەدخۆراکی توندەوە گیانیان لەدەستداوە.

12:14

خەنسا موجاهید، دیزاینەرو چالاکوانی تۆڕە کۆمەڵایەتییەکان لە لیبیا، لە ئۆتۆمبیلەکەیدا لە ناوچەی سیراج لە ڕۆژئاوای تەرابلوسی پایتەخت، لەلایەن چەند چەکدارێکی نەناسراوەوە کوژرا، ئەمەش کاردانەوەی فراوانی لێکەوتەوە.

10:38

لە جەزائیر چالاکییە سەرەتاییەکان بۆ هەڵمەتی "١٦ ڕۆژ چالاکیی دژی توندوتیژی ڕەگەزی" دەستیپێکردووە، ئەم هەڵمەتە کە لەلایەن ڕێکخراوی لێبوردنی نێودەوڵەتییەوە ڕێکخرابوو، گەنجان و کۆمەڵگەی مەدەنی بەشێوەیەکی فراوان بەشدارن.

10:18

ماجیدە حەسون، سەرۆکی دەستەی ژنان لە ناوچەی فورات، هۆشداری دا لە بەرزبوونەوەی ڕێژەی توندوتیژی لە سووریا کە گەیشتووەتە ئاستێکی مەترسیدار و جەختی لەوە کردەوە کە ژنانی سووریا خەباتی هاوبەشی خۆیان لە دژی ئەم راستییە چڕتر کردووەتەوە.

08:40

لە چوارچێوەی دەستپێکردنی تەڤگەری ئازادی ژنانی ئیزدی "تاژێ" بۆ ٢٥ی تشرینی دووەم، یەکێتی ژنانی گەنجی ئێزیدی لە شەنگال سیمینارێکی تایبەت بە توندوتیژی دژی ژنان و خەباتی ژنان سازکرد.

08:00

لە شاری فرانکفۆرتی ئەڵمانیا، ژنانی گەنج بە بانگەوازی ژنانی گەنجی تێکۆشەر "تەکۆژن" لە گۆڕەپانی ڕاتناوپلاتز - Rathenauplatzê کۆبوونەوە و بە چالاکییەک کوشتن و توندوتیژییەکانی سەر ژنانیان شەرمەزار کرد.

07:38

لە بناری قەندیل ژنان نموونەی خۆبەڕێوەبەری بەرجەستە دەکەن و سەروین جەلال، بەڕێوەبەری ئەنجومەنی ژنانی قەندیل دەڵێت: لە قەندیل توندوتیژی دژ بە ژنان زۆر کەمە.

14:53

بەرگری شارستانی لە کەرتی غەززە لە ئەنجامی تۆپبارانەکانی ئیسرائیل کە بەشی باشووری کەرتی غەززەی کردە ئامانج ، کوژرانی پێنج کەسی ڕاگەیاند، ژمارەی کوژراوان لە ٢٤ کاتژمێری ڕابردوو گەیشتە ٣٢ کەس کە ١٢ منداڵ و ٨ ژن و زیاتر لە ٨٨ بریندار بوون.

13:48

ژنانی یەمەن بە تامەزرۆییەوە پێشبینی لوتکەی هەشتەمین ژنان دەکەن، کە سەکۆیەکی سەرەکییە بۆ داکۆکیکردن و مافەکانی مرۆڤ کە باس لە پرسەکانی ئاشتی، ئابووری، دادپەروەری و کەشوهەوا دەکات.

10:16

لەماوەی دەسەڵاتی هەتەشە لە سووریا ٧٥١ ژن لە ناوچەکانی ژێر دەسەڵاتی ئەودا کوژراون، ڕفێنراون یان بێسەروشوێنکراون.

09:10

نەخۆشخانەی مانگی سوری کورد لە پارکی ئەدادی شاری قامیشلۆ پێشانگایەکی خێرخوازی سازکرد.

08:57

ڕێکخراوی تەندروستی جیهانی"WHO" لە راپۆرتێکی نوێیدا ئاشکرای کردووە کە توندوتیژی دژی ژنان لە هەموو جیهان گەیشتووەتە بەرزترین ئاستی مێژوویی.

08:46

پێنجەمین فێستیڤاڵی نێودەوڵەتی فیلمی ڕۆژئاوا کە بە دروشمی "چیرۆکی هاوبەش، سینەمای ئازاد" بەڕێوەچوو، لە هەشتەمین ڕۆژی خۆیدا کۆتایی هات.

08:22

کژار بەبۆنەی ٢٥ی تشرینی دووەم، ڕۆژی جیهانی بەرەنگاربوونەوەی توندوتیژیی دژی ژنان، ڕاگەیەندراوێكی بڵاوکردەوە، کژار ئازادیی ژنان بە پێشمەرجی دیموکراسی دادەنێت و دەڵێت: سەدەی ٢١، سەدەی ئازادیی ژنە.

16:51

لە سلێمانی پلاتفۆرمی بۆنە هاوبەشەکان لە هەرێمی کوردستان، بە دروشمی"پێکەوە کۆمەڵگەیەکی دیموکراسی و کۆمەڵایەتی بنیات دەنێین بۆ کۆتاییهێنان بە توندوتیژی" ئەنجامدراو تێیدا جەخت لە دانان و پەسەند کردنی یاسایەکی تایبەت بە توندوتیژی تەکنەلۆژیا دژ بە ژن کرایەوە.