ڕۆژانە

15:06

لە کاتی گەڕان بە دوای دومەڵاندا، ٢٢ کەس بەهۆی تەقینەوەی مینی چێندراو لە ناوچەکانی ڕۆژهەڵاتی گوندەکانی ڕەققە لە باکوور و ڕۆژهەڵاتی سووریا گیانیان لەدەستدا و بریندار بوون، کە زۆربەیان ژن و منداڵ بوون.

14:26

دونیا ئەبو تالیب، یاریزانی سعودی، دوای سەرکەوتنەکەی لە کاتی پاڵاوتنەکانی ئاسیادا، بلیتی پاڵاوتنی ڕاستەوخۆی بۆ ئۆڵۆمپیادی پاریس ٢٠٢٤ بەدەستهێنا.

13:17

سارا کایا، هاوسەرۆکی پێشووی شارەوانی نسێبین، کە پارێزگارێکی دەستنیشانکراو جێگەی گرتەوە و لە ساڵی ٢٠١٧ەوە زیندانی کراوە، هەرچەندە سزاکەی کۆتایی هاتووە، تا ئێستا ئازاد نەکراوە. نوێنەری دەم پارتیش دەڵێت: دادگا بە هەستی تۆڵەسەندنەوە مامەڵە دەکات.

12:39

لە سەرتاسەری ناوچەکانی باکوور و ڕۆژهەڵاتی سووریا، بۆ ساڵیادی ئەو کەسانەی لە کۆمەڵکوژی هەڵەبجەدا گیانیان لەدەستداوە بۆ ماوەی ٥ خولەک ژیان وەستێنرا.

11:21

لە چوارچێوەی چالاکییەکانی ٣٦ەمین ساڵیادی کیمیابارانی هەڵەبجەدا ڕێکخراوی نوێ بە هاوکاری ڕێکخراوی وادی پەردەیان لەسەر چوار تابلۆی گەشتیاری، کە لە چەند شوێنێکی جیاوازی شاری هەڵەبجە دانراون، لادا.

10:55

ئەمڕۆ لە شاری هەڵەبجە بە بەشداری کەسوکاری شەهیدان و حزب و لایەنەکان، ٣٦ەمین کارەساتی کیمیابارانکردنی هەڵەبجە بەرز ڕاگیرا.

10:44

سەرەڕای بارودۆخی ئەمنی و داخستنی ڕێگاوبانەکان، مەراسیمی نەورۆز لە شاری داشتمەری مهاباد بە ئامادەبوونی لانیکەم ٢٠ هەزار کەس و ژنانی دەست بە مەشخەڵ بەڕێوەچوو.

10:08

نەورۆزی ٢٧٢٤ی کوردی وەکو هەموو ساڵێک لە قەندیل بە ئاهەنگ و فێستیڤاڵ بەڕێوەدەچێت، ئەندامێکی کۆمیتەی ئامادەکاری ئاهەنگی نەورۆز باس لە ئامادەکارییەکان دەکات و دەڵێت: ئەرکی ئێمەیە لە هەر دۆخێکدا بێت نەورۆز پیرۆز بکەین.

09:29

ژمارەی ئەو کەسانەی بەهۆی نوقمبوونی بەلەمێکی لاستیکییەوە لە دەریای ئیجە گیانیان لەدەستداوە بۆ ٢٢ کەس بەرزبووەوە، کە ٧یان منداڵن، پاسەوانی کەناراوەکانیش بەردەوامە لە گەڕان بەدوای ڕزگاربوواندا.

09:18

دەم پارتی بەبۆنەی نزیکبوونەوەی ٢١ی ئادار، جەژنی نەورۆزدا، گرتەیەکی ڤیدیۆیی دەربارەی مێژووی کورد بە تێبینی "ئێمە کێین، لە کوێوە دێین و بەرەو کوێ دەڕۆین؟" تکایە با سەیری مێژووی خۆمان بکەین" بڵاوی کردەوە.

08:34

سەرەڕای هەوڵەکانی حکومەت بۆ دروستکردنی دووبەرەکی و ناکۆکی لە نێوان تورک و کورد و ڕێگریکردن لە مەراسیمە نەریتییەکان، ئاهەنگی نەورۆز لە میاندووئاو بە شکۆمەندی تایبەتەوە بەڕێوەچوو.

07:58

دوێنێ لە شاری هەڵەبجە ناساندن بۆ پەرتوکی "هەڵەبجەییەکانیش ئەنفالکران، پزیشکە میسریەکە لە نوگرەسەلمانەوە بۆ هەڵەبجە" لە نووسینی گوڵاڵەی گەرمیان کرا.

14:56

ئەندامانی تەژەئە، دەبەپە، دایکانی ئاشتی، ئانیاکایندەر، دەم پارتی سەردانی گۆڕی زەکیە ئەلکانیان کرد کە لە ٢١ی ئاداری ١٩٩٠ لە سوری ئامەد ئاگری لە جەستەی خۆی بەردا.

14:47

ڕژاک بۆ ٣٦ ساڵەی کیمیابارانی هەڵەبجە ڕایگەیاند، تەنها تاوانی خەڵکی هەڵەبجە ئەوە بوو کە کورد بوون، تا ئێستاش برینەکانی ئەو کارەساتە لەلای هاوڵاتییان ساڕێژنەبوون.

14:41

٦٣٦ فێمینیست لە ڕاگەیەندراوێکدا بە واژۆ پشتیوانی لە گوڵتان کشاناک، کاندیدی شارەوانی ئەنقەرەی دەم پارتی دەکەن و دەڵێن: گوڵتان کشاناک کاندیدی ئێمەشە.

13:57

لە کەناراوەکانی چاناکاڵە، بەلەمێکی لاستیکی کە پەنابەری تێدابوو، ژێرئاو کەوت و بەهۆیەوە ١٦ پەنابەر کە چوار منداڵیان تێدایە گیانیان لەدەستدا.

13:03

٣٦ ساڵەی کۆمەڵکوژی هەڵەبجە لە کامپی پەنابەرانی شەهید ڕۆستەم جودی "مەخمور" بەبیرهێندرایەوە.

12:00

٦٠ کۆچبەر کە ویستوویانە لە کەناراوەکانی لیبیاوە بەرەو ئیتاڵیا بڕۆن، بەهۆی تێکچوونی بەلەمەکەیان و مانەوە لەناو دەریادا گیانیان لەدەستدا.

10:15

بوراک ئەرجان، کاتێک جێگری بەڕێوەبەری قوتابخانەیەک بوو لە جزیرەی بۆتان، دەستدرێژی کردبووە سەر ٤٣ منداڵ و لەلایەن دادگای باڵاوە دەستگیرکرا.

10:01

لە گەڕەکی مام قاسمی قەڵادزێ، ماڵێک ئاگری گرت و بەهۆیەوە ژنێک گیانی لەدەستدا.