ناوەندی هەواڵ

 

ئەو نامەیە، کە لەلایەن جێگری نەهێشتنی تاوانەوە لە دەسەڵاتی دادوەری لە پارێزگای مەزەندەرانی ئێران دەرچووە، لە تویتەرەوە لەلایەن ڕۆژنامەنووسێکی تەندروستی و پزیشکی مەهدیار سەعیدیان دزەکراوە.

لە نامەکەدا هاتووە، "یەکێک لە ڕێگاکانی ڕێگریکردن لە لەباربردنی منداڵ... بە گرێدانی تاقیگە و ناوەندە کلینیکیەکانە بۆ ناساندنی دایکان کە ئەنجامی تاقیکردنەوەی دووگیانی ئەرێنییان هەیە".

لە تۆڕە کۆمەڵایەتییەکاندا ژنان بە دەربڕینی ناڕەزایی بەرامبەر ئەو نامەیە کاردانەوەیان پیشانداوە کە دەڵێن هەوڵێکە بۆ کۆنترۆڵکردنی جەستەیان.

بەکارهێنەرێکی تویتەر نوسیویەتی: "وابزانم ئێمە لە چیرۆکی بەخشندەکان دوور کەوینەوە پاراستنی تایبەتمەندی نەخۆشەکان بێ مانایە".

 

لەئێران لەباربردن نایاساییە مەگەر ئەوەی بەڵگەی ئەوە هەبێت کە لەدایکبوون ژیانی دایک یان منداڵ دەخاتە مەترسییەوە، یان پشکنینی سکرینی دووگیانی دەری دەخەن کە منداڵەکە کەمئەندامیی جەستەیی یان دەروونی جدی دەبێت، ئەم یاسایە تەنها بۆ ژنی دووگیان کە هاوسەرگیری یاساییان هەیە جێبەجێ دەکرێت، ئەو ژنانەی کە لە دەرەوەی هاوسەرگیری دووگیان دەبن هیچ بژاردەی یاساییان نییە بۆ لەباربردن، لە ئێران بەپێی هەواڵێکی ئاژانسی هەواڵی نیمچە ڕەسمی تەسنیم، ساڵانە نزیکەی ٩ هەزار لەباربردنی یاسایی لەئێران ئەنجامدەدرێت، ئەو وڵاتەی کە ٨٢ ملیۆن کەسە، ساڵانە زیاتر لە ٣٠٠ هەزار لەباربردنی نایاسایی لەوێ ئەنجام دەدرێت.