ڕۆژانە

15:40

عەریفە بەکر، ئەندامی دەستەی پێشەنگایەتی ئەنجومەنی ژنانی سووریا جەختی لەوە کردەوە کە ئامانجی ئەو هێرشانەی کە شاری سوەیدای سووریایان کردۆتە ئامانج، سڕینەوەی کولتووری هەمەچەشن و فرەیی وڵاتەکەیە.

15:23

لە ساڵڕۆژی ڕاگەیاندنی دادگای تاوانی نێودەوڵەتی چەند داواكارییەك خرایەڕوو، باخان عەبدولڕەحمان، پارێزەر لە کۆمەڵەی قوربانیان وتی: لە ساڵیادی پەیماننامەی ڕۆمادا مەبەستمانە هۆکاری دەستلەکار کێشانەوەی عێراق بخەینە ڕوو.

14:22

ڕێبەری گەلی کورد عەبدوڵا ئۆجالان پەیامێکی بۆ کۆنفرانسی ڕۆشنگەریی شنگال نارد و وتی: بە پڕۆسەی ئاشتی و کۆمەڵگەی دیموکراتیک، ئیتر فەرمان بەسەر ئێزدییەکاندا نایەت، ئیتر فەرمان کۆتایی هات.

14:06

فیدراسیۆنی ڕێکخراوەکانی کۆمەڵگەی مەدەنیی بڵاویکردەوە: ئێمە وەکوو فیدراسیۆنی ڕێکخراوەکانی کۆمەڵگەی مەدەنی، بە نیگەرانییەکی قووڵەوە چاودێریی ئەو دۆخە مەترسیدار و پڕ لە پێشێلکارییە دەکەین، کە هەرێمی کوردستانی گرتووەتەوە.

13:29

مەهواش "سایە" سیدال،زیندانی سیاسی کە لە زیندانی قەرچەک ڕاگیراوە، نیگەرانی خۆی دەربڕی سەبارەت بەو دەستدرێژییە دەروونی و جەستەییانەی کە لە ماوەی ٦ مانگی ڕابردوودا پەخشان عەزیزی، چالاکوان ڕووبەڕووی بووەتەوە.

13:15

کاسرین ڕاسیل، بەڕێوبەری جێبەجێکاری یونیسێف هێرشەکانی ئەم دواییەی بارا لە پارێزگای کۆردۆفانی باکووری شەرمەزار کرد کە ژیانی سەدان کەسی کوشت، لەنێویاندا منداڵ و ژن، ئەوان نوێنەرایەتی پەرەسەندنێکی ترسناکی توندوتیژی و بێبایەخکردنی ژیان دەکەن.

12:21

ئەنجومەنی دادوەری تلمسان بڵاویکردەوە، ئەو ئاگرەی بووە هۆی گیانلەدەستدانی خێزانێکی ٦ کەسی لە گوندی بەنی سامیل ڕووداوێک نەبووەو لە لێکۆڵینەوەکان دەرکەوتووە، پێش ئەوەی بە ئەنقەست ئاگر لە ماڵەکە بەربدرێت، قوربانییەکان بەر چەقۆ دراون.

11:08

ژنان لە باکوور و ڕۆژهەڵاتی سووریا دووپاتیان کردەوە کە ئەو ململانێی تائیفی و کۆمەڵکوژییانەی لەم دواییانەدا بەرامبەر پێکهاتەکانی سووریا ئەنجامدراون، کاری هێزە شاراوەکانە کە هەوڵدەدەن ڕێڕەوی سووریا بگۆڕن و وڵاتەکە بکێشنە ناو شەڕێکی تائیفی.

10:40

لە خاکێکدا کە شەڕ و هەژاری مرۆڤ ناچار دەکات ئاوارە بێت،کۆچکردن دەبێتە هەڵبژاردەیەکی تاڵ و زۆرەملێ بۆ مانەوە، شەکیلە محەمەدی، دایکی چوار منداڵە، ئازارەکانی لە گەشتە نەخوازراوەکەیدا بۆ ئێران و ئەو هەڵاواردن و پەراوێزخستنەی کە لەوێ ڕووبەڕووی بووەتەوە باسکرد.

09:04

ژنانی کۆبانێ کە لە سەرەتای خەباتی ئازادی گەلی کورد میوانداری ڕێبەری گەلی کورد عەبدوڵا ئۆجالانیان کرد. سەبارەت بە پڕۆسەی ئاشتی و کۆمەڵگەی دیموکراتیک، ڕایانگەیاند کە باوەڕیان بە هێز و هەڵوێستی هەیەو ماڵی ڕێبەری گەلی کورد لە گوندی ئەلپەلور چاوەڕێی دەکات.

08:55

بەرەبەیانی ئەمڕۆ لە پارێزگای كوت ئاگر لە هایپەرماركێتێك كەوتەوە، بەهۆیەوە ٥٠ كەس گیانیان لەدەستدا و دەیان كەسی دیكەش برینداربوون.

14:51

کۆنگرەی ستار لە گرژییەکانی شاری سوەیدا هێزەکانی دەسەڵاتی کاتی دیمەشق بە بەرپرسیار دەزانێت و دەڵێت: داوا لە کۆمەڵگەی نێودەوڵەتی دەکەین هەنگاوی بەپەلە و بگرنەبەر بۆ فشار خستنە سەر لایەنە بەرپرسەکان.

14:38

سۆهر دەڵێت ژمارەی ئەو کەسانەی لە پێکدادانەکانی سوەیدا گیانیان لەدەستداوە گەیشتووەتە ٢٤٨ کەس.

14:21

لەگەڵ زیادبوونی دوژمنایەتی بەرامبەر بە پەنابەرانی ئەفغانی و دیپۆرتکردنەوەیان، هەواڵی دیارنەمانی منداڵێکی کچی تەمەن ١٥ ساڵانی ئەفغانی نیگەرانییەکانی پەنابەرانی ئەفغانی لە ئێراندا دروستکردووە.

13:36

لەگەڵ پەرەسەندنی توندوتیژییەکان لە شاری سوەیدای سووریا، لە کاتژمێرەکانی سەرەتای بەیانییەوە هاوڵاتیانی مەدەنی تووشی شەپۆلێکی بێ جیاوازی هاوەن و تۆپخانە بوون، لە ئەنجامدا ماڵەکان زیانیان بەرکەوت و هاوڵاتیانی مەدەنی برینداربوون.

13:18

ڕاگەیەندرا کە خوێندکارێکی ئەفغانی لێکۆڵینەوەی مەیدانی سەربەخۆ لەسەر بارودۆخی کۆچبەرانی ئەفغانی لە شارۆچکەی سنووری تەیباد ئەنجام دەدات، هێزە ئاسایشییەکانی سەر بە وەزارەتی ئیتلاعات، سارا جوهەری، هاوڵاتی ئەفغانییان دەستگیرکرد و بردیانە شوێنێکی نادیار.

12:49

لە میانەی ئاهەنگی فەرمی ڕۆژی نیشتمانی منداڵان، سوریە مولوجی، وەزیری هاوپشتی نیشتمانی و خێزان و کاروباری ژنان، جەختی لە پێویستی هەوڵی هاوبەشی فەرمی و کۆمەڵایەتی کردەوە بۆ دەستەبەرکردنی ژینگەیەکی سەلامەت و هاندەر بۆ گەشەکردنی منداڵان.

12:15

بەهۆی تەقینەوەی مینێکی چێندراو لە شارۆچکەی حەیش لە باشووری گوندی ئیدلب، دوو منداڵی یەک خێزان گیانیان لەدەستدا و دوو منداڵی دیکەش برینداربوون.

10:46

کۆمین لە ناوچەکانی باکوور و ڕۆژهەڵاتی سووریا ڕۆڵێکی گرنگی هەیە لە یەکخستنی کۆمەڵگەدا، ئەرکە سەرەکییەکەی پاراستنی یەکگرتوویی نێوان گەلان و پێکهاتەکانە.

10:10

لەگەڵ بەردەوامی قەدەغەکردنی خوێندنی ژنان لە ئەفغانستان، ئێران لە ڕێگەی ڕاگرتنی بە ئەنقەستی ڤیزەی خوێندکارانەوە بووەتە هاوبەشێکی بێدەنگ لە سەرکوتی پەروەردەیی تاڵیبان.