ڕۆژانە

13:48

ژنانی زۆرانبازی ئێرانی لە بەشی ساندا و تالو لە پێشبڕکێی جیهانی بە میوانداری بەرازیل توانیان چوار مەدالیای زێڕ بەدەستبهێنن.

12:06

ڕوکسەن محەمەد، وتەبێژی یەپەژە باسی لە ئۆپەراسیۆنی مرۆیی و ئەمنی کرد کە لە کامپی هۆل دەستیپێکردووە و ڕایگەیاند، داعش لە هەوڵی چالاککردنی هۆشیاری خۆیدایە لە ناوچەکە و ئەم مەترسییە بۆ سەر هەموو سووریایە.

11:54

بەڕێوەبەرایەتی ئاسایشی شارەزوور ئەو تۆمەتبارەی دەستگیرکرد کە شەوی ڕابردوو ٦ی ئەیلوول، لەپارێزگای هەڵەبجە بەهۆکاری کێشەی کۆمەڵایەتی هاوژین و کچەکەی خۆی کوشت و دوای ڕووداوەکە هەڵات.

11:27

لەگەڵ بونیادنانی تەڤگەری ژنانی کورد لە ساڵانی نەوەدەکاندا، وەک هێزێکی چالاک و گۆڕانکاری لە کایە کۆمەڵایەتی و سیاسییەکاندا، دروشمی "ژن ژیان ئازادی" بوو بە بنەمایەکی ناوەندی خەباتی ژنان.

09:21

ژنانی شاری عەفرین ئاماژەیان بەوەکرد، ئیدارەی کاتی سووریا ڕێککەوتنی ١٠ی ئادار جێبەجێ ناکات، دەیانەوێت بە سەلامەتی و بە کەرامەتەوە بگەڕێنەوە بۆ عەفرین.

20:33

لە هەڵەبجە تەرمی دوو ژن کە کوژراون گەیەندرانە نەخۆشخانە، بەپێی زانیارییەکان دایک و کچن.

15:11

بە پێی ئاماری مانگی ئابی ژن نیوز، ٢٨ ژن و ٥ منداڵ لە باکووری کوردستان و تورکیا کوژراون، ٢٥ ژن و منداڵیش بە شێوەیەکی گوماناوی گیانیان لەدەستداوە.

14:33

نێرگس محەمەدی، چالاکوانی مافی ژنان نامەیەکی ئاراستەی نێردەی تایبەتی نەتەوە یەکگرتووەکان بۆ مافەکانی مرۆڤ لە ئێران کرد و ناڕەزایەتی دەربڕی بەرامبەر بە دەرکردنی سزایی توندی دیسپلینیی دژ بە مامۆستایان و چالاکوانی ناوەند دەربڕی.

14:02

ژمارەیەک لە ژنانی ڕۆژنامەنووس توڕەیی خۆیان لە بەئامانجکردنی ڕاستەوخۆی ڕۆژنامەنووسان لە غەززە دەربڕی و بێدەنگی تێکدەرانەی نێودەوڵەتییان سەبارەت بە تاوان و کۆمەڵکوژییەکانی دژی فەڵەستینییەکان شەرمەزار کرد.

13:42

دیوانی ئەدەبی لە باکوور و ڕۆژهەڵاتی سووریا پلاتفۆرمێکی سەرەکی کولتوورییە کە ئەزمونە داهێنەرەکان لە باوەش دەگرێت و میراسی دەوڵەمەندی ناوچەکە بەڵگە دەکات، بە ئامانجی پاراستنی میراسی ئەدەبی و گۆڕینی بە ڕۆحێکی نوێ بۆ نەوەکانی داهاتوو.

12:57

شاندێکی ژنانی هەرێمی باکوور و ڕۆژهەڵاتی سووریا گەیشتنە ئەورووپا و لەگەڵ ڕێکخراوەکانی ژنان و گرووپەکانی مافی مرۆڤ و پەرلەمانتارانی ئەورووپا کۆدەبنەوە بۆ تاوتوێکردنی بارودۆخی سووریا و پرسەکانی ژنان و بەرژەوەندییە هاوبەشەکان.

12:45

بەگوێرەی ڕۆژنامەی "تێلەگراف"ی بەریتانی، لەدوای ئەو بوومەلەرزە بەهێزەی ڕۆژهەڵاتی ئەفغانستان، سەدان ژنی ئەفغانی گیانیان لەدەستدا، بەهۆی سنووردارکردنی توندی تاڵیبانەوە کە بووەتە هۆی ئاڵەنگاری بۆ هەوڵەکانی ڕزگارکردن و چارەسەرکردن لە کاتی خۆیدا.

11:46

لەگەڵ پشتڕاستکردنەوەی سزای لەسێدارەدان بەسەر زیندانییە سیاسییە ژنەکاندا، ژنان توڕەیی خۆیان دەربڕی و جەختیان لەوە کردەوە، کە درێژەدان بە خەبات تاکە ڕێگایە بۆ پاراستنی میراسی پەخشان عەزیزی، شەریفە محەمەدی، وریشە مورادی و ئەوانی دیکە.

11:28

فەرمانبەرێکی ژن لە بەشی یاسای بەڕێوبەرایەتی تەندروستی سلێمانی وەک فەرمانبەرێکی نموونەیی خەڵاتی پێبەخشرا.

10:46

بە بەشداریی هێزەکانی ئاسایشی ناوخۆ، قەسەدە، یەپەژە و هاوپەیمانی نێودەوڵەتی، ئۆپەراسیۆنی ئەمنیی دژی شانە نووستووەکانی چەتەکانی داعش لە دووەم ڕۆژدا لە کامپی هۆلی ڕۆژئاوای کوردستان بەردەوامە.

10:25

بەرگریی شارستانیی زاخۆ بڵاویکردەوە، بەیانی ئەمڕۆ ئاگر لە کامپی بێرسڤێ لە سنووری ئیدارەی سەربەخۆی زاخۆ و بەهۆیەوە سێ چادر سووتاون، ئاوارەکانی شنگال لە کامپەکەدا نیشتەجێن.

09:46

نوخشە ناسح، پارێزگاری هەڵەبجە، وەک یەکەمین ژنی پارێزگار لەسەر ئاستی عێراق و کوردستان، خەڵاتی ڕێزلێنانی پێبەخشرا.

09:34

ڕێکخراوەکانی مافی مرۆڤ و یاساییەکان لە ڕاپۆرتەکانیاندا کە دەربارەی مافی زیندانیان لە گرتووخانەکانی تورکیادا تۆماریان کردووە ئاماژەیان بەوەدا؛ زیندانەکانی تورکیا گۆڕاون بۆ جێگەی پێشلکردنی شکۆی مرۆڤایەتی.

08:56

بە بەشداری هەزاران کەس، جەژنی جمای شەرفەدین، کە یەکێکە لە جەژنە گرنگەکانی کۆمەڵگەی ئێزدی بەڕێوەچوو.

15:47

یونیسێف هۆشداریدا لەوەی منداڵانی غەززە لە کەرتی گەمارۆدراودا لە مەترسیدان و دەڵێت: "کارەساتێک چاوەڕێی نزیکەی ملیۆنێک کەس دەکات".