ڕۆژانە

15:09

رێکخراوی مەکەگە،تایبەت بە پاراستنی مافی ڕۆژنامەنووسان ئاشکرای دەکات، لانیکەم ٣٤ ژنە ڕۆژنامەنووس لە تورکیا ڕووبەڕوویدادگاییکردن بوونەتەوە و پێنجی دیکەش لە پشت شیشی زیندانەکانەوەن، دۆخێک کە بە تاریکترین قۆناغی ئازادی ڕادەربڕین وەسف دەکرێت.

14:12

چالاکوانانی بزووتنەوەی "گۆڕینی مێژووی ژنانی ئەفغانستان" هۆشدارییان دا لە بەرزبوونەوەی بەرچاوی ژنان لە چەند مانگی ڕابردوودا، دەڵێت: سیاسەتەکانی تاڵیبان و دوورخستنەوەی ژنان لە ژیانی گشتی بەشداربوون لە پەرەسەندنی دەستدرێژی و نەبوونی دادپەروەری.

13:17

بەپێی ئامارەکانی وەزارەتی تەندروستی لوبنان، ژمارەی کوژراوانی هێرشەکانی ئیسرائیل بۆ سەر لوبنان بۆ ٢٧١٥کەس بەرزبووەتەوە و ٨٣٥٣ کەسیش برینداربوون، ڕێکخراوی ڕزگارکردنی منداڵان هۆشداریدا، کە زیاتر لە ٣٨٠ هەزار منداڵ ڕووبەڕووی برسیتی دەبنەوە.

13:07

باخچەی ساوایان لە کامپی پەنابەرانی مەخموور ئەمڕۆ بە جۆش و خرۆشێکی زۆرەوە ئاهەنگی دەرچوونیان گێڕا، باخچەی قوتابخانەکانیان بە جلوبەرگی نەریتی خۆیان ڕازاندەوە.

11:41

جاکلین کیتۆلۆ، سەرۆکی کۆمەڵەی پزیشکی جیهانی وێڕای دەربڕینی نیگەرانی قوڵ سەبارەت بە بارودۆخی تەندروستی نێرگس محەمەدی، داوای لە دەسەڵاتدارانی ئێران کرد دەستبەجێ دەستڕاگەیشتن و چارەسەری پزیشکیی گونجاوی بۆ دابین بکەن.

11:36

ڕاپۆرتەکانی ئەم دواییەی زیندانی ئێڤین ئاشکرای دەکەن کە زیادبوونی سنووردارکردنەکان دوای شەڕی ئەم دواییە، بێبەشکردنی زیندانییەکان لە سەردانی کەسی، ڕێگریکردن لە مۆڵەت و پارێزبەندی، هەروەها توندکردنەوەی فشارە ئابووری و ئەمنییەکان لەسەر زیندانییەکان.

11:08

لە ساڵانی دوای شۆڕشی”ژن، ژیان، ئازادی” لە ڕۆژهەڵاتی کوردستان، کۆماری ئیسلامی نەک هەر نەیتوانی سەرکوتی ژنانی زیندان کەم بکاتەوە، بەڵکو بە بەهێزکردنی ڕێوشوێنە ئەمنییەکان و داخستنی کەناڵەکانی پەیوەندی و زیادکردنی فشاری ئابووری چڕتر کردەوە.

10:20

لە شاری بەدلیس لە باکووری کوردستان، بە بەکارهێنانی وێنەی دروستکراوی زیرەکی دەستکرد خوێندکارێکی زانکۆ هەراسان کرا، سکاڵای لە بنکەی پۆلیس تۆمار کرد، بەڵام سکاڵاکەی بە جددی وەرنەگیرا، بەڵکو پێیان وتووە "وێنەکانت بڵاو مەکەرەوە و سەرنجت لەسەر خوێندنەکەت بێت".

09:27

ژنانی عەرەب لە شاری تل تەمر و شاخی قەزوان ڕایانگەیاند، یەپەژە سوپایەکی ژنانە کە یەکەم نموونەی سەرنجڕاکێشە لە مێژووی سووریادا و دانپێدانانی دەسەڵاتەکەی لەلایەن حکومەتی کاتیەوە هەنگاوێکی سودبەخشە.

08:53

ئامادەکارییەکانی یەکەمین فێستیڤاڵی گیا بەهاری و خواردنە کوردەوارییەکانی بناری قەندیل تەواو بووە و بڕیارە ئەمڕۆ بە بەشدارییەکی فراوانی خەڵک، هونەرمەندان و چالاکوانان، دەستپێبکات و تا ٩ی مانگ بەردەوام بێت.

08:21

پەرواز موحسین، چاوێری ژینگەیی دەڵێت: پێویستە پارێزراویی پیشەکارو خاوەنکار دابین بکرێت، هەروەها دروستکردنی ژینگەیەکی کاری پارێزراو و تەنها بە ئامێرو کەرەستە نابێت، بەڵکو پێویستی بە کولتووری ڕێزگرتن لە یاساکان و هاوکاری نێوان کارمەندان هەیە.

20:48

ئەنجومەنی عەشتار پشتگیریی یەپەژەی کردوو ڕایگەیاند، یەپەژە بوونی ژنە، نابێت هیچ ئاستەنگییەک لەلایەن حکومەتی کاتی سووریاوە بۆ داننان بە پێگەی یەپەژە درووست بکرێت، دەبێت دان بە پێگەی یەپەژە بنرێت.

15:28

نیگەرانییەکانی مافی مرۆڤ لە ئێران و ڕۆژهەڵاتی کوردستان زیاتر دەبن، ئەمەش دوای ئەوەی ڕاپۆرتە نوێیەکان دەستبەسەرکردنی دەیان ژن لە زیندانی وەکیل ئاباد لە مەشهەد لە ژێر بارودۆخێکی نامرۆڤانەدا پێناسە دەکەن.

14:47

داتاکانی ئەم دواییەی ژن نیوز ئاشکرای دەکەن  کە توندوتیژی ڕەگەزی دژی ژنان لە باکووری کوردستان و تورکیا بەردەوامە و لە مانگی نیساندا ٢٥ ژن و منداڵێک کوژراون.

13:37

لە ئێران فشارەکان بۆ سەر هاوڵاتیانی بەهایی بەردەوامن و باس لەوە کرا کە فلۆرا سەمدانی هاووڵاتی بەهایی کە لە شاری یەزد نیشتەجێیە لە ئەنجامی هەڵکوتانە سەر ماڵەکان دەستبەسەر کراوە.

13:07

ڕێکخراوی فیدراسیۆنی ژنانی ڕۆژهەڵات "ڕووناک" بانگەوازی لە ڕێکخراوە ناوخۆیی و نێودەوڵەتی و هێزە سیاسییەکان کرد، پێکەوە کاربکەن بۆ وەستاندنی سزای لەسێدارەدان و ئازادکردنی زیندانیان و پاراستنی مافەکانی ژنان.

13:00

ئاناهید قەسەبیان، ڕێکخەری یەکێتی ژنانی ئەرمەنستان پەیامێکی هاودەنگی بۆ یەپەژە نارد و پشتیوانی خۆی بۆ خەباتی ژنان لە دژی کاریگەرییەکانی شەڕ و توندوتیژی دووپاتکردەوە، هەروەها ستایشی ڕۆڵی ژنانی شەڕڤانی لە بەرگریکردن لە کۆمەڵگە کرد.

11:22

شیلان سەقزی

10:11

سۆنگۆڵ گولەر، ئەندامی لیژنەی ژنۆلۆژی لە کامپی مەخمور، زیادبوونی فرەوانی دەستدرێژی و هێرشەکان کە ژنان و منداڵان دەکەنە ئامانج، دووپاتکردەوە و دەڵێت: هەڵخەڵەتاندن و لێپرسینەوەنەکردنی دەسەڵات، ڕێگا بۆ هەڵوەشاندنەوەی کۆمەڵگە خۆش دەکات.

09:50

فەرەح عەبدوڵا، پارێزەر و چالاکوانی مافەکانی مرۆڤ لە لوبنان ڕایگەیاند، پشتگوێخستنی ڕۆڵی یەپەژە لە هەر چارەسەرێکی سیاسیی لە سووریادا، پێشێلکردنی مافەکانی ژنانە و دەبێت ستاتۆ و ناسنامەی سەربەخۆی یەپەژە وەک ڕێکخستنێکی ژنان پارێزراو بێت.