ڕۆژانە

14:18

بەرنامەیەکی تایبەت و "سەمای بوون" بە پیسنەگایەتی ناوەندی کولتووری و هونەری شنگال سیتیا نەخشا بۆ یادی ١٢ ساڵەی فەرمانی شنگال بەڕێوەچوو. ئەندامانی گروپی سەماکە گوزارشتیان لەوە کرد کە خاوەنداری ناسنامەی خۆیانن.

12:08

ڕێکخراوی مافی مرۆڤی دیدەبان ڕایگەیاند، لە ماوەی مانگی ڕابردوودا لانیکەم ٢٦ ژن لە ناوچە جیاوازەکانی ڕۆژهەڵاتی کوردستان و ئێراندا بەهۆی توندوتیژییەوە کوژراون.

10:35

کاتێک لەکاتی فەرمانەکە کۆچمانکرد بۆ ڕۆژئاوای کوردستان، خەریک بوو بکەوینە دەستی داعش، لە ڕۆژئاوا هاوڕێیان بەخێرهاتنیان لێ دەکەن و چارەسەریان دەکەن، دایە شیرینە کە کوڕەکەی لەو فەرمانەدا شەهید بووە، داوای لە حکومەتی عێراق کردووە دان بە فەرمانەکەدا بنێت.

09:05

ئێشکگری لە کامپی پەنابەرانی مەخموور کە سێ ساڵی تەواو کردووە، لە هەزارو ١٠٧هەمین ڕۆژیدا بەردەوامەو گروپی ٢١٣ دەستیانپێکرد، خەڵکی کامپەکە جەخت لەوە دەکەنەوە کە تا ئەو کاتەی ڕێبەری گەلی کورد عەبدوڵا ئۆجالان بە شێوەیەکی جەستەیی ئازاد نەکرێت، چالاکی ڕاناگرن.

08:29

لە سەردەمی گەشەی میدیاو تۆڕە کۆمەڵایەتییەکان، ژینگەی کۆمەڵایەتی بووەتە یەکێک لە گرنگترین هۆکارەکانی دروستکردنی هزرو هەڵسوکەوتی گەنجان. ئەو ژینگەیە لە ڕێگەی خێزان، هاوڕێیان، پەروەردە و میدیاوە، کاریگەری ڕاستەوخۆ لەسەر بەها، بڕوا و شێوازی ژیانی گەنجان دەکات

15:49

هێرشە ئاسمانییە نوێیەکانی ئیسرائیل بۆ سەر کەرتی غەززە، بەهۆی بەردەوامی ئۆپەراسیۆنە سەربازییەکان و خراپتربوونی دۆخی مرۆیی لە کەرتی غەززە، بووە هۆی کوژرانی سێ فەلەستینی دووانیان منداڵن و ژمارەیەکی دیکەش بریندار بوون.

15:03

سەندیکای ڕۆژنامەنووسانی سودان هۆشداریدا لە تێکچوونی تەندروستی سێ ژنی ڕۆژنامەنووس کە بۆ چەند مانگێک لەلایەن هێزەکانی پشتیوانی خێرا لە نیالا دەستبەسەرکراون، داوای ئازادکردنی دەستبەجێیان و دەستڕاگەیشتن بە چارەسەری پزیشکی و مافە سەرەتاییەکانیان کرد.

14:14

ئیلهام زەراعتپیشە، پارێزەر کە بە هۆی چالاکییە پیشەییەکانیەوە سزای شەش ساڵ زیندانی بەسەردا سەپێندرابوو و بڕیاری جێهێشتنی وڵاتی لێ قەدەغەکرابوو، بە دانانی بارمتە لە زیندانی ئەدی ئاباد ئازادکرا.

13:49

بەڕێوەبەریی تەڤگەر دەڵێت: لە هەموو دەرفەتێکدا ڕامانگەیاندووە کە دەبێت ئازادیی جەستەییی ڕێبەر ئاپۆ بێتە دی، تاوەکو ڕێبەر ئاپۆ خۆی نەیەتە نێو پڕۆسەکەوە و ڕاستەوخۆ سەرپەرشتیی قۆناغەکە نەکات، ئەستەمە ئەو بڕیارانەی دراون و ئەو یاسایەی دەرچووە جێبەجێ بکرێن.

13:27

گوندی جمامە لە باکووری کۆردۆفان شایەتحاڵی هێرشێکی ڕێپێوانێکی هێزەکانی پشتیوانی خێرا بوو کە لەئەنجامدا زیانی گیانی و برینداری لێکەوتەوە، ئەم ڕووداوە شەرمەزارکردنی ڕێکخراوەکانی مافی مرۆڤی بەدوای خۆیدا هێناوە، کە هێرش و تاڵانکردن و تێکدانیان بەڵگەدار کردووە.

12:02

ناوەندی نیشتمانی بۆ مافەکانی مرۆڤ لە سیمینارێکدا تیشکی خستەسەر پەیوەندیی نێوان تەندروستی دروونی و شێوازەکانی توندوتیژیی خێزانی، جەختی لەسەر پێویستیی پەرەپێدانی یاساکان و خزمەتگوزارییە خۆپارێزییەکان کردەوە.

11:30

بەپێی ئەو هەواڵەی لەلایەن ئاژانسی ژن نیوزەوە بڵاوکراوەتەوە، ئاماژە بەوە دەکرێت کە بەر لە ونبوونی گوڵستان دۆکو، لەلایەن سیستمی زانیاریی پۆلیس پۆل-نێتەوە چەندین لێکۆڵینەوە و پشکنینی نایاسایی لەسەری ئەنجام دراون.

10:36

هێرشەکانی ئەمریکا بۆ سەر ئێران دەستیپێکردەوەو چەند شارێکی کردە ئامانج، لە تاران گیانلەدەستدانی سێ ئەندامی بنەماڵەیەک کە منداڵێکیان تێدایە و زیانی ژێرخانە گرنگەکانی ڕاگەیاندرا.

10:05

لە بەیانیدا دەیانبەن بۆ حەوشەیەک و بە دیوارێکەوە ڕیز دەکرێن و پێیان دەوترێت "هەمووتان دەکوژین"، دایکی کامۆ دەستی بەرز دەکاتەوە و دەڵێت: تاوسی مەلیک، با بمکوژن، ئەگەر چاکەیەکم کردبێ، لێم خۆشبە.

09:52

پارێزەرانی وریشە مورادی، بەندکراوی سیاسی لە زیندانی ئەوین، ڕایانگەیاند کە ئەو سنووردارکردنانەی خراونەتە سەر بریگرتەکەیان بنەمای یاساییان نییە و تەنها "ئارەزووی کەسیی" بەرپرسانە.

08:19

بوونی ژنان لەناو میدیادا رێژەی لەزیادبوونە، بەڵام هەندێک ناوچە هەن خاڵین لە بوونی ژنی میدیاکار، یەکێک لەوانە شارۆچکەی پێنجوێنە، هەتا ساڵێک بەر لە ئێستا ڕاگەیاندن تەنها وێنەی پیاوان بوو، بەڵام ڕاز ئارام ئەو ڕێچکەیەی شکاندو ئێستا تاکە ژنی میدیاکاری پێنجوێنە

16:03

یەکەمین فێستیڤاڵی گەنم لە قامیشلۆی ڕۆژئاوای کوردستان زیاتر لە ڕووداوێکی کشتوکاڵی بوو، کەشێک بوو کە یادەوەری خاک و میراسی کۆمەڵگەی کۆدەکردەوە، بەشداربووان مێژووی چاندنی گەنم و بەرهەمە نەریتییەکانی و ڕۆڵی ژنانیان لە پاراستنی ئەم میراسەدا نمایش کرد.

15:30

کۆنگرەی ستار لە ڕۆژئاوای کوردستان لێپرسینەوە لە هەموو ئەو کەسانە دەکات کە ڕق و کینەو ناتەبایی لە نێوان سوورییەکاندا دەچێنن، دەڵێت: بەردەوامی قسەی ڕق و کینە مەترسی لەسەر ئاشتی کۆمەڵایەتی دروست دەکات و هەوڵەکانی بەرەوپێشبردنی پێکەوەژیان و سەقامگیری تێکدەدات

13:11

خەلیدە بوفدش پۆستی سەرۆکایەتی ئەنجومەنی نیشتمانی گەلی لە جەزائیر وەرگرت و بووە یەکەم ژن کە ئەم پۆستەی بەدەستەوە بێت، ئەمەش هەنگاوێکی بەرچاوە لەناو دیمەنی سیاسیدا، کە باس لە پێویستی بەهێزکردنی بوونی ژنان لە پۆستەکانی بڕیاردان دەکات.

12:39

سەعدیە ڕەمەزان عەمۆ، کە خەڵکی حەسەکەیە، لە کاتێکدا کە چەند ڕۆژێک لەمەوبەر لە تارتووس بوو و لەوێ کار دەکات، دوای ئەوەی خێزانەکەی ئاگادار کردەوە کە بڕیارە بڕە پارەیەک بگوازێتەوە، دیار نەماوەو خێزانەکە دەستیان کرد بە بانگەوازی یارمەتی بۆ دۆزینەوەی.