ڕۆژانە

14:14

کۆردیناسیۆنی کەژەکە جەژنی نەورۆزی پیرۆز کرد و وتی: با ئەم نەورۆزە ببێتە پەیمانی خۆگەیاندن بە ڕێبەرمان و مسۆگەرکردنی ئازادی ژن و گەلان.

13:29

دوای ئەوەی شەوی ڕابردوو سوپای عێراق هێرشی کردە سەر ئۆتۆمبێلێکی یەبەشە و پشێوی لە شارەکەدا دروستکرد، سوپای عێراق ڕێگری لە چوونی شەنگالییەکان دەکات بۆ ناوەندی شارەکە، شانەگالییەکان کاردانەوەیان بەرامبەر بەو دۆخە هەبوو، دەڵێن: تا کۆتایی بەرخۆدان دەکەن.

12:43

لە یەکەم دانیشتنی دۆسیەکەدا، ڕۆژنامەنووس ئایلەم بابەیگیت سزای ساڵێک و ٦ مانگ و ٢٢ ڕۆژ زیندانی بەسەردا سەپێندرا، لە هەمانکاتدا ئازاد کرا.

11:30

هەلاوەمەلاوه نەریتێکی لە مێژینەی کوردە و لە نەوە بۆ نەوە دەگوازرێتەوە، ئەم ڕێوڕەسمە کە هاوڕێیەتی شادی و خۆشی منداڵانە، ڕەگ و ڕیشەی قووڵی لە فەرهەنگ و نەریتی نەورۆزی کوردیدا هەیە، کە تێیدا ژنان ڕۆڵی سەرەکی دەگێڕن.

10:10

١٢ ڕێکخراو لە باشووری کوردستان ڕایانگەیاند، نابێت هیچ ژنێك له‌ ژیانێکی پڕ لە بەكارهێنانی توندوتیژی و مەترسی كوشتندا بژی، ژنان لەهەر پێگەیەکدا بن رووبەڕووی توندوتیژی و کوشتن دەبنەوە.

09:53

ژنانی ئەفغانستان بەهۆی فشار و سنووردارکردنی تاڵیبانەوە ناچارن بە نهێنی کار بکەن، یەکێک لەو پیشانەی کە ژنان بە نهێنی کاری تێدا دەکەن، ئارایشتگایە.

09:22

ژنانی کۆبانێ جەختیان لەوە کردەوە کە ڕێبەری گەلی کورد عەبدوڵا ئۆجالان لە پێناو ئازادی ژنان و گەلان تێکۆشان دەکات و نەورۆزی ئەمساڵ جیاواز دەبێت، داواشیان کرد ئازادی ژنان بپارێزرێت.

08:52

منداڵێک بە ناوی ڕۆنیدا عەبدۆ کە لە ئەنجامی هێرشێکی ئاسمانی دەوڵەتی داگیرکەری تورک بۆ سەر بنەماڵەکەی لە گوندی بەرخ بۆتانی لە کۆبانێ بریندار بوو، گیانی لەدەستدا.

08:33

سارا عەگید، شەڕڤانی یەپەژە پەیامی "خەباتمان سەرکەوتن بەدەستدەهێنێت"ی بەبۆنەی نەورۆزەوە پێشکەش کرد و وتی: بە ڕۆحی فەلسەفەی 'ژن، ژیان، ئازادی' پێشوازی لە نەورۆز دەکەین.

08:02

گونەی مستەفا، ئەندامی تەڤگەری هیلالی زێڕین ڕایگەیاند، دەیانەوێت ئاگری نەورۆز بەکاربهێنن بۆ تێپەڕاندنی ئەو سەختییانەی ڕووبەڕووی کورد دەبنەوە، هەروەها پشکی ئاگری نەورۆز بەکاربهێنن بۆ ڕاپەڕین بەرامبەر هەموو هێرش و سەختییەکان و بەرزکردنەوەی ئاستی خەبات.

15:58

سەدان هاوڵاتی دانیشتووی شاری کۆبانێ و ئاوارەی خەڵکی عەفرینی دانیشتووی ئەو شارە لە حەوتەمین ساڵیادی داگیرکردنی عەفرین ڕێپێوانیان کرد.

14:30

شەوی ڕابردوو هێزەکانی ئیسرائیل هێرشیان کردە سەر شاری دێرا، لە ئەنجامدا ژنێک و دوو منداڵ گیانیان لەدەستدا و ١٩ی دیکەش برینداربوون.

13:31

سیما عەلیپوور، چالاکوانی مافی مرۆڤ، کە نیشتەجێی تەبرێزە، دوای ئەوەی لە ١٧ی ئادار لەلایەن بەڕێوەبەرایەتیی ئیتلاعاتەوە بانگهێشت کرابوو بۆ ئەوەی وتە بدات، دەستبەسەر کرا.

13:02

ئەنجومەنی کۆنگرەی ستار ڕاگەیەندراوێکی بڵاوکردەوە و ئاماژەی بە کۆمەڵکوژییەکانی کەناراوەکانی سووریا و کۆمەڵکوژییەکەی بەرخ بۆتان کرد و ڕایگەیاند، بەرخۆدانی کۆبانێ و پێکهاتەکانی سووریا بەردەوام دەبێت.

12:30

فیروزە زۆگورلی جەختی لەوەکردەوە کە گەل پاشەکشە ناکات سەرەڕای ئەو ئازار و ستەمانەی کە ساڵانێکی زۆرە بەردەوامە.

11:56

ڕێبەری گەلی کورد عەبدوڵا ئۆجالان لە نامەکەیدا بۆ پێکهاتەی ئێزدی ڕایگەیاند، ئەم پرۆسەیە دەبێتە ڕێنێسانسێک بۆ گەلی ئێزدیمان.

11:20

بەڕێوەبەرایەتیی پۆلیسی ئاکرێ بڵاوی کردەوە، ژنێک لە کامپی ماملیانی سەر بە شارۆچكەی ئاکرێ لەلایەن هاوژینەکەیەوە خنکێندرا.

10:58

ئەمساڵ کۆمەڵگەی ئێزدی بە جۆش و خرۆشێکی زۆرەوە لە باخچەی ڕێبەر ئاپۆ لە دۆڵی قەرس لەگەڵ کۆمەڵگەی عەرەبی جەژنی نەورۆزیان بەڕێوە برد، ژنانی ئێزدی کە بە جۆش و خرۆشەوە جەژنی نەورۆزیان گێڕا، وتیان: ئازادی بەدەستدەهێنین.

10:10

هێزەکانی ئیسرائیل زنجیرەیەک هێرشی ئاسمانییان بۆسەر ناوچە جیاجیاکانی کەرتی غەززە دەستپێکرد و بەهۆیەوە زیاتر لە ٣٥٠ هاوڵاتی مەدەنی کوژران، لەنێویاندا ژمارەیەکی زۆر ژن و منداڵ هەن.

09:55

هێنانە ناوەوەی هێمای کوتلەیی بۆ ناو بەشێک لە ڕێوڕەسمەکانی نەورۆز لە ڕۆژهەڵاتی کوردستان، جگە لەوەی دەبێتە هۆی دووبەرەکی و شێواندنی سروشتی فرەیی و هاوپشتیی ئەم ئاهەنگە، ژنانیش پەراوێز دەخات و بە سەپاندنی "یەکپارچەیی زۆرەملێ" پێگە و داهێنانیان لاواز دەکات.