ڕۆژانە

12:51

ئیلناز شاکردوست، ئەکتەری خاوەن خەڵاتی نۆبڵی ئاشتی، بۆ شەرمەزارکردنی سەرکوتکردنی ناڕەزایەتییەکان، هیچ ڕۆڵێکی دیکە لە سینەمای ئێراندا ناگێڕێت، دەڵێت: من ڕۆڵێک لەم خاکەدا نابینم کە بۆنی خوێنی لێدێت.

12:18

دەفەگە ڕاپۆرتی خۆی بۆ مانگی کانوونی دووەم سەبارەت بە پێشێلکارییەکانی مافی ڕۆژنامەنووسان بڵاوکردەوەو ئاماژەی بەوەکرد، ١٤ ڕۆژنامەنووس دەستگیرکراون و ڕۆژنامەنووسێک زیندانی کراوە.

11:16

لە شارۆچکەی دەربەندیخان ژنێک بەشێوەیەکی گوماناوی کەوتە ڕووباری سیروانەوە و گیانی لەدەستدا.

10:27

لە کامپی پەنابەرانی مەخموور، لەیلا والی حوسێن ناسراو بە ڤیان سۆران، بە سیمینارێک کە ئەندامان و دانیشتوانی کامپەکە ئامادەی بوون، لە بیستەمین ساڵیادی شەهیدبوونی یادی کرایەوە.

08:49

ژنانی قامیشلۆ ڕایانگەیاند، بۆ پاراستنی کۆمەڵگە و وڵاتەکەیان چەک هەڵدەگرن و بە هەموو شێوەیەک دژی چەتەکان دەوەستنەوە.

08:39

کۆردیناسیۆنی ژنانی خۆبەڕێوەبەری لە کانتۆنی فۆرات، داوای لە کۆمەڵگەی نێودەوڵەتی و ڕێکخراوە مرۆییەکان کرد بەرپرسیارێتی یاسایی خۆیان هەڵگرن و گەمارۆی سەر کۆبانێ کۆتایی پێ بهێنن و ڕێڕەوێکی مرۆیی بۆ گەیاندنی هاوکارییەکان بکەنەوە.

07:59

لە بناری قەندیل، بە مەراسیمێکی شکۆدار و بە ئامادەبوونی ژنان و ئازادیخوازان، ساڵیادی شەهیدبوونی فەرماندە "ڤیان سۆران" کرایەوە و جەخت لە بەردەوامیدان بە هێڵی ئازادیی ژنان و پووچەڵکردنەوەی پیلانگێڕییەکان کرایەوە.

07:22

یەکدەنگی گەلی کورد هێزێکە کە توانی ڕۆژئاوای کوردستان لە قوربانییەوە بگۆڕێت بۆ ئاماژەی بەرگری و ئازادی و پێکەوەی گەلی کورد لە تەواوی پارچەکانی تری کوردستان.

15:31

لە شاری سلێمانی بە شکۆوە یادی ۲٠ ساڵەی چالاکییە گیان فیداییەکەی شەهید ڤیان جاف، لە لایەن چالاکوان و بنەماڵەی شەهیدان و تێکۆشەرانەوە بەرزڕاگیرا.

14:34

بۆ باس کردن لە بەرخۆدانی ژنان لە خەباتی مێژووی و هاوچەرخدا ، لە هۆڵی کۆنگرێسی کامپی نوێی زانکۆی سلێمانی، پانێڵێکی هاوبەش لە نێوان زانکۆی سلێمانی و زانکۆی چەرمۆ سازکرا.

14:04

بزووتنەوەی ژنانی ئەفغانستان لە ڕاگەیاندراوێکدا، ئەو یاسای سزایەی کە لە لایەن تاڵیبانەوە پەسەند کراوە، بە پێشێلکارییەکی ئاشکرای بنەماکانی دادپەروەری، یەکسانی مرۆڤ پێناسە کرد، داوای هەڵوەشاندنەوەی دەستبەجێی بڕگەکانی جیاکاری و پێداچوونەوەی سەربەخۆی کرد.

12:55

ەندامانی کۆنگرەی ستار لە شاری قامیشلۆ، بە ئامادەکردنی ژەمی ڕۆژانە لە بەرەکانی پێشەوە بۆ شەڕڤانان، پشتیوانی بەردەوامی خۆیان بۆ شەڕڤانان دووپات کردەوە، ئەوان ئەم دەستپێشخەرییە بە ئاماژەی هاودەنگی و بەرخۆدانی دەزانن، دەڵێن تا سەرکەوتن بەدەست نەهێنرێت ناوەستن

11:50

زیاتر لە مانگێک دوای شەپۆلی ناڕەزایەتییەکان، ئارامییەکی ڕووکەش لە شەقامەکانی ڕۆژهەڵاتی کوردستان و ئێران زاڵە، بەڵام ئەم ئارامییە ڕاستیەک پەردەپۆش دەکات کە بەردەوامی دەستگیرکردن و فشارە ئاسایشییەکانە، ڕاستەوخۆ کاریگەرییان لەسەر ژیانی ڕۆژانەی خەڵک هەبووە.

09:12

کژار لە ئەوروپا یەکەمین کۆنفڕانسی خۆی ڕێکخست و لە ڕاگەیەندراوێکدا ئاماژە بەوەدەکات: بە فەلسەفەی "ژن، ژیان، ئازادی" و پێشەنگایەتی ژنان کۆمەڵگەی دیموکراتیک بونیاد دەنێن، تێکۆشان بۆ ئازادی جەستەیی "ڕیبەر ئاپۆ" یەکێک لە ئامانجە سەرەکیەکان دەبێت.

08:18

خوناف خەلیل، ئەندامی کۆردیناسیۆنی کۆنگرەی ستار دەڵێت: بەردەوامی بەڕێوەبردنی وڵات لە لایەن حکومەتی کاتی بە بیرکردنەوەی ڕادیکاڵەوە قەیرانی سووریا زیاتر قووڵتر دەکاتەوە، هۆشداریدا لەوەی ئەم سیاسەتانە وڵات بەرەو کۆمەڵکوژی زیاتر دەبات.

08:00

ژنێکی گەنج لە شارۆچکەی ڕانیە بە شێوەیەکی گوماناوی و بە شوێنەواری فیشەکەوە گیانی لەدەستدا، پۆلیس و لایەنە پەیوەندیدارەکان دەستیان بە لێکۆڵینەوە لە چۆنیەتی ڕووداوەکە کردووە.

07:18

ئەسمەر ڕەسوڵ، دایکێکی خەڵکی شارۆچکەی ڕانیەیە، باس لە چیرۆکی ڕۆشتنی کوڕەکەی بۆ ڕۆژئاوای کوردستان دەکات، ئەو وەک نموونەی دایکێکی خۆڕاگر، نەک هەر ڕێگری لە کوڕەکەی نەکردووە، بەڵکو دەڵێت: پێویستە هەموو دایکێک ڕۆڵەکەی ئاوا پەروەردە بکات.

15:44

لە ساتێکی نوێی مێژوودا، گەلی کورد لە قامیشلۆ ڕێپێوانێکی فراوانی کرد، بۆ دووپاتکردنەوەی دڵسۆزی خۆیان بۆ ئەو شەهیدانەی کە بە گیانیان، شکۆترین لاپەڕەکانی بەرخۆدانیان نووسی.

14:03

بۆ دەربڕینی هاوسۆزی و پشتیوانی لە ڕۆژئاوای کوردستان، پانێڵێک بە ناونیشانی ''ڕۆژئاوا لە ئازاری مەیدانییەوە بۆ بەرپرسیارێتی نیشتمانی'' بە ئامادەبوونی خوێندکاران و مامۆستایان ئەنجامدرا.

13:40

ژنێکی دووگیان لە شارۆچکەی شارەزوور لەناو کارگەیەکدا لە کاتی کارکردندا گیانی لەدەستدا، بەڵام تا ئێستا هۆکارەکەی نەخراوەتە ڕوو.