ڕۆژانە

11:01

وتەبێژی ڕێکخراوی منداڵانی سەر بە نەتەوە یەکگرتووەکان-یونیسێف خستیەڕوو، بەهۆی بۆردوومانەکانی ئیسرائیلەوە بۆ سەر غەززە، زۆرترین منداڵ بوونەتە قوربانى و زیان بەر منداڵان کەوتووە، داواش دەکات دووبارە ئاگربەست ڕابگەیەندرێتەوە.

10:49

پۆلیسی دارستان و ژینگەی پارێزگای سلێمانی هاوڵاتییەکیان دەستگیر کرد کە زیاتر لە ١٠٠ داری بەڕووی بڕیوەتەوە، لە دەربەندیخانیش کەسێک دەستگیر کرا بە تۆمەتی زیندانیکردنی ئاژەڵی کێوی.

10:32

نیگار م.، کە خاوەن پێداویستی تایبەتە و لە ئێران دەژی، باسی لەوە کرد، ماوەی چەند ساڵێکە کورسی گەڕۆک بەکاردەهێنێت، بەڵام بەهۆی ئەوەی شارەکە بۆ کەسانی خاوەن پێداویستی تایبەت دیزاین نەکراوە، ناتوانێت بە تەنیا بچێتە دەرەوە.

09:17

مانگرتنی ئێشکگری زیندانیانی سیاسی کە بە داواکاری "ئازادی بۆ عەبدوڵا ئۆجالان، چارەسەری بۆ پرسی کورد" لە زیندانەکان دەستی پێکرد، لە ڕۆژی ٩یەمدا بەردەوامە.

09:00

سیما مورادبیگی، یەکێک لە قوربانیانی ڕاپەڕینی شۆڕشگێڕانەی "ژن، ژیان، ئازادی" کە زیاتر لە ٢٠٠ گولـلە لە ئانیشکیدا بوو، ڕایگەیاند، بەپێی دوایین پشکنینەکان هیچ ئەگەرێکی چاندنەوەی جومگەی ئانیشکی نییە.

08:15

ئیتاب حەسەن، ئەندامی فەرمانگەی خزمەتگوزارییە مرۆییەکانی تل تەمر، ڕایگەیاند، هەزاران کەس کە بەهۆی داگیرکارییەکانی دەوڵەتی تورکەوە ناچاربوون ڕوو لە تل تەمر بکەن، پێویستیان بە پشتیوانی هەیە و ڕێکخراوە مرۆییەکانیش وەڵامی داواکارییەکانی ژنان نادەنەوە.

14:57

ڕێکخراوی پزیشکانی بێ سنوور ڕایانگەیاند، کە ئیسرائیل هێرشی کردە سەر کاروان و کلینیکەکانیان، لە ئەنجامدا پەرستارێکی خۆبەخش و ئەندامێکی خێزانی یەکێک لە خۆبەخشەکان گیانیان لەدەستدا.

14:47

‎له‌ چوارچێوه‌ی هەڵمەتی ١٦ ڕۆژەی به‌ره‌نگاربوونه‌وه‌ی توندوتیژی دژی ژنان، ڕێكخراوی نوێ دووه‌مین خەڵاتی ساڵانه‌ی ڕوناكی نوێی دابه‌شكرد.

13:57

نێرگس محەمەدی زیندانی سیاسی کە چاوپێکەوتن و پەیوەندیکردن لەگەڵیدا قەدەغەکراوە، لەڕێگەی پارێزەرەکەیەوە لە پەیامێکدا دەڵێت: دەنگم بۆ جیهان بەرزتر دەکەمەوە.

12:53

بەپێی دواین ڕووپێوی وەزارەتی کاروباری کۆمەڵایەتیی هەرێم، زیاتر لە هەزار منداڵی کارکەر لەسەر شەقامەکانی سنووری سلێمانی کاردەکەن و ڕووبەڕووی توندوتیژیی جەستەیی و زایەندی و دەروونی دەبنەوە.

12:31

ڕێکخراوی تەندروستیی جیهانی ڕایدەگەیەنێت، بەکارهێنانی سووتەمەنییەکان هۆکاری لەپێشینەی پیسبوونی هەوان، ساڵانە بەهۆی پیسبوونی هەواوە ٧ ملیۆن کەس گیان لەدەستدەدەن.

10:13

بە دروشمی "بودجەیەک بۆ خەڵک نەک بۆ جەنگ"، ژنانی کرێکار لە باکووری کوردستان و تورکیا چوونە سەر شەقامەکان بۆ داواکردنی مافەکانیان و مافەکانی هەموو خەڵک لە کاتێکدا ڕووبەڕووی هەژارییەکی بەربڵاو بوونەوە لە وڵاتەکەدا.

09:27

لە درێژەی چالاکییەکانی ڕۆژی بەرەنگاربوونەوەی توندوتیژی دژی ژنان و خێزان، لە هەڵەبجە دەستەی ژنان پانێڵێکی بەڕێوەبرد.

09:21

ژمارەی حاڵەتەکانی کۆلێرا و گیان لەدەستدان لە سودان زیادی کردووە و هەرێمی نیلی شین لە باشووری ڕۆژهەڵاتی سودان یەکەم حاڵەتی تۆمارکرد.

08:41

بە دروشمی "تێپەڕاندنی تێڕوانینە نەرێنیەکان و بەهێزکردنی گەنجانی خاوەن پێداویستی تایبەت" لە شاری هەڵەبجە ڕۆژی جیهانی خاوەن پێداویستی تایبەت بەرز ڕاگیرا.

07:40

عەلیا محەمەد، هاوسەرۆکی دەستەی تەندروستی هەرێمی عەفرین-شەهبا ڕایگەیاند، ئەو بەشەی کەبەهۆی گەمارۆی حکومەتی شامەوە زۆرترین باجی داوە، کەرتی تەندروستییە و بە بەردەوامبوونی گەمارۆ زیانی زۆری بەردەکەوێت.

15:09

لە درێژەی سەردانیەکەی شاندی ژنانی باکووری کوردستان، ئەمڕۆ سەردانی چەندین لایەنیان کرد و یەکخستنی شۆڕشی ژنانیان دووپاتکردەوە.

15:02

دوای زیاتر لە مانگێک لە کوشتنی سومەیە مام خەزری، ژنێکی خەڵکی شاری بوکان لە ڕۆژهەڵاتی کوردستان دەرکەوت بکوژەکەی هاوژینی پێشووی بووە.

14:15

هەژاری پەیوەندی نێوان گۆڕانی کەشوهەوا و کارکردنی منداڵانە و ئەنجامەکانی لێکۆڵینەوەیەکی نوێ لەلایەن ڕێکخراوی نێودەوڵەتی کار "ILO" دەریدەخات کە گۆڕانی کەشوهەوا بەهۆی گەرمبوونی زەوییەوە دەبێتە هۆی زیادبوونی کارکردنی منداڵان بەتایبەتی لە کەرتی کشتوکاڵدا.

14:09

کۆمەڵەی ڕۆژ کە تایبەتە بە خاوەن پێداویستییە تایبەتەکان، لە ڕۆژی خاوەن پێداویستی تایبەت بە چەند چالاکیەکی وەک شانۆگەری و وێنەکێشان، یادی ئەو ڕۆژەیان کردەوە و توانای خاوەن پێداویستییەکانیان دەرخست.