ڕۆژانە

11:05

سەرچاوە ئیسرائیلییەکان ئاشکرایان کرد، گفتوگۆ لەسەر ڕێککەوتنێکی نوێ و ئاڵۆزی ئاڵوگۆڕی زیندانییەکان لەگەڵ حەماس دەکەن، دوای ڕووداوەکەی گەڕەکی شوجاعیە لە غەززە کە تیایدا سوپای ئیسرائیل سێ دەستگیرکراوی بە هەڵە کوشت.

10:21

هه ڵبژاردنی ئەنجومەنی پارێزگاکانی عێراق دەستیپێکرد و لە شەنگال لە بەیانی ئەمڕۆوە خەڵک دەچن بۆ بنکەکانی دەنگدان بۆ هەڵبژاردن و ناردنی نوێنەرەکانیان بۆ ئەنجومەنی پارێزگای نەینەوا.

09:48

بێریڤان محەمەد، کە لە بەشی دەرمانخانەی ناوەندی تەندروستی زرگان کار دەکات، ئاماژەی بەوەکرد، بەهۆی هێرشەکانی دەوڵەتی تورکیا بۆ سەر زرگان، کێشەی زۆر هەیە لە بواری تەندروستیدا.

08:55

ئەڤین پاشۆ، سەرۆکی دەستەی ژنانی هەرێمی جزیرە هەڵسەنگاندن بۆ کار و دەستکەوتەکانی دەستەکە دەکات بەتایبەتی بۆ ژنان و منداڵان و ئاماژەی بەوەدا کە ئامانجی سەرەکییان ڕێکخستن و پاراستن و خاوەنداری کردن لە منداڵانی بێکەسە.

15:02

بەگوێرەی ڕاپۆرتێكی بەڕێوەبەرایەتی نیشتمانی بۆ ئۆقیانوس و بەرگەهەوا لە ویلایەتە یەكگرتوەكانی ئەمریكا، جەمسەری باكوور لەمساڵدا گەرمترین هاوینی بەڕێكردووە.

14:51

دایکێک و کچەکەی لە هێرشێکی ئیسرائیلدا بۆ سەر کڵێسایەکی مەسیحی لە غەززە گیانیان لەدەستدا.

14:30

ئێلناز ڕێکابی، ئەندامی تیمی شاخەوانی ئێران، مەدالیای بڕۆنزی لە جامی سەرکەوتنی ئاسیا بردەوە.

14:05

سروە گورجی پوور، خەڵکی شاری سنەی ڕۆژهەڵاتی کوردستان، مەدالیای زێڕی لە پێشانگەی نێودەوڵەتی داهێنان و نوێبوونەوەی دوبەی بۆ ساڵی ٢٠٢٣ لە ئیمارات بردەوە.

13:35

لە یەمەن ژنان کە لە کامپی نەجد قەسیم لە تەعز نیشتەجێ بوون بەهۆی قەیرانی مرۆییەوە هێشتا لە بارودۆخێکی سەختدا دەژین.

12:58

ڕێکخراوی نێودەوڵەتی کۆچ ڕایگەیاند، نزیکەی ٦١ کۆچبەر کە لەناویاندا منداڵ و ژن هەن، دوای ژێرئاوکەوتنی بەلەمەکەیان لە کەناری لیبیا بێسەرشوێنن و پێدەچێت گیانیان لەدەستدابێت.

10:42

کۆنفڕانسێک لە شاری هەولێر بە ناونیشانی "سه‌د ساڵه‌ی لۆزان، ڕۆڵی ژن له‌ پاراستنی خاك و ناسنامه‌"  بەڕێوەچوو، لێکەوتە و دەرئەنجامەکانی پەیماننامەی لۆزان له‌ سه‌ر ژنان له‌ باشووری كوردستان تاوتوێ کرا.

10:27

دوای کوشتنی سێ بارمتەی حەماس لەلایەن ئیسرائیلەوە کە دەوترێت"بە هەڵە" بووە، خێزانی دەستگیرکراوەکان داوایان کرد شەڕ لە کەرتی غەززە بوەستێندرێت و دەبێت دانوستانی نوێ بۆ گەڕاندنەوەی بارمتەکان دەستپێبکات.

09:47

خەڵاتەکانی ۱۰یەمین فێستیڤاڵی نێودەوڵەتیی فیلمی دهۆک دابەشکران و ژنانی بەشداربوو بوونە براوەی خەڵاتەکان، خەڵاتی باشترین ئەکتەر بەخشرایە پەروین ڕەجەبی.

09:13

بەرخۆدانی کۆبانێ بووە هیوای گەلانی جیهان، هەزاران ئەزموون و چیرۆکی جیاواز هەبوون، سەمیرە ئەحمەد، خاوەنی یەکێک لە چیرۆکەکان، ئاماژە بەوەدەکات، بەرخۆدانیان هێشتا بەردەوامە و دەستبەرداری خاکەکەیان نابن.

07:29

چەتەکانی دەوڵەتی تورک کە لە عەفرینی داگیرکراو نیشتەجێ بوون و دار زەیتوونی هاوڵاتیانیان بڕیوە، دەوترێت لە ساڵی ٢٠٢٣ دا چوار هەزارو ٤٠٠ دار زەیتوون بڕدراونەتەوە.

15:10

فێمێنیستەکان و دادوەران و توێژەران لە بواری ژینگەییدا جەختیان لەسەر تێگەیشتن لە دیاردەکانی کەشوهەوا و کاریگەرییەکانیان لەسەر ڕاستی ژنان لە جیهان بەگشتی و تونس بەتایبەتی کردەوە.

14:53

بەرزبوونەوەی پلەی گەرما مەترسی ئاگرکەوتنەوەی دارستانەکان زیاد دەکات، چونکە زۆرێک لە وڵاتانی جیهان گۆڕانکاری کەشوهەوایان بەخۆوە بینیووە کە بووەتە هۆی ئاگرکەوتنەوە و زریان و وشکەساڵی.

14:23

کۆنگرەی ستار سەردانی ئەو خێزانەی کرد کە لە تۆپبارانی دەوڵەتی تورکیا لە گوندی دشیشا لە تل تەمر لە ٩ی کانونی یەکەم بریندار بوون.

12:56

هێرشەکانی ئیسرائیل بۆ سەر غەززە لە ئاسمان و وشکانیەوە بەردەوامەو ژمارەی گیان لەدەستدان ١٨ هەزارو ٨٠٠ کەسە ٨هەزاریان منداڵن و، ٦ هەزارو ٢٠٠یان ژنن، تەرمی ٧ هەزارو ٥٠٠ کەسیش نەدۆزراونەتەوەو لەژێر داروپەردوودان.

11:00

پارێزەرانی مافەکانی ژنانی مەغریب ڕایانگەیاند، پشتیوانی لە ژنان دەکەن لە وڵاتانی وەک سووریا و فەلەستین و سودان کە شەڕ تێیاندا بەردەوامە.