ڕۆژانە

13:12

کۆنفرانسی ژنان لە دژی پیلانگێڕی لە شەنگال کە بەیانی ئەمرۆ ١٢ی شوبات دەستیپێکرد بە وتار و پەیام بەردەوامە، نەورۆز ئویسال، پەرلەمانتاری شرناخ پەیامێکی ناردو ئاماژەی بەوە کرد، بەڕێز ئۆجالان ئەو کەسەیە کە زۆرترین گرنگی بە کۆمەڵگەی ئێزدی و شەنگال دەدات.

10:48

شاخێك لە باشووری فلیپین هەرەسی هێنا، بەهۆیەوە ٥٤ كەس گیانیان لەدەستدا و ٦٣ كەسی دیكەش بێسەروشوێن بوون، منداڵیکی سێ ساڵانیش ڕزگار کرا.

10:13

دایکانی شەنگال و ئەندامانی تاژێ و کەسانی ئایینی لە شەنگال بۆ ئازادی جەستەیی ڕێبەری گەلی کورد عەبدوڵا ئۆجالان، ڕوویان کردە خۆر و نزایان کرد.

09:04

ژنانی عەفرین کە کۆچیان کردووە بۆ کامپەکانی شەهبا دووپاتیان کردەوە سەرەڕای ئەو بارودۆخەی لە کامپەکاندا هەیە بەردەوامن لە بەرخۆدان و گەڕانەوە بۆ عەفرین مسۆگەر دەکەن.

08:43

تاڵیبان هەوڵ دەدات بە دەستگیرکردنی ژنان ترس لەناو خەڵکدا دروست بکات، بۆ ئەوەی بتوانن باشتر حکومڕانی خۆیان بکەن، بەڵام لە لایەکی دیکەوە لە بزووتنەوەکانی ژنانیش دەترسن.

08:23

لەیلا ئیبراهیم، ئەندامی بەڕێوەبەرایەتی ماڵی ئێزدییەکان لە کانتۆنی جزیرە، ئاماژەی بەوەکرد، هاوپەیمانی کۆمەڵایەتی باکوور و ڕۆژهەڵاتی سووریا سەرچاوەی پاراستنی ناسنامە و کولتووری کۆمەڵگەی ئێزدییەکان دەبێت.

07:51

موهلیسە کاراگوزەل، کە گواستراوەتەوە بۆ نەخۆشخانەی پەروەردە و توێژینەوەی ئەتاتورک لە ئیزمیر، ڕۆژی ١٦ی شوبات نەشتەرگەری بۆ دەکرێت، یەکێک لە داواکارییەکان بۆ ئازادکردنی لەسەر بنەمی تەندروستی ڕەتکرایەوە.

07:37

چەتەکانی دەوڵەتی تورک ڕولا حەمدۆی تەمەن ٣٨ ساڵیان لە شارۆچکەی ڕاجۆی عەفرین ڕفاند.

15:18

ئەمڕۆ لە شاری هەڵەبجە بۆ یەکەمین جار هۆڵێکی نەشتەرگەری کرایەوە کە ڕێژەی هەوکردن تیایدا نزیک دەبێتەوە لە سفر.

15:04

ڕێپێوانی گەورەی ئازادی، کە لە باڵەکانی وان و قەرس دەستیپێکرد، لە سێرت و سەرێکانی لە ١١یەمین ڕۆژدا بەردەوامە، بەشداربووان دەڵێن: ئاشتی لە دەنگ و وشەکانی بەڕێز عەبدوڵا ئۆجالاندا شاردراوەتەوە. بەڕێز ئۆجالان ڕێبەری ئاشتییە.

14:58

سزادانی مامۆستایانی ناڕازی و دوورخستنەوەیان لە هۆڵەکانی خوێندن ناڕەزایەتی بەرفراوانی مامۆستایانی لێکەوتەوە و لە سلێمانی مامۆستایان خۆپیشاندانیان کرد.

13:55

پاش تێپەڕینی چوار مانگ بەسەر خۆپیشاندانی مامۆستایان و هەڕەشە و گوشارەکانی سەریان، مامۆستایان و فەرمانبەرانی ناڕازی بەردەوامن لە بایکۆت و ئەمڕۆش لە شار و شارۆچکەکان خۆپیشاندان بەردەوام بوو.

13:49

ڕۆژنامەنووس کیبرییە ئەڤرەن، کە لە کاتی هەڵکوتانە سەر ماڵەکەیدا لە ٩ی شوبات دەستبەسەرکرا، بۆ ماوەی سێ ڕۆژ لە لقی تەم کۆجالی دەستبەسەرکراوە.

13:01

كتێبخانەی گشتی سلێمانی ئاماژەی بەوەکرد، لە ماوەی مانگی ڕابردوودا زۆرترینی سەردانیكەرەكانیان ژن بوون.

12:30

ژنانی گەنجی تونسی تیشکیان خستە سەر گرنگی پەروەردە و وتیان: بۆ دروستکردنی هەستی سەرکەوتن و سەربەخۆیی، پێویستە هەموو کچێک سوود لە مافی خوێندن وەربگرێت و شوێنێکی چالاک لە کۆمەڵگادا بگرێتەبەر.

11:07

ئەندامێکی کۆردیناسیۆنی کۆنگرە ستار ئەو چالاکیانە دەخاتەڕوو، کە لە ٢٥ ساڵەمین دەستگیرکردنی ڕێبەری گەلی کورد، عەبدوڵا ئۆجالان ڕێکدەخرێن و جەخت لە بەردەوامی چالاکییەکان تا ئازادکردنی ڕێبەر ئۆجالان دەکاتەوە.

10:00

كاتالین نۆڤاك، سه‌رۆكی هه‌نگاریا بەهۆی لێخۆشبوون لە پیاوێک کە دەستدرێژی کردبووە سەر منداڵێک، ده‌ست له‌كاركێشانه‌وه‌ی خۆی له‌ پۆسته‌كه‌ی ڕاگه‌یاند.

09:07

ئەو ژنانەی لە شەهبا کە ئامادەی کۆبوونەوەکانی دژ بە پیلانگێڕی نێودەوڵەتی دژی ڕێبەری گەلی کورد عەبدوڵا ئۆجالان بوون وتیان: تێدەکۆشین بۆ دڵنیابوون لە ئازادی جەستەیی ڕێبەر ئاپۆ و ئەمساڵ ساڵی ئازادی دەبێت.

07:53

لە پەیامێکدا بۆ کەژار، وێڕای ئیدانەکردنی هێرشەکانی تورکیا بۆ سەر کوردستان، کۆمەڵەی ڕاوای ئەفغانسی ڕایگەیاند، "ڕژێمی فاشیستی ئەردۆغان بە هێرشی ئاسمانی تاوانی ترسناک ئەنجام دەدات، بەڵام بەداخەوە حکومەتە کۆنەپەرستەکانی ڕۆژئاوا بێدەنگن.

07:30

لە ساڵیادی پیلانگێڕی نێودەوڵەتی دژ بە ڕێبەری گەلی کورد عەبدوڵا ئۆجالان، ڕێپێوانێکی جەماوەری لە ناوچەی عەرەبی شەنگال بە پیشەنگایەتی ژنان ڕێکخرا، ئەو ژنانەی بەشدارییان لە ڕێپێوانەکەدا کرد وتیان: ڕێبەر ئاپۆ هیوا و ئازادی پێشکەش بە ئێمەی ژنان کرد.