ڕۆژانە

11:37

ڕێزان شێخ دلێر، پارێزەرو ئەندامی دوو خولی پێشووتری پەرلەمانی عێراق دەربارەی ساڵیادی کیمیابارانکردنی هەڵەبجە دەڵێت: ١٦ی ٣ تەنها یادێک نییە، برینێکی ساڕێژنەکراوە لە جەستەی کورددا.

09:31

٣٨ ساڵ تێدەپەڕێت بەسەر کیمیابارانکردنی هەڵەبجەو جینۆسایدی گەلی کورد، لە ئەمرۆداو سەرەڕای نەبوونی چالاکییەکی فەرمی، هاوڵاتیان نایانەوێت بەبیرهێنانەوەکە کاڵ بکرێتەوە بەهەڵمەتی نەمام ناشتن بەشدارن و رەخنە دەگرن لەوەی وەک پێویست ئەم کارەساتە بەبیرناهێندرێتەوە

09:00

گرژییەکانی نێوان پاکستان و ئەفغانستان بەرەو هەڵکشان دەچێت و هێرشی ئاسمانی و پێکدادان بەردەوامە، بەپێی ئامارەکانی نەتەوە یەکگرتووەکان لە ٢٦ی شوباتەوە تا ئێستا بە لانیکەم ٧٥ هاوڵاتی مەدەنی کوژراون و نزیکەی ١١٥ هەزار کەسیش ئاوارەبوون.

07:37

پەروین بوڵدان، ئەندامی شاندی ئیمراڵی دەم پارتی لە ئاهەنگی جەژنی نەورۆز لە ئیدر وتی: ئێمە دەچینە ناو قۆناغێکەوە کە هەڤاڵە زیندانیکراوەکانمان ئازاد دەکرێن.

16:12

یەکێتیی ژنانی کورد لە ئەڵمانیا "یەژەکە-ئەڵمانیا" بە ڕاگەیاندراوێک پەردەپۆشکردنی ڕووداوە دەستدرێژییە زایەندییەکەی ناوچەی نۆیکویلنی ناوەندی بەرلینی ئەڵمانیای شەرمەزار کرد و داوای لێپێچینەوەیەکی ڕوونی کرد.

16:08

ڕۆهلات عەفرین، ئەندامی فەرماندەیی گشتی یەپەژە دەڵێت: بە هێرشەکان هەوڵی ترساندنی ژنان دەدرێت، بەڵام وەک ژنان دەستبەرداری تێکۆشان نابین و بە مێژووی بەرخۆدانمان سەلماندمان کە درێژە بە تێکۆشانمان دەدەین.

16:05

دامودەزگا هونەری و کولتوورییەکان لە ڕاگەیاندراوێکدا بە دروشمی "با نەورۆز بکەینە نەورۆزی ئازادی ڕێبەر ئاپۆ و یەکێتی دیموکراتیکی کورد"، بەرنامەی ئاهەنگی نەورۆزی خۆیان ڕاگەیاند.

15:52

لە شاری سلێمانی، بە ئامادەبوونی هاوڵاتییان، وڵاتپارێزان و کەسایەتییە سیاسییەکان و لایەنە حزبی و حکومییەکان، پرسەی سەرکردەی شۆڕشگێری کورد ساڵح موسلیم لە مزگەوتی قازی محەمەد بەڕێوەچوو.

15:39

سبەینێ ٣٨ ساڵ تیدەپەڕێت بەسەر کیمیاباران کردنی هەڵەبجەدا، بەڵام ئەمساڵ بەهیچ شیوەیەک یادکردنەوە و گردبونەوەی جەماوەری ڕێک ناخرێت.

15:14

دەسەڵاتدارانی ئێران ئامینە قاسم زادەو کوڕەکەیان دەستبەسەر کرد و هیچ زانیارییەک لەبارەی هۆکاری دەستبەسەرکردنیان یان شوێنی داگیرکردنیان لەبەردەستدا نییە.

13:33

کۆنگرەی ستار لە ڕۆژئاوای کوردستان، لە ڕێگەی هەڵمەتی "ئازادی بۆ دەستگیرکراوەکان"، داوای ئاشکراکردنی چارەنووسی دەستبەسەرکراوان دەکات، جەخت لەسەر بەردەوامی خەبات و هەوڵە سیاسی و دیپلۆماسییەکانی بۆ دەستەبەرکردنی ئازادکردنیان دەکاتەوە.

12:11

لە دوای ناڕەزایەتیی زیندانیان و هێرشێک لە نزیک زیندانی مهاباد، کاربەدەستانی ئێران دەیان گیراویان بۆ زیندانی ناوەندی شاری ورمێ گواستەوە.

11:06

لە شارۆچکەی سەیدسادقی سەر بە پارێزگای سلێمانی بە هۆی بەرکەوتنی فیشەکەوە ژنێکی ١٥ ساڵ، بە شێوەیەکی گوماناویی کوژرا.

09:58

هێرشەکانی ئیسرائیل-ئەمریکا بۆ سەر ڕۆژهەڵاتی کوردستان و ئێران بەردەوامە، کە بووەتە هۆی بەرزبوونەوەی ژمارەی قوربانیانی مەدەنی و ڕاپۆرتەکان ئاشکرای دەکەن کە دەیان کەس لە هێرشەکانی سەر دامەزراوە پیشەسازییەکان کوژراون و بریندار بوون.

07:52

لە ڕۆژئاوای کوردستان کۆمینەکانی دامەزراو لە گەڕەک و گوندەکان بنەمای سیستمی خۆبەڕێوبەری دیموکراتیکن کە پێکهاتەکە ڕاستەوخۆ بەشداری تێدا دەکات.

17:05

ئەکادیمیای ئیکۆلۆژی کۆڕێکی ناساندن و بڵاوکردنەوەی بۆ پەرتوکەکانی "ئیکۆلۆژی لە کۆمەڵگەی سروشتییەوە بۆ کۆمەڵگەی مۆدێرن، کۆمەڵگەی دیموکراتیک ئیکۆلۆژی، ئیکۆلۆژی کێشەو دەرفەتەکانی چارەسەری" ئەنجامدا.

13:20

یەکێتی ڕاگەیاندنی ئازاد لە ڕۆژئاوای کوردستان، لە نێو ئەو گۆڕانکارییە سیاسییانەی کە دوای ڕووخانی ڕژێمی بەعس و وەرگرتنی دەسەڵات لەلایەن حکومەتی کاتی لە سووریادا هاتە ئاراوە، کۆمەڵێک پێشێلکاریی بەرفراوانی دژ بە ڕۆژنامەنووسان بە ژن و پیاو بەڵگەدار کرد.

13:04

لە ١٨ـەمین ساڵەی زیندانییکردنی زەینەب جەلالیاندا، نوێنەرێکی حزبی چەپی ئەڵمانیا کەفالەتی سیاسیی ئەم زیندانییە سیاسییە کوردەی گرتە ئەستۆ و ڕایگەیاند، زیندانییانی سیاسی نابێت لە بیر بکرێن.

12:52

بەئامانجگرتنی ڕۆژنامەنووسانی فەڵەستینی لە سەرەتای ساڵی ٢٠٢٦ەوە چڕتر بووەتەوەو لیژنەی ئازادییەکان لە سەندیکای ڕۆژنامەنووسانی فەڵەستین ٢٢ دەستگیرکردنی بەڵگەدار کردووە کە چوار ڕۆژنامەنووسی ژنیان تێدایە.

12:15

ڕاپۆرتێکی نوێی ئاژانسی هەواڵی هەرانا ژمارەی مرۆیی هێرشەکانی ئیسرائیل-ئەمریکی بۆ سەر رۆژهەڵاتی کوردستان و ئێران ئاشکرا دەکات و دەڵێت: لە سەرەتای دەستپێکردنی هێرشەکانەوە ١٢٩٧ هاوڵاتی مەدەنی کوژراون کە ٢٩ کەسیان ژن و ٢٠٥ منداڵن.