ڕۆژانە

19:09

لە سلێمانی خۆپیشاندانی پشتگیری بۆ بەرخۆدانی ڕۆژئاوای کوردستان بەردەوامەو خەڵک بە ئامانجی پاڵپشتی بەرخۆدان و پاراستنی مافە نەتەوەییەکان لەسەر شەقامن.

18:33

هەتەشەو داعش و گروپەکانی ژیر دەسەڵاتی توکریا لە چوارچێوەی هێرشەکانیان بۆ سەر شاری کۆبانێ کارەبا و ئاوو ئینتەرنێتیان بە تەواوی بڕیوە.

18:18

کاروانەکانی گەنجان لە باشووری کوردستانەوە، کە بەشدارییان لە بانگەوازی سەفەربەری بۆ "بەشداریکردن لە شەڕی پاراستنی شەرەف" کرد، بەرەو شاری حەسەکە بەڕێکەوتن

15:11

لە کاتێکدا ناڕەزایەتییەکان دەچنە هەفتەی چوارەمەوە هەزاران کەس لە ڕۆژهەلاتی کوردستان و ئێران کوژران و دەستگیرکران، دۆخەکە بە ناجێگیری ماوەتەوە.

14:27

چەتەکانی سەر بە حکومەتی کاتی سووریاو دەوڵەتی داگیرکەری تورک هێرشیان کردە سەر گوندی حەمدوون لە کۆبانێ و بەهۆیەوە شەهید و بریندار هەیە.

13:59

چەتەکانی هەتەشە و دەوڵەتی تورک دوای داگیرکردنی شارۆچکەی شەدادێ، بێڕێزی بە مەزاری شەهیدان دەکەن و گۆڕەکان تێکدەدەن.

13:39

پێکهاتەی کورد و ژنانی لوبنانی ڕەخنەیان لە بێدەنگی کۆمەڵگەی نێودەوڵەتی سەبارەت بە ڕووداوەکانی ڕۆژئاوای کوردستان گرت و دەڵێن: ئازادکردنی ئەندامانی داعش لە زیندانەکان مەترسی لەسەر جیهان دروست دەکات نەک تەنها سووریا.

13:22

سەرلەبەیانی ئەمرۆ لە پارێزگای هەڵەبجەو بەئامادەبوونی تویژە جیاوازەکانی کۆمەڵگە، خۆپیشاندان و پشتگیری جەماوەری کوردو کوردستان بۆ بەرخۆدانی رۆژئاوا بەڕێوەچوو

12:56

ژنانی هونەرمەندی شاری قامیشلۆ دووپاتیان کردەوە، کە هونەرمەندان شۆڕشگێڕی گەلن و هەر بەو هۆیەشەوە پەیوەست بوون بە سەفەربەری، هیچ کەس ناتوانێت کولتووری گەلی کورد لەناو ببات.

12:21

هاوسەرۆکی پەیەدە بە مەبەستی بەخێرهاتن و سوپاسگوزاری پێشوازی لە گرووپێک لە ژنان و چالاکوانان و توێژە جیاوازەکانی باشووری کوردستان کرد کە چووبوونە ڕۆژئاوای كوردستان.

12:13

شاندی دەم پارتی و دەبەپە و نوێنەری ڕێکخراوە کۆمەڵایەتییەکان بۆ چوونە ناو ڕۆژئاوای کوردستان، گەیشتوونەتە شاری سلۆپی.

11:24

زەهرە وەردی، چالاکوانی مافی مرۆڤی مەغریبی هۆشداریدا لەوەی کە پەرەسەندنی ئەم دواییەی باکوور و ڕۆژهەڵاتی سووریا، ژنان پاڵدەنێتە پێشەوەی مەترسییەکان، ئەمەش لە کاتێکدایە کە توندوتیژی و ئاوارەبوون و نەبوونی پاراستن و لێنەپرسینەوە هەیە.

10:37

١١ ڕێکخراوی کورد کە لە ئەمریکا کاردەکەن و ئەندامی ئەنجومەنی شاری بێلڤیو لە ویلایەتی واشنتۆن نارین بڕیار، داوای وەرگرتنی بەرپرسیارێتییان لە کۆنگرێسی ئەمریکا کرد سەبارە بە هێرشەکانی سەر ڕۆژئاوای کوردستان.

10:24

گەنجانی کورد لە ڕۆژئاوای کوردستان، دەڵێن: ئێمە وەکو گەنجانی باشوور و ڕۆژئاوا و ڕۆژهەڵاتی کوردستان، لە سۆنگەی بەرپرسیارێتیمان بەرامبەر پاراستی وڵاتمان، بە ئامانجی بەرگریکردنمان لە ڕۆژئاوا بەشداری سەفەربەری گشتی دەبین شان بە شانی شەڕڤانان بەرخۆدان دەکەین.

10:07

لە باکووری کوردستانەوە تا کۆبانێ، لە ڕۆژئاوای کوردستان تا سنوورەکانی کوردستان، گەلی کورد لە ساتێکی مێژوویی سەرەکیدا یەکدەگرن، سەفەربەری ژنان و گەل ئامادەیی تەواو بۆ بەرخۆدان بەرجەستە دەکات و هێزی ئیرادەی گەل لە بەرامبەر بۆردوومان و هێرشەکاندا نیشان دەدات.

09:38

بۆ وەڵامدانەوەی سەفەربەری ئیدارەی خۆبەڕێوەبەری، بۆ پاراستنی ڕۆژئاوا بەرەبەیانی ئەمڕۆ، سێیەم کاروانی گەل لە سلێمانییەوە بەرەو ڕۆژئاوای کوردستان بەڕێکەوتن.

09:28

دانیشتوانی کامپی مەخموور دەستیان بە چالاکییەکان کردووە بۆ پشتیوانیکردن لە بەرخۆدانی ڕۆژئاوای کوردستان و ڕایانگەیاندووە کە تا ئەو کاتەی هێرشەکان دەوەستن، هەموو ڕۆژێک دەچنە سەر شەقامەکان.

08:27

دەستپێشخەریی ژنانی "پێویستم بە ئاشتییە" لە بەردەم کۆنسۆڵخانەی سووریا لە ئیستەنبوڵ، هێرشەکانی سەر ڕۆژئاوا کە لەلایەن چەتەکانی هەتەشەوە بە پشتیوانی دەوڵەتی تورکەوە ئەنجام دەدرێن، شەرمەزار کرد.

08:20

لە بەرامبەر بانگەوازی ئیدارەی خۆبەڕێوەبەری دیموکراتیکی باکوور و ڕۆژهەڵاتی سووریا، ژنانی کورد داوای هۆشیاری و بەشداریکردنیان لە سەفەربەری دەکەن و دەڵێن: ئێستا کاتی بوونە.

07:45

ژنانی کۆبانێ چوونە سەر شەقامەکان بۆ شەرمەزارکردنی هێرشە بەردەوامەکان، ئیرادەی خۆیان بۆ درێژەدان بە بەرخۆدان تا ڕزگارکردنی خاک لە دەستی چەتەکانی داعش و جیهادییەکان دووپاتکردەوە.