ڕابیعە خورەیس

 

جەزائیر – بۆکسێن و کیک بۆکسینگ تەنها هەڵبژاردنێکی وەرزشی نەبوو، بۆ فەوزیە نحاوەی جەزائیری بەڵکو ئاڵەنگاری کۆمەڵایەتی و پەیامێک بوو کە پێیوایە ژنان توانای خاوەندارێتی هێز و دیسیپلین و توانای ڕکابەریکردنیان هەیە، بەبێ ئەوەی دەستبەرداری خۆیان بن.

 

لەو کاتەوەی کە بۆ یەکەمجار لە ساڵی ١٩٩٤ هەنگاوی ناوە بۆ جیهانی وەرزشی بۆکسێن، فەوزیە نەحاوە ڕێگایەکی دروستکردووە کە زۆر دوور بووە لە ئاسانکاری، بەدرێژایی ساڵان لە وەرزشوانێکەوە پەرەی سەندووە بۆ ناوبژیوانی نیشتمانی و ڕاهێنەری وەرزشی و جێگری سەرۆکی کۆمەڵەی ستیف بۆ بەرکەوتنی تەواو و مو تای و وەرزشی هاوشێوە، جگە لەوەی سەرۆکایەتی لیژنەی ناوبژیوانی دەکات.

 

کاتێک ڕوانگە نەریتییەکان دەبنە سووتەمەنی بۆ سەرکەوتن

فەوزیە نەحاوە لە ستیف کە زێدی خۆی و ڕێگەی گەشتە وەرزشییەکەیەتی،  ڕێگای گەشتەکەی ئاسان نەبوو، ڕووبەڕووی ڕوانگەیەکی نەریتی بووەوە کە وەرزشی شەڕکردنی وەک بوارێکی دوور لە ژنان دەبینی، ئەو دەنگانەی کە توانای خۆڕاگرییەکەی دەخستە ژێر پرسیارەوە وتی: من وەک بەربەستێک نەمبینی، بەڵکو وەک پاڵنەرێکی گەورەترم بینی، پێموابوو باشترین وەڵام بۆ هەر گومانێک ئەوەیە کە کاری قورس و کۆڵنەدان بێت.

 

فەوزیە نەحاوە ئاماژەی بەوەدا، کە هونەری بۆکسێن زیاتر بوو لە تەکنیک و لێدان و پێشبڕکێ، ئەوان قوتابخانەیەکی گشتگیر بوون کە لە ڕێگەیەوە خۆی دۆزییەوە و فەلسەفەی ژیانی خۆی بونیادنا،  وتی: هونەری بۆکسێن فێری کردم کە هێزی ڕاستەقینە لە لێداندا نییە، بەڵکو لە توانای کۆنتڕۆڵکردنیدایە، فێری ئارامی و دیسیپلین و ڕێزگرتن لە کەسانی دیکە و بڕیاردان لە کاتی خۆیدا بووم.

 

ئاماژەی بەوەشکردووە، فێربووم کە بردنەوە هەمیشە بە واتای یەکەم بوون نییە، شکستیش کۆتایی ڕێگاکە نییە، بەڵکو دەرفەتێکە بۆ دەستنیشانکردنی خاڵە لاوازەکانت و کارکردن لەسەر باشترکردنیان.

 

لەم ڕوانگەیەوە هەوڵدەدات ئەم بەهایانە بگوازێتەوە بۆ منداڵانی کچ و نەوەی نوێی وەرزشوانانی ژن، ئامانجی ڕاستەقینەی وەرزش نابێت تەنها بە ژمارەی مەدالیاکان بپێورێت، بەڵکو بەو کاریگەرییەی لەسەر کارەکتەری وەرزشوانەکە هەیەتی.

 

لە ساڵی ٢٠٢٢ەوە فەوزیە نەحاو بە "پاڵەوان دروستکەر" ناسراوە، نازناوێک کە بە ڕێکەوت نەهاتۆتە ئاراوە، بەڵکو بەرهەمی چەندین ساڵ ڕاهێنان و ماندووبوونە.

 

ڕوونیکردەوە، بەدوای خاڵە بەهێزەکانی هەر وەرزشوانێکدا دەگەڕێم و کاردەکەم هەنگاو بە هەنگاو بەرزیبکەمەوە و پەرەیان پێبدەم، بە توندی باوەڕم وایە کە هەموو وەرزشوانێک خێرایی گەشەسەندنی خۆی هەیە، ڕۆڵی سەرەکی من وەک ڕاهێنەرێک ئەوەیە کە توانا شاراوەکانیان بدۆزمەوە و یارمەتیان بدەم بۆ گەیشتن بەو ئاستە.

 

تەواوی خێزانێک کە شوێن پێی دایکی خۆیان دەگرن

فەوزیە نەحاوە کاریگەری لەسەر خێزانەکەیشی هەیە، کە وەرزش بووەتە بەشێکی دانەبڕاو لە ژیانیان، وتی: ئەمڕۆ دایکی سێ کوڕ و کچم، گەورەکەم، ئیسحاق، وەک ڕاهێنەری کیک بۆکسێن لەسەر شوێنپێم دەڕوات، کچەکانیشم لە هەمان بواردا چالاکن، پشتێنی شینیان بەدەستهێناوە.

 

ئەم ئەزموونە لایەنێکی دیکەی گەشتەکەی ئاشکرا دەکات، کە توانای گۆڕینی وەرزش لە چالاکییەکی تەنهاوە بۆ کولتوورێکی خێزانییە کە لەسەر دیسیپلین و متمانە بەخۆبوون و هەوڵی بەردەوام بونیاد نراوە.

 

لە کاتێکدا فەوزیە نەهاوە سەرکەوتوو بوو لە شکاندنی چەشنە کۆنەپەرستانەکان لەناو ڕینگەکەدا، بەڵام بۆکسێنەکەی لەگەڵ جیهانی ناوبژیوانیدا چالاکتر بوو، وتی: وەرزشی بۆکسێنی ژنان لە جەزائیر پێشکەوتنی بەرچاوی بەدەستهێناوە، ئێستا منداڵانی کچ زیاتر متمانەیان بەخۆبوون و جەختکردنەوە و خۆپەرستانەتر لە پێشبڕکێکاندا هەیە، بەڵام ڕێگاکە "ئاسان نەبوو".

 

ئاماژەی بەوەشکردووە، لە شارەکەمدا من تاکە ژن بووم کە ئەم وەرزشەم ئەنجامدا، ئەمەش بووە هۆی ئەوەی هەندێک لە کۆمەڵگەکە بە ناڕەزایی و گومانەوە سەیرم بکەن، هەروەها ڕووبەڕووی کێشەی بەرچاو و بەربەستی زۆر بوومەوە لە بەدەستهێنانی بڕوانامەی ناوبژیوانیم.

 

ئەو ماوەیە بەبیر دێنێتەوە و وتی: هیچ پشتگیرییەکی ناوخۆییم وەرنەگرت، لەبری ئەوە ڕووبەڕووی هەموو جۆرە بەربەستێک و بەرخۆدان بوومەوە بەڵام وازم نەهێنا، بڕیارمدا زیاتر لە ساڵێک بگوازمەوە بۆ سکیکدە و ناوبژیوانی بخوێنم، لەوێشدا بە سەرکەوتوویی بڕوانامەم بەدەستهێنا، بەڵام ئەوە بە کۆتایی گەشتەکەی نەزانی، بەڵکو سەرەتای قۆناغێکی نوێ بوو، کە لەو ماوەیەدا بەردەوام بوو لە ڕاهێنان و کاری مەیدانی تا بڕوانامەی ناوبژیوانی نیشتمانی بەدەستهێنا.

 

بەرگری لەخۆ: دەسەڵاتێکە بۆ پاراستنی ژنان نەک دروستکردنی توندوتیژی

لە نێو ئەو بابەتانەی کە فەوزیە نەحاوە زۆر حەزی لێیە، فێرکردنی تواناکانی بەرگریکردنە لە منداڵانی کچ، کە لە باوەڕەکەیەوە سەرچاوەی گرتووە کە بەهێزکردنی ژنان تەنها لە خوێندن و دامەزراندندا سنووردار نییە، بەڵکو پێدانی توانای پاراستننیان بە کچانیش دەگرێتەوە، وتی: بیرۆکەکە بۆ من تەنها پەیوەست نەبووە بە یەک ڕووداوەوە، بەڵکو پەیوەندی بەو شتانە هەبووە کە لە ژن و منداڵانی کچەوە بینیومە و بیستوومە سەبارەت بەو دۆخانەی کە ڕەنگە ڕووبەڕوویان ببنەوە.

 

جەختی لەوە کردەوە، کە فێرکردنی بەرگریکردن لە خود بە واتای پاڵنانی ژنان بەرەو توندوتیژی نییە، بەڵکو بە پێچەوانەوە، متمانە و هۆشیاری و توانای مامەڵەکردنیان لە ژێر فشاردا و توانای تێگەیشتن لە دۆخەکە پێدەبەخشێت.

 

ڕەنگە یەکێک لەو گۆڕانکارییە بەرچاوانەی کە فەوزیە نەحاوە بە درێژایی ساڵانی کارکردنی شاهیدی بووە، گۆڕانی چۆنیەتی تێڕوانینی خێزانە جەزائیرییەکان بێت بۆ بەشداریکردنی منداڵە کچەکانیان لە هونەری بۆکسێندا.

 

لە کۆتایی قسەکانیدا، وتی: زۆرێک لە دایک و باوکان ئێستا زیاتر لە ڕابردوو بیرۆکەکە قبوڵ دەکەن، ئەمەش لە لایەکەوە دەگەڕێنێتەوە بۆ دەستکەوتەکانی وەرزشوانانی ژن و لە لایەکی دیکەشەوە بۆ گەشەسەندنی هۆشیاری خێزانەکان کە مەرج نییە هونەری بۆکسێن یەکسان بێت بە توندوتیژی یان بۆکسێن، وتی: زۆرێک لە دایک و باوکان ئێستا دیوەکەی تر و گەشاوەتری ئەم وەرزشە دەبینن، بەتایبەتی ڕۆڵی لە دوورخستنەوەی منداڵەکانیان لە ڕەفتارە نەرێنییەکان.