ڕۆژانە

12:44

داکۆکیکارانی مافەکانی منداڵان تیشکیان خستەسەر ئەو توندوتیژیانەی لە کاتی ناڕەزایەتیی شاری وان بەرامبەر بە منداڵان ئەنجام دراون و ڕایانگەیاند، هێزە ئەمنییەکانی دەوڵەت بە ئەشکەنجەدان و خراپ مامەڵەکردن لەگەڵ منداڵان تاوانیان ئەنجامداوە.

12:33

عوسمان ڕەشید ئیشیک، بەرپرسەی پێشووی دامەزراوەی ئەنسار، کە بە بابەتی دەستدرێژی سێکسی بۆ سەر منداڵان لە کەرەمان تاوانبار کرابوو، وەک ڕاگری کۆلێژی پەروەردەی زانکۆی سیتکی کۆچمان لە شاری موگلە دەستنیشانکرا.

11:00

نوریە ئارسلان و هۆشیار سەریڵدز، هاوسەرۆکانی شارەوانی ئاکدەنیز دوای دەستبەکاربوونیان وەک هاوسەرۆکی شارەوانی ناوچەکە، دەرگای سەرۆکایەتی شارەوانییان لابرد و ڕایانگەیاند، "ئاکدەنیز دەبێتە ناوەندی فرە کولتووری و فرە زمانی".

10:19

مانگرتن لە خواردنی زیندانیانی سیاسی، کە لە ڕۆژی ١٣٢ بۆ ئازادی جەستەیی عەبدوڵا ئۆجالان، ڕێبەری گەلی کورد بەردەوامە، بە بڕیاری بایکۆتکردنی دادگا و کۆبوونەوەی تەلەفۆنی و بنەماڵە و پارێزەران پێی ناویە قۆناغێکی نوێ.

09:49

نەسلیهان شەدال، هاوسەرۆکی شارەوانی وان، هەڵسەنگاندنی بۆ سەرکەوتنی مێژوویی سەرهەڵدانی شاری وان کرد و وتی: وەڵامدانەوەی دیموکراسیانەی گەل سەرکەوتنی بەدوای خۆیدا هێنا، لەمەودوا دەست بە خزمەتگوزاری و بنیادنان دەکەینەوە.

08:55

کۆچبەرانی عەفرین کە لە شارۆچکەی تل ڕەفعەت نیشتەجێ بوون، دژی هێرشەکانی داگیرکەری دەڵێن: بەرخۆدانمان لە دژی هێرشەکانی داگیرکەر بەردەوامە، مانەوەمان لە شەهبا، وەک دڕکێک وایە لە چاوی دوژمندا.

14:48

سەرەڕای کەمبوونەوەی ناڕەزایەتیی خەڵکی بەلوچ لە ڕۆژانی هەینی ناڕەزایەتیدا، هێشتا هێزە ئەمنی و سەربازییەکانی ڕژێمی ئێران لە شارە جیاوازەکانی سیستان و بەلوچستان جێگیر کراون.

14:19

ئەمساڵ خەڵاتی ڕۆمانی دویگو ئاسێنا بۆ ڕۆمانی "کورت" بەخشرایە نەسلیهان ئۆندەرئۆغڵو.

13:48

٧٥ەمین ساڵیادی لە دایکبوونی ڕێبەری گەلی کورد، عەبدوڵا ئۆجالان، لە شار و شارۆچکەکانی باشووری کوردستان بە نەمام چاندن پیرۆز کرا.

11:35

ژنان پێکەوە بەهێزن، کاردانەوەیان دژی ڕێگری پۆلیس لە چالاکی "ئێمە بە هەڵپەڕکێی وان، لە ئەستەنبوڵەوە بەشداری دەکەین" نیشاندا و ڕایانگەیاند، "سیاسەتی قەیوم قبوڵ ناکەین"

10:59

ئاریا مەلا ئەحمەد، هاوسەرۆکی ئەنجومەنی گەلی کانتۆنی جزیرە، دووپاتی کردەوە کە ئامانجی هاوپەیمانی کۆمەڵایەتی ژنان پاراستنی دەستکەوتەکان و کولتووری بەرخۆدانی ژنانە.

10:42

تەرمی محەمەد باڤلیی ١٦ ساڵ، کە ماوەی ١٥ ڕۆژە لە جزیرەی بۆتان بێسەروشوێن بوو، لە نزیک وێستگەی سنووری ڕوبەی دۆزرایەوە.

10:36

میترا ئارارات، شەڕڤانی یەبەشە لە ٧٥ەمین ساڵیادی لەدایکبوونی ڕێگەری گەلی کورد، عەبدوڵا ئۆجالاندا کارتی پیرۆزبایی بۆ هاوڕێکانی لە ڕیزی پێشەوەی شەڕدا نارد و وتی: ٤ی نیسان ڕۆژی لەدایک بوونی هەموومانە."

20:00

گەلانی ئازاد خواز لە ٤ی نیسانی هەموو ساڵێک بۆ یادی لە دایکبوونی ڕێبەری گەلی کورد عەبدوڵا ئۆجالان کۆمەڵێک چالاکی ئەنجام دەدرێت، لە باشووری کوردستانیش ئەو یادە بەرز ڕاگیرا.

19:00

ئیدارەی خۆسەری ڕایگەیاند، دەوڵەتی تورکیا شەڕی تاوانکاری بە هێرش بۆ سەر باکوور و ڕۆژهەڵاتی سووریا بەڕێوە دەبات و هەوڵی شاردنەوەی شکستەکەی دەدات و داوای لە کۆمەڵگەی نێودەوڵەتی کرد هەڵوێستی ڕوونیان هەبێت بەرامبەر بە هێرشەکانی دەوڵەتی تورکیا.

18:38

لە ٧ی ئۆکتۆبەری ڕابردووەوە ژمارەی قوربانیانی کەرتی غەززە بۆ ٣٣ هەزار و ٣٧ کوژراو و ٧٥ هەزار و ٦٦٨ بریندار بەرزبووەتەوە.

18:04

دوای زیاتر لە نۆ ساڵ شەڕی بەردەوام لە یەمەن، زیاتر لە ٢٠ ملیۆن و ٧٠٠ هەزار کەس بە دوای خۆراکی ڕۆژانەدا دەگەڕێن و لە هەر دە خولەکێکدا منداڵێک بەهۆی برسێتیەوە دەمرێت.

17:15

ڕێکخراوی لێبوردنی نێودەوڵەتی ئاماژەی بەوەکرد ساڵی ڕابردوو ٨٥٣ کەس لە زیندانەکانی ئێران لە سێدارە دراون و هۆشداریی لە "بەکارهێنانی لە سێدارەدان وەک ئامرازێک بۆ سەرکوتی سیاسی" داوە.

16:36

یونیسێف ڕایگەیاند، ساڵی ڕابردوو ژمارەی قوربانیانی مین لە میانمار بەرزبووەتەوە و گەیشتووەتە زیاتر لە هەزار و ٥٢ کەس، کە ٪٢٠یان منداڵن.

14:44

شەڕڤانانی ژن بۆ یانزەیەمین ساڵیادی دامەزراندنی یەپەژە، وتیان: شانازی دەکەین بە گەشتەکەمان و ئەو ئاستەی پێی گەیشتووین، سەرەڕای هەموو سەختییەکان، هێشتا بەردەوامین لەوەی دەستمان پێکردووە.