ڕۆژانە

08:49

ئەڤین جومعە، بەڕێوەبەری ڕێکخراوی مافی مرۆڤی سووریا ڕایگەیاند کە ژمارەی ئەو هاووڵاتییە مەدەنیانەی لە هێرشەکانی سەر شێخ مەقسود و ئەشرەفیە کوژراون زۆرە و هیچ ژمارەیەکی وردی ئەو کەسانە نییە کە ڕفێنراون یان بێسەروشوێن کراون.

08:25

لە دژی ئەو شەپۆلە لێدوان و وتارە توندڕەوانەی کە لەلایەن بەشێک لە مەلایانی ئایینییەوە دژی پێگەی ژن و تەڤگەری ئازادیی گەلی کورد دەدرێن، ژنان و چالاکوانانی دەڤەری ڕاپەڕین گردبوونەوەیەکی ناڕەزایەتییان ئەنجامدا.

07:50

ئێزدییەکان لە حەلەب ڕووبەڕووی هەڕەشەی جینۆساید دەبنەوە، ئەمەش لە کاتێکدایە کە بە زۆر کۆچکردن و ڕفاندن و چارەنووسی نادیاری خێزانەکانە دوای هێرشی جیهادیەکانی هەتەشە.

07:44

پێشهاتەکانی ئەم دواییە لە گەڕەکەکانی حەلەبی سووریا، نیگەرانی مافی مرۆڤی زیاد کردووە، سەبارەت بە پێشێلکارییە سەختەکان کە لەوانەیە بگاتە تاوانی جەنگ، هەوڵی سیستماتیکی بۆ خۆدزینەوە لە سزا و بە سیاسیکردنی دادپەروەری وروژاندووە.

07:20

بێریڤان شاهۆ، ڕۆژنامەنووس دەڵیت: ڕژێمی ئێران لەگەڵ دەستبەکاربوونی لە ڕێگەی حوکمی زۆرەملێ، زیندانیکردن، لەسێدارەدان و بڵاوکردنەوەی ماددە هۆشبەرەوە، ژنانی سەرکوتکردووە، بەڵام لە دوای شۆڕشی " ژن، ژیان، ئازادی"، لەدەنگ و ڕەنگی ژن دەترسێت.

14:45

لەگەڵ زیادبوونی هێرشەکان بۆ سەر ڕۆژنامەنووسان و هاوڵاتیانی مەدەنی لە حەلەب، یەرەئە دەڵێت: هەڵمەتە میدیاییە چەواشەکارەکان کە هەوڵی شێواندنی ڕاستییەکان و پێچەوانەکردنەوەیانە، هەوڵێکە بۆ ئاڵۆزکردنی ڕاستییەکان و پاساوهێنانەوە بۆ پێشێلکارییەکان.

14:19

فەرمادداری بەرخۆدان لە گەڕەکی ئەشرەفیە و شێخ مەقسودی شاری حەلەبی سووریا ڕایگەیاند، کە داستانی بەرخۆدان یەکێکە لە شەڕە توندەکان و ئاماژەترینە بۆ ئیرادەی گەل، سەرەڕای کەمی سەرچاوەکانیان، پاشەکشەیان نەکرد، بەڵکو بە ئیرادەیەکی نەگۆڕ شەڕیان کرد.

13:08

لەناو هەشت یاریزاندا، لە پاڵەوانێتی کیشوەری ئاسیا لە ئیمارات ئاڤێستا دڵشاد، کە ژنێکی کوردی خاوەن پێداویستی تایبەتە توانی پلەی دووەم بە دەستبهێنێت.

12:32

ناوەندی پێنی کورد لەبارەی هێرشەکانی سەر حەلەب و ڕۆژئاوای کوردستان ڕایگەیاند، ئەگەر دوێنێ ڕژێمی بەعس بە ناوی “ناسیۆنالیزمی عەرەبی” کوردانی دەچەوساندەوە، ئەمڕۆ خۆیان بە “ئۆپۆزسیۆن” دەناسێنن، کارەساتێکی گەورەتر دەخوڵقێنن و “جیهاد” دژی کورد ڕادەگەیەنن.

11:30

نووسەر کنێر عەبدولا لەسەر هێرشی شێخ مەقسودو ئەشرەفیە ڕەخنە لە نەتەوەیەکگرتووەکان و ڕێکخراوەکانی مافی مرۆڤ دەگرێت و دەڵێت: ئەمڕۆ لەهەموو کات زیاتر  لەبەردەم بەرپرسیارێیتیەکی مێژوویدان بەرامبەر بە گەلی کورد و ژنانی کورد.

11:01

ئەنجومەنی عشتاری کامپی پەنابەرانی مەخموور ڕاگەیاندراوێکی دژ بە مەلا مەزهەر خۆراسانی بلاوکردەوە کە بێڕێزی بە شەڕڤانێکی ژن کرد کەلە هێرشی سەر شێخ مەقسودو ئەشرەفیە شەهید بوو دواتر جیهادییەکانی هەتەشە تەرمەکەیان لە باڵەخانەوە فڕێدایە خوارەوە.

09:57

لە ڕووداوێکی دیکەدا کە ڕەنگدانەوەی ڕادەی پێشێلکارییەکانی ناو زیندانەکانی حوسییەکانە، غەدیر بەرەکانی، لە زیندانی ناوەندی شاری سەنعا کۆتایی بە ژیانی خۆی هێنا، ئەم ڕووداوە زیاد بوو بۆ زنجیرە پێشێلکارییە بەردەوامەکانی دژی ژنان.

09:34

مامۆستا شیرین دڕەیی لە نامەیەکدا کە ئاڕاستەی دۆناڵد ترەمپی، سەرۆکی ئەمریکای کردووە دەڵێت: بە کشانەوەی پاراستن و ڕێگەدان بە دوژمنەکانمان بۆ هێرشکردنە سەرمان، تۆ تەنها سیاسەتێکت نەگۆڕی، بەڵکو بەڵێنێکت شکاند.

08:30

میدیا نێودەوڵەتی و فارسییەکان ئامارێکی سەرسوڕهێنەریان لەسەر کوژرانی خۆپیشاندەران لە ڕۆژهەڵاتی کوردستان و ئێران بڵاوکردەوە، ئەمەش لە کاتێکدایە کە پچڕانی ئینتەرنێت بەردەوامە.

08:26

نیکۆلا ئەشرەف شاڵی، چاودێری سیاسی دەڵێت: خۆبەڕێوبەرییەکەی رۆژئاوا مەترسیی لەسەر نییەو ئایندەش هەر بۆ ئەوانە، جارێکی تر جەخت دەکەمەوە، ئایندە بۆ ڕۆژئاوای کوردستانە.

08:03

ژنانی شاری کۆبانێ هەڵوێستی خۆیان سەبارەت بە هێرشەکانی سەر گەڕەکە کوردنشینەکانی حەلەب و بێڕێزی بەرامبەر بە تەرمی شەڕڤانانی ژن لە شێخ مەقسود و ئەشرەفییە دەربڕی، سوێندی تۆڵەسەندنەوەیان خوارد و وتیان: ناهێڵین کەس دەست لە بەهاکانمان بدات.

07:50

ئەو پێشێلکاریانەی کە لەلایەن جیهادیەکانی هەتەشە و چەتەکانی تورکیا لە کاتی هێرشی ئەم دواییەی بۆ سەر گەڕەکی شێخ مەقسود ئەنجامدرا، لە ئەنجامدا کۆرپەیەک گیانی لەدەستدا دوای ئەزموونکردنێکی کورت کە لە نەخۆشخانەیەکەوە دەستیپێکرد.

07:25

سەروین جەلال، بەڕێوەبەری ئەنجومەنی ژن لە قەندیل و لاڤان حەمەدەمین، هاوسەرۆکی شارەوانی بناری قەندیل دەڵێن: سەرەڕای ئەوەی ژنان و منداڵان و گەنجان دەکرێنە قوربانیی ئەم سیاسەتە قێزەونە، بەڵام ڕۆژئاوا ئیرادەی پۆڵایینی خۆی بەدەستەوە نادات.

14:59

٤٩ خێزانی خەڵکی گەڕەکی شێخ مەقسوود و ئەشرەفییە و ١١٥ بریندار، کە زۆربەیان هاووڵاتیی مەدەنین، گەیشتوونەتە کامپی تێکۆشین لە تەبقا.

14:42

دایکانی ئاشتی کە بۆ ناڕەزایەتی دەربڕین بەرامبەر هێرشەکانی سەر گەڕەکەکانی شێخ مەقسود و ئەشرەفیە چوونەتە ئەنقەرە، ڕایانگەیاند، کە چەتەکانی هەتەشە بەردەوامی چەتەکانی داعشن و ئەو چەتانە لە داهاتوودا دەبنە بەڵایەک بۆ تورکیا.