ڕۆژانە

19:00

بە دروشمی "دەستپێشخەری پەیوەندی و سەرکردایەتی"، بەبۆنەی ڕۆژی جیهانی ژنان، کۆمەڵێک ژنی گەنجی جەزائیری دەستپێشخەرییەکی کۆمەڵایەتییان لە چوارچێوەی پرۆگرامی "EU Jeel Connect" دەستپێکرد، بە ئامانجی پشتگیریکردنی منداڵانی کچ و هۆشیارکردنەوەی خەڵک.

18:57

یەکێتی ژنانی سودان دەڵێت: گۆڕینی ڕۆژی جیهانی ژنان بۆ سەکۆیەک بۆ وروژاندنی پرسی ژنانی سودان لە ئاستی جیهانیدا، پەسەندکردنی سیمبۆلیزمی هاوردە نییە، بەڵکو بەکارهێنانێکی نوێکردنەوەی ئامرازێکی مێژوویی خەباتە.

18:54

بە نمایشێکی سەربازی، ژنە شەڕڤانانی یەپەژە یادی ڕۆژی جیهانی ژنانیان لە ڕۆژئاوای کوردستان کردەوە و جەختیان لە پابەندبوونی بەردەوامی یەپەژە بۆ پاراستنی ژنان لە داهاتوودا کردەوە.

18:51

بە بەشداریی خێزانی زیندانیان و بێسەروشوێنەکان، ژنانی شاری حەسەکە بە بۆنەی ڕۆژی جیهانی ژنان، ڕێپێوانێکی گەورەی ناڕەزایەتییان لە یاریگای شەهیدانی بەنداوی تشرین ڕێکخست و داوای ئازادکردنی ڕۆڵەکانیان کرد کە لەلایەن چەتەکانی هەتەشەوە بە دیل گیرابوون.

16:51

بەبۆنەی ٨ی ئادار، لە پارێزگای هەڵەبجە ڕێز لە ژنانی پەرستار گیراو لەلایەن ژنانەوە پیرۆزبایی و پەیمانی کارکردنی بەردەوام دووپاتکرایەوە.

16:00

لە سلێمانی بەبۆنەی ٨ی ئادار، بە ئامادەبوونی ژنانی چالاکوان و کرێکاران، ڕێپێوانێکی جەماوەری بۆ هۆشیارکردنەوەی کۆمەڵگەو ژنان، بە پێشکەش کردنی شانۆو، ڕێپێوانی جەماوەری ڕێکخرا.

15:20

بە بۆنەی ٨ی ئادار، ڕۆژی جیهانی تێکۆشانی ژنان لە بناری قەندیل بە پێشەنگایەتیی ژنان چالاکییەک بەڕێوەچوو. لە چالاکییەکەدا پەیامی کۆمەڵەی ژنانی کوردستان "کەژەکە"  خوێندرایەوە، کە بانگەوازی بۆ بەرزکردنەوەی ئاستی خۆڕێکخستن و یەکگرتوویی ژنان دەکات.

13:01

کەژەکە، ٨ـی ئادار ڕۆژی جیهانی تێکۆشانی ژنانی لە ژنان و ئازادیخوازان پیرۆز کرد و وتی: "بەڵێنمان نوێ دەکەینەوە، ئەو تاریکییەیی کە لە لایەن سیستەمی سەردەستی و پیاوسالارییەوە سەپێندراوە لە ژیانمانی دەرخەین و هەموو ڕۆژێک بکەین بە ٨ـی ئادار.

12:21

بە بۆنەی ٨ی ئادار ڕۆژی جیهانی تێکۆشانی ژنان ڕێبەری گەلی کورد لە ئیمراڵییەوە پەیامێکی نوێی بڵاو کردەوە و ڕایگەیاند، ژیانی ئازادیی ڕاستەقینەی کۆمەڵگە بە ژنەوە بەندە.

12:08

سەرەڕای ڕووبەڕووبوونەوەی هەڵاواردن و توندوتیژی و پەراوێزخستن، ژنانی سووریا بەردەوامن لە خەباتیان بۆ ئازادی و کەرامەت و بونیادنانی سووریایەکی دیموکراتی و ناناوەندی.

12:05

هاوکات لەگەڵ ڕۆژی جیهانی ژنان، یەپەژە بەڵێن بۆ درێژەدان بە خەباتی نوێ کردەوەو ددەڵێت ئازادی ژنان کرۆکی ژیانە و خەباتی بەردەوامیان درێژەپێدەری میراسێکی دوورودرێژی بەرخۆدانیان لە بەرامبەر دەسەڵاتە ستەمکارەکانە.

11:59

ژنانی لقی سلێمانی یەکێتی سەندیکاکانی کرێکارانی کوردستان ئەمڕۆ لە ٨ی ئادار، بە چاندنی ٥٠ نەمام بە دەستی ژنان کرێکار، ڕۆژی تێکۆشانی ژنانیان بەرز ڕاگرت.

10:20

لە باکووری کوردستان و تورکیادا ژنکوژی لە هەڵکشاندایە و ژنان هۆکارەکەی دەگەڕێننەوە بۆ پەروەردەی کۆمەڵایەتی کە پیاوان شکۆمەند دەکات و ژنان لە پێگەیەکی لاوەکیدا دادەنێت، دواتر دەسەڵاتی دادوەری بە سزای بێکاریگەر دێت.

10:00

مەڕاسیمی پیرۆزبایی هەشتەمین ساڵڕۆژی دامەزراندنی ژن تیڤی بەڕێوەچوو و جەخت لە بەردەوامی و درێژەدان بە ڕێگا و ڕێبازی شەهیدانی ڕاگەیاندنی ئازاد کرایەوە.

09:26

ڕێکخراوی پەیوەندییەکانی ئافرەتانی کوردستان "رێپاک" ٨ی ئادار ڕۆژی جیهانی تێکۆشانی ژنان لە هەموو ژنان پیرۆزدەکات و دەڵێت: ٨ـی ئادار ڕۆحی دیموکراسی و ئازادییە.

09:04

لە سەروبەندی ڕۆژی جیهانی ژنان، "پلاتفۆرمی دیموکراتی فرانتەیشناڵ بۆ ژنان" ڕاگەیاندراوێکی بڵاوکردەوە، دەڵێت: ژنان وەک زیانبەرکەوتووی سەرەکی هەڵاواردن و چەوساندنەوە دەمێننەوە، هەروەها جەختی لەسەر گرنگی هاودەنگی نێوانیان وکرەوە.

08:56

ژنانی دۆڵی قەرس لە بۆنەیەکدا کە لەلایەن تاژێ ڕێکخرابوو، ڕۆژی جیهانی ژنانیان بەرز ڕاگرت، جلوبەرگی نەریتی خۆیان لەبەر کرد و تیشکیان خستە سەر پەیامی ڕێبەر عەبدوڵا ئۆجالان، کە ژنان بە سیمبولی قارەمانێتی دەزانێت.

07:31

٨ی ئادار تەنیا ڕۆژمێرێک نییە بۆ پیرۆزبایی، بەڵکو گێڕانەوەی مێژوویەکی پڕ لە هەوراز و نشێوی تێکۆشانە کە لە ناوجەرگەی شۆڕشە پیشەسازییەکانی ڕۆژئاواوە دەستیپێکرد و لە مەیدان و چیا و شارەکانی کوردستاندا بوو بە بزووێنەری گۆڕانکارییە کۆمەڵایەتییەکان.

07:15

ڕوکەن نەغەدە، ئەندامی کۆردیناسیۆنی کژار دەڵێت: شەڕی ئێستای ئەمریکاو ئیسرائیل و هێرشی سەر ئێران بۆ بەرژەوەندی و دەسەڵاتی خۆیانە، شەڕی ژنان و کۆمەڵگە نییە، شەڕی بەرژەوەندییە، بەڵام ژنان دەتوانن لە ٨ی ئادار بەڕەنگی خۆیان کۆمەڵگەی دیموکراتیک بونیاد بنێن.

22:33

هاوپەیمانیی نەاا بە بۆنەی ٨ـی ئادارەوە ڕایگەیاند، دەنگی ژنان لە بەرامبەر شەڕ، دواکەوتوویی و جیاوازەییەکان و تا بەدەستهێنانی ئازادیی، دادپەروەریی و شکۆمەندی بە بەرزی دەمێنێتەوە.