ڕۆژانە

12:35

ڕێکخراوی لێبوردنی نێودەوڵەتی ڕایگەیاندووە کە نابێت ئەو تاوانانەی داعش ئەنجامی داوە بێ سزا بمێننەوە و بانگەوازێکی بەپەلەی کرد.

12:25

لەو ٣٧ کەسەی کە دوای خۆپیشاندانەکان دژ بە هێرشەکانی سەر ڕۆژئاوا لە ئامەد، ئێلح و دێرسیم دەستبەسەرکران، ١٠ کەسیان دەستگیرکران.

12:23

پزیشکانی خۆبەخش، بۆ چارەسەرکردنی برینداران و هاووڵاتیانی کورد لە ڕۆژئاوای کوردستان، داوا لە حکومەتی هەرێم و لایەنە پەیوەندیدارەکان دەکەن، کە بنکەیەکی تەندروستی لە سەر سنووری سێمێلکا بکەنەوە.

12:08

فیلیز بوداک، هاوسەرۆکی ئەنجومەنی گەل لە مەخموور دەڵێتڥ: ئامانجی هێرشەکانی سەر ڕۆژئاوای کوردستان چاندنی ناتەبایی ڕەگەزییە لەناو گەلاندا، جەختی لەسەر پێویستی دەرکردنی بانگەوازێک بۆ یەکڕیزی نێوان گەل لە بەرامبەر ئەو پیلانانەدا دووپاتکردەوە.

11:22

ئیلهام ئەحمەد ڕایگەیاند، ئاگربەست بەردی بناغەی جێبەجێکردنی ڕێکککەوتنی ١٨ـی کانوونی دووەمە و دەشڵێت: بۆ کۆتایی هێنان بە شەڕ هەوڵدانمان هەیە.

10:54

لە شاری ڕانیە بە دەستپێشخەری کۆمەڵێک لە کەسایەتی و چالاکوانانی نیشتمانی، کەمپینێکی فراوانی هاوپشتی بۆ ڕۆژئاوای کوردستان ڕاگەیەندرا.

10:28

مانگی سووری کوردستان ڕایگەیاند، بە هۆی سەرماوە چوار منداڵ لە کۆبانێ گیانیان لەدەستداوە، ئەمەش دوای گەمارۆکانی دەوڵەتی تورک و چەتەکانی جۆلانی دێت.

09:19

نوف عاسی، چالاکوانی عێراقی، کە لەناو ململانێی بەردەوامدا بۆ دارفور ڕاسپێردرابوو، دەڵێت: کاری مرۆیی لە ناوچە جێناکۆکەکان هەم جوانە و هەم قورسە، هەروەها پێویستی بە نەرمی و بوێری و کرانەوە هەیە.

07:49

لە گەڕەکی شۆڕیجەی شاری کەرکوک ژنێک بەدەستی هاوژینەکەی تێزابی پێدا کراو سووتا.

07:27

دوای بڕینی کەزی شەرڤانێکی کورد لەلایەن چەتە توندڕەوەکانی هەتەشەوە، ژنان لە باشووری کوردستان هەڵمەتی هۆنینەوەی کەزییان دەستپێکرد.

19:41

ئەمڕۆ سەرەڕای بەفرو سەرما، هاوڵاتیان لە شارو شارۆچکە جیاوازەکانی باشووری کوردستانەوە چوونە سەر شەقامەکان و پەیامیان دژی دەولەتانی داگیرکەر وتەوەو پشتیوانی خۆیان بۆ گەلی کورد لە ڕۆژئاوای کوردستان دووپاتکردەوە.

15:13

لە ئەوروپا زیاتر لە ٧٠ ڕێکخراو و دامەزراوە، هێرشەکانی سەر ڕۆژئاوایان شەرمەزار کرد و داوایان لە هەموو هێزە دیموکراسی و ئازادیخوازەکان کرد، لە تەنیشت ڕۆژئاوا بووەستن و یەکگرتنی نێودەوڵەتی پتەوتر بکەن و دەنگی خۆیان لە دژی ئەو هێرشانە بەرز بکەنەوە.

13:52

لە شاری کۆیەوە بۆ پشتگیری لە ڕۆژئاوای کوردستان بەدروشمی "ڕۆژئاڤا لە ناو دڵ وخوێنمانە" دەستکراوە بە کەمپینی کۆکردنەوەی هاوکاری.

12:46

دژی بێڕێزکردن و بڕینی پرچی ژنانی شەڕڤان لەلایەن چەتەکانەوە، گۆرانییەک بە ناوی “کەزی” ئامادە کرا.

12:00

ئەفراح شوکی، ڕۆژنامەنووسی عێراقی ڕایگەیاند کە پاڵپشتی لە بەرخۆدانی ژنان لە ڕۆژئاوای کوردستان دەکات و بێدەنگی کۆمەڵگەی نێودەوڵەتی لە بەرامبەر پێشێلکارییەکان شەرمەزار دەکات.

10:21

ژنانی سوەیدا پشتیوانی خۆیان بۆ ژنانی کورد لە دژی هێرشەکانی سەر باکووری ڕۆژهەڵاتی سوریا دەربڕی و وتیان: ئێمە ئازایەتی و ڕۆڵی ژنانی کورد بەرز دەنرخێنین، ئێمە لەگەڵیانین، ئێمە یەکین.

09:37

بە دروشمی "سلێمانی بەرەو خۆپیشاندانی ملیۆنی" بڕیارە ئەمڕۆ لە سلێمانی بۆ پشتیوانی لە بەرخودانی گەلی ڕۆژئاوای کوردستان خۆپیشاندانێکی گەورەی جەماوەری بەڕێوەبچێت و داوا لە هەموو کەس و لایەنێک دەکرێت بەشداری خۆپیشاندانەکە بن.

08:48

نەسلیخان حەسەنکە ماوەی چەند ساڵێکە حیجابەکەی لەبەردایە، دوای ئەوەی دەبینێت چەتەکانی هەتەشە قژی شەڕڤانێکی یەپەژە دەبڕن، بڕیار دەدات حیجابەکەی داکەنێت و وتی: قژمان خەریکە دەیانخنکێنێت.

08:08

کۆمیتەی خاچی سووری نێودەوڵەتی سەبارەت بە هێرشەکانی سەر باکوور و ڕۆژهەڵاتی سووریا هۆشداریدا و بانگەوازی بۆ پاراستنی خەڵکانی مەدەنی و گەیاندنی هاوکاریی مرۆیی کرد.

07:38

لە دۆڵی سێوەیسی بناری قەندیل، کە وەک لانکەی بەرخۆدان دەناسرێت، گردبوونەوەیەکی جەماوەری بۆ پشتیوانیکردن لە بەرخۆدانی ڕۆژئاوای کوردستان ئەنجامدرا. لە گردبوونەوەکەدا هێرش و کۆمەڵکوژییەکانی دەوڵەتانی داگیرکەر بۆ سەر ژنان و منداڵان شەرمەزار کرا.