ڕۆژانە

13:47

سەبارەت بە کۆنفرانسی "یەکڕێزیی و یەکهەڵوێستی کوردیی لە ڕۆژئاوا" ئیلهام ئەحمەد و فەسلە یوسف وتیان: پێویستە مافەکانی ژنان لە دەستوور و ئایندەی ژنان لە سووریای نوێدا دابنرێت.

13:24

سوهام شەنگالی، وتەبێژی تەڤگەری ژنانی ئێزدی ڕایگەیاند، هێرش بۆ سەر شەڕڤانانی یەکینەکانی بەرخۆدانی شەنگال، ئەو هەڕەشەیەی هاکان فیدان، وەزیری دەرەوەی تورکیا لە دژی شەنگال کردوویەتی، جیا نییە، یەکینەکانی بەرخۆدانی شەنگال هێزێکی شەرعییە بۆ پاراستنی گەلی ئێزدی.

12:52

ڕێکخراوی مافی مرۆڤی هەرانا بڵاویکردەوە، خوێندکارێکی تاران بە مەبەستی لێپرسینەوە لەلایەن هێزە ئەمنییەكانی ئێران دەستگیر کرا، ئەو ژنە بەهۆی ناڕەزایەتی دەربڕین دژی سزای لەسێدارەدانی پەخشان عەزیزی دەستگیر کراوە.

11:48

لەگەڵ بەردەوامبوونی بۆردوومان کە بەشێوەیەکی سیستماتیک خەڵکی مەدەنی لە کەرتی غەززە دەکاتە ئامانج، ژمارەی زیانبەرکەوتووانی غەززە بۆ زیاتر لە ٥٢ هەزار و ٢٤٣ کوژراو زیادی کرد، کە ٦٥٪یان منداڵ و ژن و کەسانی بەتەمەنن.

11:15

یەکگرتوویی کورد و جێگای ئەوان لە پرۆژەی ڕۆژهەڵاتی ناوەڕاستی دیموکراتیکدا، لە بانگەوازی ڕێبەری گەلی کورد عەبدوڵا ئۆجالان بۆ ئاشتی، کۆمەڵگەی دیموکراتیک بەرجەستە بوو.

10:49

ژنێکی مەسیحی دانیشتووی تاران بە ناوی نێرگز ناسری لەلایەن لقی ٣٦ی دادگای تێهەڵچوونەوە سزای ١٦ ساڵ زیندانیی و ١٥ ساڵ بێبەشکردنی لە مافە کۆمەڵایەتییەکان و سزای دارایی بە بڕی ٣٣٠ ملیۆن تمەنی بەسەردا سەپێندرا.

08:24

هێزەکانی پشتیوانی خێرا چەندین جار وێستگەکانی کارەبای لە ویلایەتەکانی وەک دەریای سوور، ڕووباری نیل، باکوور، خەرتوم، و بەنداوی مەروی کردووەتە ئامانج و ئازارەکانی هاوڵاتیانیان زیاتر کردووە.

14:56

بەشداربووانی سیمیناری گفتوگۆ کە لەلایەن کۆمەڵەی نور بۆ ژنان و خێزان و منداڵان ڕێکخرابوو، کۆک بوون لەسەر ئەوەی ئەگەر هەل بە ژنان بدرێت، ئەوا دەتوانن گۆڕانکارییەکی بەردەوام بەدەستبهێنن و کاریگەری ئەرێنی لەسەر کۆمەڵگە دروست بکەن.

14:40

بەپێی بڕیاری خۆبەڕێوەبەری باکوورو ڕۆژهەڵاتئ سووریا، ٧٦ خێزانی ئاوارەی کماپی هۆڵ کە خەڵکی ناوچەکانی باکوور و ڕۆژهەڵاتی سووریان، گەڕانەوە سەر ماڵ و حاڵی خۆیان.

14:16

ئەنجومەنی ژنانی سووریا کۆتایی هاتنی هەڵمەتی کۆکردنەوەی پارەی خۆی بۆ پشتیوانی لەو کەسانەی کە لە کەناراوەکانی سووریا زیانیان بەرکەوتووە، ڕاگەیاند.

13:49

لە ماوەی چارەکی یەکەمی ساڵی ٢٠٢٥دا، لە ئەنجامی شەڕی نێوان هێزەکانی ئیسرائیل و حەماس لە کەرتی غەززە، ١٥ ڕۆژنامەنووسی فەڵەستینی کوژراون و ١١ ڕۆژنامەنووسیش بریندار بوون و ماڵی ١٢ ڕۆژنامەنووس بە تەواوی وێران بوون.

13:00

ژمارەی کوژراوانی تەقینەوەکەی شاری بەندەر عەباسی ئێران بۆ ١٨ کەس بەرزبووەوە.

12:32

سالیحە ئایدەنیز و گولجان کاچماز سایگیت، ئەندامانی دەم پارتی، بەشدارییان لە کۆنفرانسی"یەکڕیزیی و یەکهەڵوێستی کوردیی لە ڕۆژئاوا" کردووە، جەختیان لەوە کردەوە کە یەکگرتوویی دەستکەوتە بەدەستهاتووەکان دەپارێزێت.

12:05

لە شاری میونشن چالاکییەک بەمەبەستی داواکردن لە دەوڵەتی ئێرانبۆ کۆتایی بە سزای لەسێدارەدان و هەڵوەشاندنەوەی ئەو سزایە بەڕێوەچوو کە بەسەر سێ چالاکوانی ژندا سەپێندراون.

09:54

توشبوویەکی ژن بە تای خوێنبەربوون، کە تەمەنی ٣٦ ساڵە و دووگیان بووە، کارمەندی نەخۆشخانەی گشتیی کەرکوک بووە، گیانی لەدەستدا.

09:37

لەناو گۆڕانکارییە سیاسییەکان و هەلومەرجی ناجێگیری سووریادا تیشک دەخرێتە سەر پێویستی بەشداریی کارای ژنان لە بڕیاردان، بەتایبەتی لە قۆناغی ئاوەدانکردنەوە و گواستنەوەی سیاسیدا.

09:27

لە جیهانێکدا کە بیروبۆچوونی پیاوسالاری، ئاڵەنگاری سیاسی و ئاسایش زاڵن، ژنە ڕۆژنامەنووسانی یەمەن ئاواتەخوازن بگەنە پۆستی پێشەنگایەتی لە دەزگاکانی ڕاگەیاندن و حکومیدا، کە لەهەردووکاندا هیچ ژنێک لە پۆستێکدا نییە.

09:03

ئارزو تەمۆ، بەڕێوەبەری ڕێکخراوی سارا بۆ باکوور و ڕۆژهەڵاتی سووریا سەرنجی ڕاکێشا بۆ ئەو فشار و سنووردارکردنانەی کە لەلایەن گروپی جیهادی هەتەشە لە سووریا بەسەر ژناندا سەپێندراوە و داوایکرد بکوژانی ژنان ڕووبەڕووی یاسا بکرێنەوە.

16:05

کۆنفرانسی "یەکڕیزیی ویەکهەڵوێستیی کوردیی لە ڕۆژئاوای کوردستان" کە ئەمڕۆ بە بەشداری زیاتر لە ٤٠٠ نوێنەر بەڕێوەچوو ، تێیدا دروشمی ژن، ژیان، ئازادی بەرزکرایەوە.

15:50

ساڵەکانی ڕۆژ بۆ هەڵەبجەییەکان پڕن لە یادو بیرەوەری ناخۆش، پڕن لە کارەسات و مەینەتی و ماڵ وێرانی، ئەمڕۆش دیسان یادێکی تاڵی ئەو بیرەوەرییانەیە، کە بۆردمانکردنی ھەڵەبجەیە لەلایەن فڕۆکە جەنگییەکانی ڕژێمی بەعسەوە بە چەکی ناپاڵم.