حەنان حارت

 

مەغریب- ڕەفیقە حەوات گەشتەکەی بە دیزاینی جانتا دەستپێکرد بەبێ ئەوەی پلانی پێشوەختە دابنێت. خولیای دروومان تەنها خولیایەک بوو کە بۆ خێزانەکەی. بەڵام ئەزموونی لە چین و دروستکردنی جانتایەکی تایبەتمەنددا، بردییە جیهانێکی نوێ، دوای ئەوەی دیزاینەکانی لەلایەن هاوڕێکانیەوە کە سەرسام بوون پێیان، دەستیکرد بە وەرگرتنی داواکاری.

 

بیرۆکەی دیزاینکردنی جانتا هەرگیز لە مێشکی ڕەفیقە حەواتدا نەبوو، هەمیشە خولیای دورومان و دیزاین بووە. دروومان بەشێکە لە ژیانی ڕۆژانەی، کاتژمێرانی زۆریش بە دروستکردنی دیزاینی سادە بۆ خێزانەکەی بەسەر دەبات. هەرگیز بیری لەوە نەکردۆتەوە کە خولیای خۆی بکاتە پڕۆژەیەک. ڕێکەوت وای لێکرد ئەو کارە بکات کاتێک بڕیاریدا بۆ یەکەمجار چنین تاقیبکاتەوە و جانتایەک بۆ خۆی دروست بکات.

 

ڕەفیقە حەوات ئەو ساتەوەختە بەبیر دێنێتەوە و دەڵێت "تەنها ویستم جانتایەکی ناوازە بۆ خۆم دروست بکەم، کاتێک هاوڕێکانم بینییان ئەوەندەیان خۆشویست، داوایان لێکردم جانتای هاوشێوە دیزاین بکەم، پێم وا نەبوو ببێتە پڕۆژە، بەڵام هاندانی ئەوان وای لێکردم بەڕاستی بیر لەو بیرۆکەیە بکەمەوە".

 

دەستی کرد بە دیزاینکردنی جانتای جیاواز، بە بەکارهێنانی تواناکانی لە دورومان و چنین. لەگەڵ هەر داواکارییەکی نوێدا، خۆی دەبینی کە قووڵتر دەبێتەوە لە جیهانی دیزایندا، بیرۆکەی نوێ دەکۆڵێتەوە، تێکەڵەی ڕەنگی داهێنەرانە دروست دەکات. تەنها پەیوەندی بە دورینەوە نەبوو، بەڵکو ڕەنگدانەوەی خەیاڵ و سەلیقەی هونەری بوو.

 

لەنێو دیزاینە هەرە بەنرخەکانیدا جانتایەک هەیە کە بە بە دەزووی چنینی قاوەیی تۆخ ئەستوور، دەسکێکی تەختەی نەخشێنراوی زیاد کرد، بە دەستلێدانێکی تایبەت لەگەڵ گوڵێکی چنین کە لە سوچەکەدا جێگیر کرابوو تەواو کرد.کاتێک پرسیارمان لێکرد دەربارەی سەرچاوەی ئیلهامەکەی، وەڵامی دایەوە "من زۆرم خۆشدەوێت، ئیلهام لە سروشت وەردەگرم. ئەم جانتایە لە سروشتەوە ئیلهام وەرگیراوە. ویستم سروشتی دەربکەوێت و هەستی ڕێکخستنی هەبێت".

 

ڕەفیقە حەوات تەنها دیزاینە ئامادەکراوەکان کۆپی ناکات؛ هەوڵدەدات پارچەی ناوازە پێشکەش بکات کە ڕەنگدانەوەی شێوازی کەسی خۆی بێت، خواستی کڕیارەکان بەدی بهێنێت، بەدوای دەست لێدانێکی جیاوازدا دەگەڕێن لە ئیکسسواراتە دەستییەکاندا. لەگەڵ زیادبوونی خواست لەسەر جانتاکانی، درکی بە گرنگی بانگەشەکردنی بەرهەمەکانی کرد لە دەرەوەی دەوروبەرەکەی. بەو پێیەی فرۆشگای تایبەتی خۆی نییە، ڕووی لە سۆشیال میدیا کردووە، ماڵپەڕەێکی دروستکردووە بۆ نمایشکردنی دیزاینەکانی، وێنەی هەر جانتایەکی نوێ کە دروستی دەکات بڵاویدەکاتەوە.

 

 

 سەبارەت بەم هەنگاوە بەرەو بەرزکردنەوەی ئاستی خۆی لە سۆشیال میدیادا دەڵێت "کارلێکی خەڵک لەگەڵ کارەکانم پاڵنەرێکی زیاتری پێبەخشیم بۆ بەردەوامبوون، ئەمەشم وەک هەلێکی ڕاستەقینە بینی بۆ فراوانکردنی پڕۆژەکەم".

 

سەرەڕای سەرکەوتنەکانی لە پەرەپێدانی ئۆنلاین، ڕەفیقە حەوات هێشتا پێشانگە نەریتییەکان وەک بەشێکی گرنگی ستراتیژی خۆی دەبینێت. کڕیاران دەتوانن لە نزیکەوە جانتاکان ببینن، دەستیان لێ بدەن، ئەمە وایان لێدەکات زیاتر قەدری کارە دەستییەکان بزانن. بەڵام بەهۆی زۆری کرێی بەشداریکردن لەم پێشانگانەدا ڕووبەڕووی ئاڵەنگاری دەبێتەوە، ئەمە چانسی گەیشتن بە بینەرێکی فراوانتر سنووردار دەکات، بەتایبەتی کە ژنی ماڵەوەیە و داهاتێکی جێگیر نییە.

 

سەرەڕای سەرکەوتنی پڕۆژەکەی، ڕێگاکە ئاسان نەبوو. ڕەفیقە حەوات سەرەتا ڕووبەڕووی پرس بووەوە لە دۆزینەوەی کەرەستەی سەرەتای و بەو کوالیتییەی کە پێویستی پێی بوو، پەرەپێدان و بنیاتنانی بنکەی کڕیاران چالاک بوو. بەڵام وازی نەهێنا، لەبری ئەوە لە ئەزموونەکە فێر بوو، وردە وردە پەرەی بە تواناکانی دا. "کاتێک دەستم پێکرد بە جۆش و خرۆشەوە کارم دەکرد، بەڵام بەبێ پلانێکی ڕوون. ئەمڕۆ بە شێوەیەکی ڕێکخراوتر بیردەکەمەوە و بەدوای هەل نوێدا دەگەڕێم بۆ فراوانکردنی پڕۆژەکەم".

 

جگە لە ئاستەنگە پیشەییەکانی، ڕەفیقە حەوات هەوڵدەدات بەرپرسیارێتی خێزانییەکەی لەگەڵ کاروباری درووماندا هاوسەنگ بکات. بەیانیان بە چاودێریکردنی خێزانەکەی بەسەر دەبات، لە هەمان کاتدا ئێواران تەرخان دەکات بۆ جێبەجێکردنی داواکاری کڕیاران. دان بەوەدا دەنێت کە ئاسان نییە، بەڵام بە خواست و ڕێکخستن دەکرێت. "ژن دەتوانێت هاوسەنگی بەدەستبهێنێت ئەگەر پشتگیری و خواستی هەبێت".

 

بۆ ئەو ئەم پڕۆژەیە تەنها سەرچاوەی داهات نەبوو؛ گۆڕانکارییەکی ڕیشەیی بوو لە ژیانیدا. پێش ئەوەی دەست پێبکات، هەستی دەکرد ڕۆتین دەیکوژێت. بەڵام ئەمڕۆ لە هەر جانتایەکدا کە دروستی دەکات، خۆشی و هەستکردن بە دەستکەوت دەبینێت، بە تایبەت کاتێک کاردانەوەی خەڵک بەرامبەر بە کارەکانی دەبینێت.

 

لە کۆتایی قسەکانیدا، ڕەفیقە حەوات پەیامێکی ئاراستەی ژنان کرد، داوای لە ژنان کرد کە ڕێگەی خۆیان بۆ سەربەخۆیی بدۆزنەوە، وتی: ژنان دەبێت کار بکەن و خۆیان بسەلمێنن، کارکردن هێز و ئازادییان پێدەبەخشێت، وایان لێدەکات هەست بە بەهای خۆیان بکەن. نابێت چاوەڕێی بارودۆخی گونجاو بکەن، بەڵکو دەبێت دەستپێبکەن، تەنانەت بە هەنگاوی بچووکیشەوە.