ڕۆژانە

08:52

دەزگای فریاگوزاری و كارەكانی نەتەوەیەكگرتووەكان بۆ پەنابەرانی فەڵەستین بڵاوی كردەوە، نزیكەی ٦٦٠ هەزار منداڵ لە غەزە هێشتا لە خوێندن دابڕاون، هەروەها ٨٨٪ی خوێندنگەكانی غەززە لەناوچوون، زیاتر لە ١٤ هەزار منداڵیش شەهید كراون.

07:39

ژنانی کامپی پەنابەرانی مەخموور هێرشەکانی دەوڵەتی تورکیایان بۆ سەر ئێشکگری بەنداوی تشرین شەرمەزار کرد، ئەو ژنانە داوایان لە هەموو گەلی کورد کرد کە لە دژی هێرشەکان یەکبگرن و لە ڕێگەی خەباتی خۆیانەوە شکستیان پێبهێنن.

14:57

دەیان ژن بە پێشەنگایەتی کۆنگرەی ستار ڕاگەیەندراوێکی هاوبەشیان بڵاوکردەوە و ڕایانگەیاند، شوێن پێی بەرخۆدانی پەخشان عەزیزی دەکەون و داوای ئازادی جەستەیی بۆ دەکەن.

14:46

نێرگس محەمەدی لە میانی دیدارێکدا ئاماژەی بەوەدا، بارودۆخی ژنانی زیندانیی سیاسیی زۆر خراپە و ڕژێمی ئێران هەوڵ دەدات تۆڵەی شۆڕشی "ژن، ژیان، ئازادی" لە ژنان بکاتەوە.

14:19

شاندی ئیمراڵی سەبارەت بە دیدار لەگەڵ ڕێبەری گەلی کورد، عەبدوڵا ئۆجالان، کە دوێنێ ٢٢ی کانوونی دووەم ئەنجامدرا، ڕاگەیەندراوێکی بڵاوکردەوە و تیایدا هاتووە، "ئەم پرۆسەیە ژیانێکی ئازاد و یەکگرتوو بۆ هەمووان دەستەبەر دەکات".

13:50

ڕاپۆرتەکان باس لەوە دەکەن کە تا ئێستا تەرمی ١٦٢ فەلەستینی لە ژێر داروپەردووی باڵەخانەکان دەرهێنراون کە بەهۆی هێرشەکانی ئیسرائیلەوە وێران بوون.

13:05

ئەمڕۆ لە بەردەم نەخۆشخانەی هیوا لە شاری سلێمانی، لە دژی بە تایبەتکردنی کەرتی تەندروستی کۆنگرەیەکی ڕۆژنامەوانی بەسترا و ڕایانگەیاند، "جێگای سەرنجە لە ئێستادا وەزارەتی تەندروستی بێدەنگی هەڵبژاردووە و دەیانەوێت خۆیان لە ئاست ناڕەزایەتی هاوڵاتیان بدزنەوە".

12:56

بوشرا عەبدۆ، پێشەنگی کۆمەڵەی زەحمەتکێشان بۆ یەکسانی و هاوڵاتیبوون، سەرنجی بۆ ئەو توندوتیژییە ڕاکێشا کە ژنان لە مەغریب ڕووبەڕووی دەبنەوە و جەختی لەسەر پێویستی کردنەوەی پەناگە بۆ پاراستنی ژنان کردەوە.

12:27

 لە سودان ئاوارەبوون بەهۆی ململانێکانەوە بووەتە هۆی دروستبوونی زبڵ و خاشاکی زۆر لە شارەکاندا، ژنە چالاکوانێک بە ناوی سەلما عەواد فازل پێشەنگایەتی هەڵمەتێکی پاککردنەوە دەکات بۆ چارەسەرکردنی ئەم کێشەیە.

10:47

کۆمەڵەی ژنانی زەنوبیا کاردەکات بۆ بەهێزکردنی کۆبوونەوە و پەروەردەکانی هۆشیاری، بە ئامانجی بەهێزکردنی ژنان بۆ گەیشتن بە سەربەخۆیی خۆیان.

10:21

تەنیا لە ماوەی یەک مانگدا ٢٧ ژن و سێ منداڵ کوژراون و سەرەڕای زیادبوونی ڕووداوەکانی کوشتن و توندوتیژی دژی ژنان، دەسەڵاتدارانی ئێران هیچ هەنگاوێکی بۆ کەمکردنەوە و کۆتاییهێنانیان نەناوە.

10:07

دوو ژن لە ڕۆژهەڵاتی کوردستان و ئێران لەلایەن ڕژێمی ئێرانەوە دەستگیر کران و چارەنووسیان نادیارە.

09:51

کۆمەڵێک لە توێژەکانی عێراق ڕایانگەیاند، "ئێمە دەستپێشخەرییەكمان بۆ ئازادیی ڕێبەر ئۆجالان ڕاگەیاندووە، لە ڕێگەی چالاكییە كولتووری و فیكرییەكانەوە كار بۆ پێناسەكردن و بڵاوكردنەوەی فكری ئۆجالان دەكەین و داوای ئازادی جەستەیی دەكەین".

08:04

چالاکی دانیشتن کە بە ئامانجی ئازادیی جەستەیی ڕێبەری گەلی کورد، عەبدوڵا ئۆجالان لە بەردەم نووسینگەی نەتەوە یەکگرتووەکان لە جنێفی پایتەختی سویسرا بەڕێوە دەچێت، لە چالاکی ئەم هەفتەیەدا وێنەی زیندانیانی سیاسی و شەهیدانی بەنداوی تشرین بەرز کرایەوە.

07:45

یەکێک لە پارێزەرانی پەخشان عەزیزی بە ناوی مازیار تاتای ڕایگەیاند کە سزای لەسێدارەدان بۆ پەخشان عەزیزی هەڵپەسێردراوە.

07:30

ڕۆنیز محەمەد عەلی کە لە ئەنجامی هێرشی دەوڵەتی تورک بۆ سەر بەرخۆدانی گەل لە بەنداوی تشرین لە ١٥ی کانوونی دووەم بریندار بوو، دوێنێ گیانی لەدەستدا.

14:28

ئەنجومەنی بنەماڵەی شەهیدانی کانتۆنی جزیرە ڕایگەیاند، لە هێرشێکی فڕۆکەوانی دەوڵەتی تورکیا، هەزنا عەبدە، ئەندامی هەپەجە- ژن کرایە ئامانج و گیانی لەدەستدا.

13:54

دژی پەسەندکردنی هەموواری یاسای باری کەسیی لەلایەن پەرلەمانی عێراقەوە، هاوپەیمانی ١٨٨ی سلێمانی کۆنگرەیەکی ڕۆژنامەوانیان ئەنجامداو وتیان: بڕیارێکی نامرۆڤانەیە و سەودا و مامەڵەی بە ژیانی تەواوی کۆمەڵگەی عێراقەوە کرد، بەتایبەتی منداڵان و ژنان.

12:42

دەوڵەتی تورکیا و چەتەکانی گرتە ڤیدیۆییەکانی کۆمەڵکوژی دژی خەڵکی مەدەنی لە بەنداوی تشرینیان بڵاوکردەوەم سەرەڕای ئەم دیمەنانە، کۆمەڵگەی نێودەوڵەتی بێدەنگە.

11:36

ژمارەی ئەو کەسانەی بەهۆی ئاگرکەوتنەوە لە هۆتێل کارتالکایا لە شاری بۆلو گیانیان لەدەستداوە بۆ ٧٦ کەس بەرزبووەتەوە، سەبارەت بە ئاگرەکە ٩ کەس ڕاگیراون.