ڕۆژانە

16:00

دیمەنی لەناوبردنی چەک لەلایەن گەریلا بە پێشەنگایەتی بەسێ هۆزات، هاوسەرۆکی ئەنجومەنی جێبەجێکردنی کەجەکە، ڕەنگدانەوەی گۆڕانی خەباتی شەڕڤانی بوو بۆ ڕێبازێکی سیاسی و ئاشتیانە، هەروەها مژدەی داهاتوویەکی پڕ لە زانست و مژدەی داهاتووی ئاشتی و دیموکراتی بوو.

15:18

نەسیمە سادات، چالاکوانی ئەفغانی کە چەندین جار لەلایەن تاڵیبانەوە دەستگیرکراوە بەهۆی بەشداریکردنی لە خۆپیشاندانەکانی ناڕەزایەتی دژی سیاسەتی سەرکوتگەرانەی تەڤگەرەکە بەرامبەر بە ژنان، ڕووبەڕووی دیپۆرتکردنەوەی زۆرەملێ دەبێتەوە لە پاکستان.

14:51

دایکانی ئاشتی دەڵێن: ئێمە ئاشتی و پێکەوەی ڕۆژهەڵاتی ناوینمان دەوێت، نەک ڕشتنی فرمێسک بۆ ڕۆڵەکانمان، لە پێناو مافەکانمان چەکمان هەڵگرت و لە پێناو بەدەستهێنانیشمان چەک لەناو دەبەین.

13:52

دیمەنی کۆتا ئامادەکارییەکانی ئەندامانی گروپی "ئاشتی و کۆمەڵگەی دیموکراتیک" پێش ئەنجامدانی مەراسیمە سیمبولیکییەکەی گەریلا بڵاوکرایەوە کە لە سنووری سلێمانی دوێنێ چەکەکانیان سووتاند.

13:26

لەنێوان ڕاستیەکی کۆمەڵایەتی ترسناک و قەیرانە مرۆییە یەک لە دوای یەکەکاندا، پرسی هاوسەرگیری منداڵان لە یەمەن تا دێت زیاتر بەرچاو دەکەوێت، وڵاتەکە شاهیدی هاوسەرگیری منداڵێکی١٢ ساڵ بوو.

12:12

لە دڵی شاخە بەرزەکانی ڕۆژهەڵاتی ئەفغانستان، کە ڕێگاوبانەکان هێشتا سەرەتایین و دەوڵەت دیار نییە، ژنانی زیندوو کە بە پایەی بێدەنگی کۆمەڵگە دادەنرێن دەژین، نورستان خاکێکی فەرامۆشکراوە، بەڵام دەنگی ژنەکانی لە قوڵایی سەدەکانی بێدەنگی و چەوسانەوە هەڵکشاوە.

11:36

سەلوا عوسمان، پارێزەر سەبارەت بە هێرشەکانی ئیسرائیل بۆ سەر زیندانی ئێڤین، وتی: لە ئێراندا مافی زیندانییەکان بە ئاشکرا پێشێل دەکرێن و ئەمەش لە بۆردوومانەکەدا دیار بوو کە زیندانەکەی کردە ئامانج، زۆر گرنگە هەنگاو بنرێت بۆ پاراستنی مافی زیندانییەکان.

10:12

ڕێزان شێخ دلێر چالاكوانی سیاسی دەڵێت: دوێنێ ڕۆژێکی مێژوویی بوو و تێیدا هەنگاوێكی گرنگ و چارەنووسساز و سەرەكی بەڕێوەچوو.

09:37

لە ڕاستیەکی کۆمەڵایەتیدا کە توندوتیژی بەرامبەر ژنان بەردەوام دەکات و بەناوی نەریت و دەسەڵاتدا کۆت و بەندیان بەسەردا دەسەپێنێت، دەنگی ژنان وەک هاوارێک بۆ ئازادی و کەرامەت سەرهەڵدەدەن، خەبات لە ڕووبەڕووبوونەوەی کابوسی دەستدرێژی سێکسی بەردەوامە.

09:05

بەڕێوەبەرى مۆزەخانەى نیشتمانیى ئەمنە سوورەکە لە سلێمانی ڕایگەیاند چەکە سووتێندراوەکانى پەکەکە لە ئەشکەوتى جاسەنە دەپارێزرێن.

08:10

بەسێ هۆزات، هاوسەرۆکی کۆنسەی بەڕێوەبەریی کەجەکە سەبارەت بە مەراسیمی چەک لەناوبردن وتی: ئیتر چەک بەربەست نییە، ئێمە چەکەکانمان سووتاند ئیتر نۆرەی لایەنی بەرامبەرە.

20:42

سروە عوسمان شاعیر ڕایگەیاند، سووتاندنی چەک گۆڕینەوەی خوێنڕشتنە بە دانووستان لەمڕۆژە مێژووییە، دەشڵێت: گەریلای وڵاتپارێز شکۆی گەل و نەتەوەکەمانە، خۆری ئازادی لەسایەی ئێوەوە هەڵدێت.

16:04

نیکۆلا ئەشرەف شاڵی، مامۆستای زانکۆ دەڵێت: پەکەکە گرووپی ئاشتیی و کۆمەڵگەی دیموکراتیک، چەکی ڕادەست نەکردووە، بەڵکوو تەنها بەشێوەیەکی سیمبوولێکی سنووردار چەند چەکێکی لەناوبردووە، پارادایمی کورد: چەک، چیا، جەنگ بەردەوام دەبێت.

16:00

ڕۆژنامەنووس نیاز عەبدوڵا دەڵێت: ەو چەكانەی ئەمڕۆ سووتێندران، پێویستە وەكو سیمبولی ئاشتی پارێزگاریان لێبكرێت.

15:30

هاوڵاتیانی باکووری کوردستان و تورکیا بە پەرۆشێکی زۆرەوە سەیری مەراسیمی سووتاندنی چەکیان کرد کە لەلایەن گروپی ئاشتی و کۆمەڵگەی دیموکراتیکەوە ڕێکخرابوو، کە لەسەر بانگەوازی ڕێبەر عەبدوڵا ئۆجالان بەڕێوەچوو.

13:50

بەسێ هۆزات، هاوسەرۆکی کۆنسەی بەڕێوەبەری کەجەکە پێشەگایەتی مەراسیمی چەک لەناوبردنی 'گرووپی ئاشتی و کۆمەڵگەی دیموکراتیک'ی گەریلای لە ئەشکەوتی جاسەنەی سنووری سلێمانی کرد.

13:06

كەمێك پێش ئێشتا دیمەنی مەراسیمی مێژوویی لەناوبردنی چەکی "گرووپی ئاشتی و کۆمەڵگای دیموکراتیک" بڵاوکرایەوە.

12:35

نووسەر کەژاڵ عەلی دەڵێت: ئەمرۆ ویستگەیەکی تری شۆرشی خەباتی ڕزگاریخوازی کورد لە خەباتی چەکدارییەوە پێدەنێتە قۆناغێکی تری مێژوویی خەباتی مەدەنی و دیموکراتیەوە.

12:03

گروپی "ئاشتی و كۆمه‌ڵگه‌ی دیموكراتیک" ڕاگەیەندراوێکی مێژووییان بڵاوکردەوە و ڕایانگەیاند، لە چوارچێوەی بانگەوازییەکەی ڕێبەر عەبدوڵا ئۆجالان و وەک نیازپاکییەک بۆ سەرکەوتنی پرۆسەی ئاشتی و کۆمەڵگەی دیموکراتیک بە ئیرادەی ئازادیی خۆمان چەکەکانمان لەناودەبەین.

11:38

لەسەر بانگەوازی ڕێبەری گەلی کورد عەبدوڵا ئۆجالان، گەریلاکانی ئاشتی و کۆمەڵگەی دیموکراتیک لە باشووری کوردستان لە ئەشکەوتی جاسەنەی سنووری پاریزگای سلێمانی مەراسیمی لەناوبردنی چەکیان دەستپێکرد.