کۆبانێ

 

ڕۆژی ١٢ی تشرینی یەکەمی ٢٠١٧، لە کاتێکدا پەیامنێرانی ئاژانسی هاوار دلیشان ئیبیش و هۆگر محەمەد لەگەڵ ڕزگار دەنیز، ڕۆژنامەنووس ڕووماڵی هەڵمەتی ڕزگارکردنی دێرەزور لە دەستی داعشیان دەکرد، لەلایەن چەکدارانی ڕێکخراوەکە کرانە ئامانج و لە ئەنجامدا شەهیدبوونیان و چوونە ڕیزی نەمرەکانەوە.

 

بۆ بەرزڕاگرتنی یادی شەهیدبوونیان، یەرەژە و یەرەئا ١٢ی تشرینی یەکەم، بە ئامادەبوونی دەیان ڕۆژنامەنووس، ئەنجومەنی بنەماڵەی شەهیدان و هاوکاران و ئەندامانی بنەماڵەی شەهید دلیشان ئیبیش، ڕێوڕەسمێکی یادکردنەوەیان ئەنجامدا، لە میانی ئەو خزمەتەدا، هەروەها ئەو ڕۆژنامەنووسانەی دیکە کە لە مانگی تشرینی یەکەمدا لە کات و ساڵانی جیاوازدا کوژراون یادیان کرایەوە.

 

ڕێوڕەسمی یادکردنەوەکە لە گۆڕستانی شەهید دیجلە بەڕێوەچوو، وتارەکانیش لە نێوان دروشمی "شەهیدان هەرگیز نامرن" پێشکەشکرا، سیلڤا ئیبراهیم، ئەندامی ئەنجومەنی یەرەژە، لە وتارەکەیدا، تیشکی خستە سەر بەئامانجکردنی ڕۆژنامەنووسان لە کاتی شەڕدا و وتی: ڕۆژنامەگەری کوردی مێژوویەکی دوورودرێژ و دەوڵەمەندی هەیە، هەر بۆیە هەمیشە ڕووبەڕووی هێرشی توند بووەتەوە، دەیان هاوکارمان لەم ڕێگایەدا شەهید بوون، دلیشان ئیبیش یەکێک بوو لەو شەهیدانە، ژیانی خۆی بەخت کرد بۆ ئەوەی ڕاستییەکان بە شاراوەیی نەمێننەوە.

 

ئاماژەی بەوەشکرد، ئێمە لە یەرەژە بەرپرسیارێتی درێژەدان بە ڕێبازی شەهیدان و شوێنکەوتنی شوێنپێیان لە ئەستۆ دەگرین، ئێمە بەردەوام دەبین، بە ئیرادەیەکی نەگۆڕەوە، بۆ ڕۆشنکردنەوەی ڕێگای ڕاستی بەردەوام دەبین.

 

دوابەدوای ئەمەش لە نێوان سروودەکاندا، گوڵ لەسەر گۆڕی شەهید دلیشان ئیبیش دانرا، ڕێوڕەسمی یادکردنەوەکە بە سەردانی گۆڕی مستەفا محەمەد، ڕۆژنامەنووس پەیامنێری کەناڵی ڕۆناهی کۆتایی هات.