ناوەندی هەواڵ

 

لە بەیاننامەیەکی هاوبەشدا کە ١٩ی مانگ بڵاوکراوەتەوە، لیژنەی نەهێشتنی جیاکاری دژی ژنان و لیژنەی مافەکانی منداڵ کە بەرپرسی چاودێری جێبەجێکردنی پەیماننامەی مافەکانی منداڵن، هاتووە: "ئەو منداڵانەی لە ئەنجامی دەستدرێژی سێکسی لە چوارچێوەی ململانێی چەکداریدا لەدایک بوون و دایکانیان بێبەشن لە هەموو ماف و پێداویستییەکان، بە شێوازی جۆراوجۆر جیاکاریان لە بەرامبەردا کراوە و لەلایەن کۆمەڵگاکانەوە پەراوێز خراون".

 

ئاماژەی بەوەشدا زۆرینەی ئەو منداڵانە تۆماری لەدایکبوونیان نییە و بێبەشن لە بەڵگەنامە فەرمییەکان کە مافی هاوڵاتیبونیان لێسەندراوەتەوە، باس لەوەشدەکەن کە ئەم بەربەستانە دەتوانن بە خراپی کار بکەنە سەر مافە مرۆییەکانی منداڵەکە و تا پێگەیشتوویان لەگەڵی بێت، دەشبێتە کێشەی سەرەکی تێکەڵبوون لەگەڵ کۆمەڵگادا.

 

هەر لە بەیاننامە هاوبەشەکەدا داوا لە لایەنەکانی دەوڵەت کرا پابەندبوونیان بە پەیماننامەی نەهێشتنی هەموو شێوازەکانی جیاکاری دژی ژنان و پەیماننامەی مافەکانی منداڵ جێبەجێبکەن و داواشیان لە حکومەتەکان کرد کە دڵنیابنەوە ئەو منداڵانەی لە ئەنجامی دەستدرێژی سێکسیدا لە دایک بوون لە ڕەگەزنامەدا تۆمارکراون، جگە لە "منداڵانی ئاوارە کە دەبێت دەستگەیشتنیان هەبێت بە خزمەتگوزاری چاودێری".

 

ت.پ