ناوەندی هەواڵ

 

علی جەمال قدووری، وتەبێژی بەڕێوەبەرایەتی پۆلیسی گەرمیان، ڕایگەیاند: شەوی ڕابردوو لە گەڕەکی حەی موەزەفینی قەزای کەلارەوە تەرمی ژنێک بەناوی ب. ا. م. لەدایکبووی ١٩٨٦ و بەڕەگەز عەرەب، بە خنکێنراوی گەیەدرایە بەشی فریاکەوتنی شەهید هەژار لە کەلار کە بەهۆی خنکان بەپەت گیانی لەدەستدابوو.

 

وتەبێژەکەی پۆلیسی گەرمیان ئاماژەی بەوەشدا کە لە ئێستادا لەسەر سکاڵای دایک و باوکی ژنە کوژراوەکە، هاوژینی ژنەکە بە تۆمەتی خنکاندن بەبڕیاری دادوەر و بەپێی مادەی ٤٠٦ بەندکراوە.

 

هەروەها پەڕاوی لێکۆڵینەوەی بۆ کراوەتەوەو لێکۆڵینەوە لەگەڵی بەردەوامە، دادوەر چاوەڕوانی ئەنجامی پزیشکییە دەربارەی ئەوەی خنکێندراوە یاخود خۆی خنکاندووە.

 

ت.پ