ناوەندی هەواڵ

 

کۆنفرانسی سێیەمین ساڵەی ڕاپەڕینی “ژن، ژیان، ئازادی” لە ٧ی ئەیلوول لە شاری فرانکفۆرتی ئەڵمانیا بە بەشداری دەیان ژنی چالاکوان و سیاسەتمەدار و نوێنەری ڕێکخراوەکانی کۆمەڵگەی مەدەنی بەڕێوەچوو. ئەنجامی کۆنفرانسەکە بە ناوی “ژن، ژیان، ئازادی لەدایک بووەوە” ڕاگەیەندرا.

 

دەرئەنجامی کۆنفرانسی ساڵڕۆژی "ژن، ژیان، ئازادی" بەم شێوەیەی خوارەوەیە:

ئەم کۆنفرانسە ئەوەمان بیرخستەوە کە شۆڕشی ‘ژن، ژیان، ئازادی’ تەنیا کاردانەوە نییە بەرامبەر بە کوشتنی دەوڵەت لە ژینا ئەمینی، بەڵکو ڕەنگدانەوەی خەباتە دژی نادادپەروەری و ستەمکارییە کە ساڵانێکە بەردەوامە.

 

"سەرەڕای هەموو ستەمێک، پشتیوانی بەردەوامە"

ئێمە وەک چالاکوان، توێژەر، هونەرمەند و چالاکانی سیاسی و کۆمەڵایەتی لە کوردستان، ئەفغانستان، ئێران، ئەڵمانیا و ناوچەکانی دیکەی جیهان، لە ساڵیادی شۆڕشی ‘ژن، ژیان، ئازادی’ لە فرانکفۆرت کۆبووینەوە، کۆبووینەوە بۆ ئەوەی جارێکی دیکە سەرنجی خەڵک بۆ بەهاکانی ئازادی، دادپەروەری کۆمەڵایەتی، یەکسانی جێندەری و کەرامەتی مرۆڤ ڕابکێشین.

 

کۆنفرانسەکە بەبیری هێنایەوە کە شۆڕشی "ژن، ژیان، ئازادی" تەنیا وەڵامدانەوەیەک نییە بۆ کوشتنی ژینا ئەمینی لەلایەن دەوڵەتەوە، بەڵکو خەباتێکە لە دژی هەڵاواردن، نادادپەروەری و ستەم لە ئێران و ناوچەکەدا کە ساڵانێکە بەردەوامە. سەرەڕای سزای زیندانی و لەسێدارەدان و دەربەدەری، ئەم بزووتنەوەیە هێشتا زیندووە و بە یادەوەریی بەکۆمەڵی گەل و خۆڕاگری و پشتیوانی بەردەوامە.

 

لە کۆنفرانسەکەدا سەرنجمان بۆ ئەم خاڵانە ڕاکێشا:

* ڕۆڵی ناوەندی ژنان لە سەرکردایەتی تەڤگەری ژناندا، نەک تەنیا لە ئێراندا، دەبێ لە هەموو ناوچەکاندا بناسرێت و بەهێزتر بکرێت.

 

*پێویستە هاودەنگی لە نێوان هێزە ڕزگاریخوازەکان لە کوردستان، ئێران، ئەفغانستان و ناوچەکانی دیکە بەهێزتر بکرێت.

 

* گەڕان بەدوای دادپەروەری بۆ ئەو کەسانەی کە گیانیان لەدەستداوە و برینداربوون و زیندانی سیاسین بەشێکە لە شۆڕش.

 

* بۆ بەرەنگاربوونەوەی میکانیزمی لەسێدارەدانی ڕژێمە پاوانخوازەکان لە ناوچەکە و کۆماری ئیسلامی ئێران و زوڵم و چەوساندنەوە بە ڕێبەرایەتیکردنی هەوڵە هاوبەشەکان.

 

* بۆ زیاتر پشتیوانی و بڵاوکردنەوەی زمانی یادەوەری و کولتوور و هونەری شۆڕش.

 

پلانەکانی داهاتوو

*ڕێکخستنی کۆبوونەوە و سیمینار لەسەر پرسەکانی دادپەروەری و بەدواداچوونی ماف و ئازادی ژنان و مافە مەدەنییەکان بە شێوەیەکی سیستماتیک و ڕێکخراو.

 

* هەڵمەتێکی نێودەوڵەتی دژ بە لەسێدارەدان و بۆ ئازادی زیندانیانی سیاسی دەست پێبکرێت.

 

* کار بۆ پتەوکردنی تەڤگەرەکان بە قازانجی دادپەروەری و ئازادی لە سەرانسەری جیهاندا بکرێت.

 

ئێمە درێژەی ڕێبازی شۆڕش "ژن، ژیان، ئازادی" ڕادەگەیەنین. هیچ فشارێک ناتوانێت دەنگی گەل و گەنجان و ژنانی هاوارکردن بۆ ئازادی و کەرامەتی مرۆڤ بێدەنگ بکات.

 

کۆبوونەوەمان بۆ خۆی  چالاکییەکی شۆڕشگێڕانەیە!