شارباژێر

 

لە ٢٨ی ئابی ئەمساڵ، لە دەشتی زەڵێ لە شارباژێری تەختی سەر بە پارێزگای سلێمانی، لەپێناو پشتیوانی و گرنگیدان بە بەرهەمە خۆماڵیەکان، فێستیڤاڵی کاڵەک دەستیپێکردو ئەمڕۆ کۆتایی دێت، کە لە فیستیڤاڵەکەدا ژمارەیەکی بەرچاو لە جوتیاران بەشدار بوون و بە بەرهەمە خۆماڵییەکانیان خستەڕوو.

 

دیمەن بابە ڕەسوڵ، ژنێکی خاوەنکاری سەربەخۆ باسی گرنگی بەرهەمە خۆماڵیەکانی کردو وتی: ئەگەربەرهەمی خۆماڵی هەبێت ئەوا هەم لە ڕووی کوالێتییەوە باشە و هەم مەوادی کیمیایی تێدانییە، ئەمەش وادەکات نەخۆشی کەمتر بێتەوە، هەروەها پێویستە ڕێگری لەبەرهەمی دەرەوە بکرێت، چونکە  ئەوکاتە بەرهەمە خۆماڵیەکانمان ساخ دەبێتەوە و گرنگی پێدەدرێت و جوتیارەکانیشمان زیاتر گرنگی دەدەن بە بەرهەمە خۆماڵیەکان، بەڵام کاتێک کە بەرهەمی دەرەوە دێتە ناوخۆ، ئەوکاتە جوتیارەکانیش هەم سارد دەبنەوە و هەم بەرەهەمەکانیشیان ساخ نابێتەوە.

 

لە کۆتایی قسەکانیدا وتی: گرنگ و پێویستە ساڵانە ئەم جۆرە فێستیڤاڵانە ئەنجام بدرێت، شوێنەکەش زیاتر پەرەی پێبدرێت لەڕووی ئاو و سەوزاییەوە، هەروەها زۆر گرنگە بۆ ناوخۆی خۆمان کە گرنگی بە بەرهەمە خۆماڵیەکان بدرێت، چونکە کاتێک بەرهەمەکانی دەرەوە دێتە ناوخۆ ئەوکاتە جوتیاران بەرهەمەکانیان ساخ نابێتەوە، ئەمەش وادەکات جوتیاران لە خزمەتکردنی ڕەزو باخەکانیان ساردببنەوە، هەروەها لە بەروبوومەخۆمالیەکانی خۆمان زۆر خۆشە و دوورە لەهەموو موادێکی کیمیایی، بۆیە ئەگەر ڕێگری بکرێت لە هاتنە ناوەوەی بەرهەمی دەرەوە ئەوا بەرهەمەکانی خۆمان ساغ دەبێتەوە.