نورشان عەبدی  

 

کۆبانێ- لە شاری کۆبانێ لە باکوورو ڕۆژهەڵاتی سووریا، ژنان باخچەی سەوزەی هاوین و زستانە بۆ دابینکردنی پێداویستیەکانیان دەچێنن، ژنان لە خاکەوە بەرهەم دەهێنن بۆ دابینکردنی پێداویستییەکانی بازاڕ و بۆ بەردەوامبوونی ژیانیان. 

  

کۆبانێ کە زۆر دەوڵەمەندە بە کشتوکاڵ، بە گەنم و جۆ و پەلەوەری جۆراوجۆر و بەتایبەتی باخچەی میوە ناسراوە، لەو شارەدا کە دار زەیتون و فستقێکی زۆری تێدایە، زۆربەی خەڵک بە تایبەت ژنان ئارەزووی کشتوکاڵیان هەیە، باخداری وەک پیشەیەکی نەریتی بەردەوامە کە لە کۆنەوە تا ئێستا گوازراوەتەوە. 

  

ژنان لە سەرەتای مانگی ئایاردا باخچەی هاوینە لەبەردەم ماڵەکانیان دروست دەکەن، لێرەوە پێداویستی سەوزە و میوەی خۆیان دابین دەکەن، هاوکات ئامادەکاری بۆ وەرزی زستانیش دەکەن، ئەو نەمامانەی لە مانگی ئاداردا دەچێنرێن لە مانگی ئایاردا لە باخچەدا دەچێنرێن، لە مانگەکانی هاویندا بەرهەمی دانەوێڵە دەچێنن. 

 

"پێداویستییەکانمان لە باخچەکانمانەوە وەردەگرین" 

هاتیجە ئیمان، تەمەن ٦٧ ساڵ، خەڵکی گوندی مینازێ، بەم وشانە ڕۆڵی ژنانی لە کشتوکاڵدا دەربڕی و وتی: وەک گوندنشینەکان گرنگییەکی زۆر بە کشتوکاڵ دەدەین، کشتوکاڵ بنەمای بژێوی ژیانمانە، بۆ ئێمەی ژنان، باخداری شێوازێکی ژیانە، هەموو بەرهەمێک لە باخچەکەماندا بە خۆشەویستییەوە گەشە دەکات، باخچەیەک لەبەردەم هەموو ماڵێکدا هەیە، گرنگ نییە چەندە بچووک بێت، و ئەوانەی باخچەی گەورەیانهەیە پارچە زەویەکان سوود بە ناوچەکە دەگەیەنن، من باخچەیەکی بچووکم لەبەردەم ماڵەکەمدا هەیە، تەنها بۆ پێداویستییەکانی خۆم دەچێنم ئەو زیادەیە دەدەم بە دراوسێکانم و ئەوانەی پێویستن و کەسوکارەکانم لە شارەکەدا. 

  

"من بە خۆشەویستی کار دەکەم" 

هاتیجە ئیمان ئاماژەی بەوەشکردووە، دوو جۆر باخچەی هەیە، زستان و هاوین، وتی: گرنگیدان بە باخچەکە پێویستی بە گرنگیدانێکی زۆر هەیە، ئاودان، گژوگیا، پیتاندن، دەرمان زۆر پێویستە، ئەگەر چاودێرییەکی دروست بکرێت، ئەوا بەرهەمەکە لە ماوەی ٥٠ ڕۆژدا دروێنە دەکرێت، سەرەڕای تەمەنم، بەڵام بە خۆشەویستییەوە کاردەکەم. یەکەم دروێنە وا دەکات ماندوێتیم لەبیربچێت، بینینی بەرهەمی بەروبوومەکانم بۆ من بەسە. 

 

"ئەم کولتوورە لە دایکمانەوە گوازراوەتەوە و ئێمەش بە زیندووی دەیهێڵینەوە" 

هالیسیە ئەمەر سەرنجی بۆ گرنگی ڕۆڵی ژنانی گوندەکان لە باخچەی سەوزەدا ڕاکێشا و وتی: هەموو بەهارێک سەوزەی جیاواز لە باخچەکانماندا دەچێنین، بۆ هاوین بەرهەمی نوێ دەخۆین و ئامادەکاری بۆ وشککردنەوە و پاراستنی بەرهەم بۆ وەرزی زستان دەکەین، بەهۆی باخچەکەمانەوە پێویست ناکات هیچ شتێک لە بازاڕ بکڕین، سەوزە و پێداویستییەکانی خۆمان دابین دەکەین. 

  

"باخداری پیشەی داپیرەمانە" 

هالیسیە ئەمەر سەرنجی بۆ دڵسۆزی بۆ خاکەکە ڕاکێشا و وتی: ئێمە خاک و هێزی کار و ئاومان هەیە، ئێمە بەبێ ئەوەی پێویستمان بەکەس بێت دەژین، کارکردن لە باخچەدا واتای بەرهەمهێنان و ئارامییەم ژنان پەیوەندییەکی تایبەتیان لەگەڵ کشتوکاڵ و زەوییەکە هەیە، باخداری پیشەی داپیرەمانە، لە دایکمانەوە فێری بووین، بەردەوامین لەسەر ئەم نەریتە دێرینە و بەردەوامین لە گواستنەوەی بۆ نەوەی نوێ.