Navenda Nûçeyan – Roja 21’ê Tebaxê, 36 endamên Zanîngeha Beşa Teknolojiyê ya Şerîf weke berteka li dijî cezayên dîsîplînê, derxistin û dûrxistina hejmarek xwendekaran ji perwerdeyê ku ji ber beşdarî xwepêşandanan bûne, nameyek vekirî weşandin û hişyarî dan.

Di nameya bi sernavê ‘Ji bo Şerîf’ hat weşandin de, behsa xelatên navneteweyî yên ku xwendekarên vê zanîngehê girtine hat kirin û wiha hat gotin: “Ji bilî van xelatan, zanîngeha Şerîf, piştî xwepêşandanên der barê mirina Jîna Emînî di 1’ê Cotmeha 2023’yan de, bi êrîşa hovane ya li ser zanîngehê ji aliyê kesên nenas bigre ve heta bûyerên piştî wê qewimîn, birînên kûr vekirine.”

Cîgirê rektorê xwendekaran hat rexnekirin

Di nameyê de performansa cîgirê rektorê xwendekar û desteya dîsîplînê ya sereke ya zanîngehê hat rexnekirin, cezayên ku hatine dayîn, di nav de derxistina xwendekarekî û dûrxistina çar salan ji perwerdeyê, weke ‘bûyerek nehatî dîtin bi nav dike.

Di beşek din a nameyê de hat diyarkirin ku hevpeyvînên bi xwendekarên ku cezayên dîsîplînê girtine re nîşaneyên pirsê yên derbarê pêvajoya Desteya Dîsîplînê ya Dibistana Seretayî derxistin holê û hat destnîşankirin ku divê biryarên ku dibin sedema derxistin an dûrxistina xwendekaran ji perwerdeyê  ji nû ve bên nirxandin.